36 Eyı tł'axǫǫ̀ dèè k'e geèhkw'e gà gıxoehdı.
Ayìı gık'e nìdahogį̀ı̨ɂǫǫ sìı dek'enègı̨ı̨tł'è gà wekwì godoo dawhetǫǫ̀ agį̀į̀là. Dıı hanì dek'eèhtł'è: dıı Zezì hǫt'e, Israel got'ı̨į̀ gha K'àowocho, dek'eèhtł'è.
Eghǫǫ-dǫǫ̀ gha k'àowo eyıts'ǫ eghǫǫ-dǫǫ̀ Zezì xogııhdı ı̨lèe sìı dèè nàgoèhdǫ eyıts'ǫ hazǫǫ̀ gıdaà hagòjà ekò, sıì geèhyeh, hagedı, “Ehkw'ı t'à Nǫ̀htsı̨ Weza hǫt'e!” gedı.
Eghǫǫ-dǫǫ̀ gha k'àowo Zezì gà nàwoo sìı ezeh yıìkw'o xè dànì ełaı̨wo yaɂı̨ ekò hadı, “Ehkw'ı t'à dıı dǫ Nǫ̀htsı̨ Weza hǫt'e!” hadı.
K'àowo Pılate Zezì hòt'a ełaı̨wo yeghǫ ıìkw'o ekò sıì wegha enıìyah. Eyıt'à eghǫǫ-dǫǫ̀ gha k'àowo kayaı̨htı, asį̀į̀ Zezì hòt'a ełaı̨wo gha dayeehke.
