Matthew 26:74 - Nǫ̀htsı̨ Nı̨htł'è

⁷⁴ Peter yatı nàtsoo t'à hadı, “Ehkw'ı aehsı̨-le nı̨dè wek'èxa segha hoìla welè. Eyı dǫ wek'èehsǫ nıìle!” Hadı ts'ǫ̀et'ıì k'àba whezeh.

Matthew 26:74 ပူးပေါင်းရင်းမြစ်များ

Matthew 10:28

Dǫ naxızhį̀į̀ ełaàgehwhı kò naxıdą̀ązhį̀ı̨ ełaàgehwhı ha dìì sìı gıts'àahjı̨-le. Ekò amìı godą̀ązhį̀ı̨ eyıts'ǫ gozhį̀į̀ wehłı̨kǫ̀ ts'ǫ̀ ayele ha dìì-le sìı eyı wets'àahjı̨.

Matthew 26:34

Zezì yets'ǫ̀ hadı, “Ehkw'ı anèehsı̨, dıı toò k'àba ezeh kwe, taà-eht'aà sek'èı̨zǫ-le nı̨ı̨dı ha hǫt'e,” yèhdı.

Matthew 26:73

Whaà-lea tł'axǫǫ̀ dǫ mǫ̀hdaa eyı nàgeèhzaa sìı Peter ts'ǫ̀ geède, hagıìhdı, “Ehkw'ı t'à, wecheekeè ı̨łè anet'e ne, neyatıì ghàà wek'èts'eezǫ,” gıìhdı.

Matthew 26:75

Hanì et'ıì Peter, Zezì dàdı ı̨lèe sìı yenadì. “K'àbacho ezeh kwe, taà-eht'aà sek'èı̨zǫ-le nı̨ı̨dı ha,” yèhdı ı̨lè. Peter xàèhtła gà sıì ededzeè t'à ı̨tsè.

Matthew 27:25

Dǫ hazǫǫ̀ gıts'ǫ̀ hagedı, “Hęɂę. Eyı dǫ wedoò nałaètł'ı nı̨dè goza eyıts'ǫ goxı̨ gots'ǫ̀ hoèlı̨ hǫt'e!” gıìhdı.

Mark 14:30

Zezì yets'ǫ̀ hadı, “Ehkw'ı anèehsı̨, dıı toò et'ıì k'àba nàekeè ezeh kwe, taà-eht'aà sek'èı̨zǫ-le nı̨ı̨dı ha hǫt'e,” yèhdı.

Mark 14:68

Hanìkò Peter yets'ǫ̀ hadı, “Į̀le, sı̨ aht'ı̨ nıìle. Ayìı ghǫ goı̨de aı̨dıı sìı wek'èehsǫ-le,” yèhdı. Eyı tł'axǫǫ̀ xàgoòɂàa k'è gà nììtła.

Luke 22:60

Peter yets'ǫ̀ hadı, “Dàı̨dıì-aı̨dı sìı wek'èehsǫ nıìle!” yèhdı. Hadı ts'ǫ̀et'ıì k'àba whezeh.

John 18:27

Hanìkò Peter k'achı̨ hadı, “Į̀le, wexè aeht'į̀ nıìle,” yèhdı. Hadı ts'ǫ̀et'ıì k'àba whezeh.

Rome 9:3

Sı̨ sexè hoìla eyıts'ǫ Zezì-Krı wets'ǫǫ̀ ɂǫ̀seèhdo k'èxa Israel got'ı̨į̀ xàè sèot'ı̨ agı̨ı̨t'ee sìı edaxàgı̨ı̨de nı̨dè, sınà ha hǫt'e.

1 Corınth 16:22

Amìı, gots'ǫ̀ K'àowo ghǫneètǫ-le sìı wexè hoìla welè. Gots'ǫ̀ K'àowo, gots'ǫ̀ anaąde!

John Wenazhıı 3:19

“T'aa gıghǫneehtǫǫ sìı hołı̨ı̨ hogehtsı̨ nı̨dè nàgeehɂǫ xè nezı̨į̀ geeda gha hoghàgeehtǫ hǫt'e. Eyıt'à ehkw'ı nànıahdè xè edek'eahłı̨.