Matthew 26:70 - Nǫ̀htsı̨ Nı̨htł'è

⁷⁰ Hanìkò dǫ hazǫǫ̀ gonadąą̀ hadı, “Į̀le, sı̨ aht'ı̨ nıìle. Ayìı ghǫ aı̨dıı sìı wek'èehsǫ-le,” yèhdı.

Matthew 26:70 ပူးပေါင်းရင်းမြစ်များ

Matthew 26:51

Eyı hagòjà ekò Zezì wecheekeè ı̨łè behcho xàechì gà yahtıı-wet'àaɂàa-deè wecheekeè ı̨łè yedzeèbàa dachı̨ı̨hwho.

Matthew 26:56

Hanìkò nakwenàoɂǫǫ gını̨htł'è k'ę̀ę̀ agode ha t'à dıı hagode ha t'ıį̀t'e,” gòhdı. Eyı tł'axǫǫ̀ wecheekeè hazǫǫ̀ gıts'ǫǫ̀ natı̨mǫgeèhde, eyıts'ǫ nakwı̨geède.

Matthew 26:58

Peter ı̨dè sìghaı̨waà gok'èè etłe, yahtıı-wet'àaɂàa-deè wekǫ̀ gà kwekwı̨į̀ nawheɂa ts'ǫ̀ gok'èè nììtła. Ayìı dàgot'ı̨ yek'èezǫ ha nıwǫ t'à goyaèhtła gà enìı̨tǫ-k'ègedìı-dǫǫ̀ gogà dèhkwà.

Matthew 26:69

Ekìıyeè k'e Peter eyı kǫ̀ gocho gà mǫ̀ht'a wheda ı̨lè. T'eekoa eyı eghàlaedaa sìı yegà nììtła hayèhdı, “Nı̨ sı Galılee got'ı̨į̀ Zezì xè anet'ı̨ ı̨lè,” yèhdı.

Matthew 26:71

Eyı tł'axǫǫ̀ xàgoòɂàa k'è gà nììtła. K'achı̨ t'eekoa eyıì-le ekǫ yaɂı̨ t'à dǫ eyı nàgeèhzaa sìı gots'ǫ̀ hadı, “Dıı dǫ, Nazareth got'ı̨į̀ Zezì xè at'ı̨ ı̨lè,” gòhdı.

Luke 22:57

Hanìkò Peter hadı, “Ts'èko, eyı dǫ wek'èehsǫ nıìle,” yèhdı.

Rome 11:20

Eyı sìı ehkw'ı t'ıį̀t'e, Nǫ̀htsı̨ gıgha ehkw'ı adı-le t'à dahchı̨gıatǫ̀ ı̨lè. Naxı̨ Nǫ̀htsı̨ naxıgha ehkw'ı-ahodı t'à, eyı ts'ı wets'ǫ kw'ıhchı̨į̀ aaht'e anaxììdlà hǫt'e. Eyıt'à xàhoahdì-le, hanìkò edeghǫ dahjı̨ welè.

1 Corınth 10:12

Eyıt'à amìı nàhtso edeewǫǫ sìı, hołı̨ı̨ t'à naxık'èchıìtła ch'à edexoahdı!

John Wenazhıı 21:8

Hanìkò dǫ gınì nàtso-le sìı, dǫ ehkw'ı-ahodı gı̨ı̨wǫ-le sìı, dǫjıı, dǫ ełaàgehdee dǫǫ̀, hołı̨ı̨ k'alagedèe dǫǫ̀, ı̨k'ǫǫ̀ gı̨ı̨lı̨ı̨, kwe t'à nǫ̀htsı̨ą hòèlı̨ı̨ ts'ǫ̀ yagehtıı, eyıts'ǫ hots'ìı-dǫǫ̀, hazǫǫ̀ kwe dèk'ǫ̀ǫ whehtǫǫ weta ts'ǫ̀ agedle ha. Nàekeè t'à ełaàgede ha,” sets'ǫ̀ hadı.