Matthew 26:64 - Nǫ̀htsı̨ Nı̨htł'è

⁶⁴ Zezì yets'ǫ̀ hadı, “Hęɂę, nı̨ haı̨dı ne. Įdaà nı̨dè Dǫ-wet'àaɂàa-deè Nǫ̀htsı̨ t'asìı wegha dìì-le sìı yegà nàgòts'ehnèe whedaa weahɂį̀ ha. Įdòo yak'e gots'ǫ k'oh xè nììtła ha,” yèhdı.

Matthew 26:64 ပူးပေါင်းရင်းမြစ်များ

Matthew 16:27

Dǫ-wet'àaɂàa-deè sìı detà wets'ǫ t'asìı nàtsoo xè enıìyah deè t'à edets'ǫ yak'eet'ı̨į̀ goxè nììtła ha. Eyıts'ǫ dǫ hazǫǫ̀ dànì eghàlagı̨ı̨dà k'ę̀ę̀ goghàhòɂà ha.

Matthew 16:28

Ehkw'ı anaxèehsı̨, dǫ mǫ̀hdaa jǫ nàgeèhzaa sìı Dǫ-wet'àaɂàa-deè Wenàowoò k'ę̀ę̀ hòɂǫǫ xè nììtła geɂį̀ kwe ełaàgede ha nıìle,” Zezì hadı.

Matthew 22:44

‘Gots'ǫ̀ K'àowo, sets'ǫ̀ K'àowo ts'ǫ̀ hadı, Amìı nets'ǫ̀ xànegı̨ı̨ɂaa sìı hazǫǫ̀ gıghǫı̨hnè anehłe gots'ǫ̀, nàgòts'ehnèe segà wheęda,’ dek'eèhtł'è.

Matthew 24:30

“Eyı dzęę̀ k'e Dǫ-wet'àaɂàa-deè yat'a wègoèht'į̀ ha eyıts'ǫ dıı nèk'e dǫ hazǫǫ̀ geejı̨ xè getse ha. Dǫ-wet'àaɂàa-deè enıìyah t'à nàtso xè k'oh k'e nììtła geɂį̀ ha.

Matthew 25:31

Zezì hadı, “Dǫ-wet'àaɂàa-deè enıìyah t'à nàtso xè nììtła nı̨dè, wets'ǫ yak'eet'ı̨į̀ gıxè at'ı̨ ha, eyıts'ǫ yak'e gots'ǫ k'àowocho elı̨ xè ededaèhchı̨cho k'e wheda ha.

Matthew 26:25

Zhıdàà, Zezì k'aodèe tł'aàyehtè ha sìı, hadı, “K'àowo, sı̨ asį̀ı̨dı-le nì?” Zezì yets'ǫ̀ hadı, “Hęɂę, nı̨ anèehsı̨,” yèhdı.

Matthew 27:11

Ekìıyeè k'e Zezì k'àowo Pılate nadąą̀ nàwo. K'àowo Pılate dayeehke, hayèhdı, “Israel got'ı̨į̀ gha k'àowocho anet'e nì?” Zezì yets'ǫ̀ hadı, “Hęɂę, dàı̨dıı sìı k'ę̀ę̀ hǫt'e,” yèhdı.

Matthew 28:18

Zezì gogà nììtła xè gots'ǫ̀ hadı, “Įdòo yak'e eyıts'ǫ dıı nèk'e t'asìı hazǫǫ̀ ts'ǫ̀ k'àowo ehłı̨ ha seghàhòt'ǫ hǫt'e.

Matthew 8:20

Zezì yets'ǫ̀ hadı, “Nǫgèe gıɂǫ gǫ̀hłı̨ eyıts'ǫ chı̨ą sı gıt'oh gǫ̀hłı̨, hanìkò Dǫ-wet'àaɂàa-deè edı̨į̀ kwìhɂǫ ha gǫ̀hłı̨-le,” yèhdı.

Mark 14:62

Zezì yets'ǫ̀ hadı, “Eyı aht'e. Įdaà nı̨dè Dǫ-wet'àaɂàa-deè Nǫ̀htsı̨ t'asìı wegha dìì-le sìı gà nàgòts'ehnèe wheda weahɂį̀ ha. Įdòo yak'e gots'ǫ k'oh xè nììtła ha,” yèhdı.

Luke 21:27

Eyı dzęę̀ k'e Dǫ-wet'àaɂàa-deè enıìyah t'à nàtso k'oh k'e nììtła ha, eyıts'ǫ dǫ hazǫǫ̀ geɂį̀ ha.

Luke 22:69

Jǫ gots'ǫ ı̨daà Dǫ-wet'àaɂàa-deè Nǫ̀htsı̨ t'asìı wegha dìì-le sìı gà nàgòts'ehnèe wheda ha,” Zezì gòhdı.

Luke 22:70

Eyı tł'axǫǫ̀ hazǫǫ̀ dageehke, “Nǫ̀htsı̨ Weza anet'e nì?” gıìhdı. Zezì gots'ǫ̀ hadı, “Seghǫ dàahdıı sìı ehkw'ı aahdı,” gòhdı.

John 18:37

K'àowo Pılate hadı, “Eyıt'à k'àowocho anet'e nǫǫ̀!” Zezì yets'ǫ̀ hadı, “K'àowocho aht'e nı̨ı̨dıı sìı ehkw'ı hǫt'e. Nàowo ehkw'ıı ghǫ gohde ha t'à dıı nèk'e segǫ̀hłı̨ hǫt'e. Dǫ hazǫǫ̀ nàowo ehkw'ıı gı̨ı̨wǫǫ sìı segeèhkw'ǫ hǫt'e,” yèhdı.

Zezì Wecheekeèdeè 1:11

Gots'ǫ̀ hagedı, “Galılee got'ı̨į̀, ayìıha ı̨dòo yat'a ts'ǫ̀ k'eaht'į̀? Zezì naxıts'ǫǫ̀ yak'e ts'ǫ̀ nıwıìtı̨ı̨ sìı, eyı xèht'eè yak'e gots'ǫ jǫ anade ha hǫt'e,” gògedı.

Rome 14:10

Eyıt'à dànìghǫ naxèot'ı̨ gısınìyaahtı? Eyıts'ǫ dànìghǫ naxèot'ı̨ t'asìı elı̨-le k'ę̀ę̀ wets'ǫ̀ naahɂa? Goxı̨ hazǫǫ̀ Nǫ̀htsı̨ nadąą̀ nàts'eèhza gà gosınìyaetı ha hǫt'e wedaànıahdè welè.

1 Thessalonıca 4:16

Gots'ǫ̀ K'àowo ededı̨ xàè yak'e gots'ǫ hodàetła ha hǫt'e. Nǫ̀htsı̨ wets'ǫ dechı̨shì hòtł'ò dedı ha, eyıts'ǫ yak'eet'ı̨deè hòtł'ò xàyahtı ha. Ekòet'ıì dǫ Zezì gıgha ehkw'ı-ahodıı xè ełaàgı̨ı̨dèe sìı ededı̨ t'akwełǫ̀ǫ̀ nagìdà ha.

Hebrew 1:3

Nǫ̀htsı̨ Weza sìı dànì Nǫ̀htsı̨ wexè saı̨dı̨ı̨ sìı yexèht'eè wexè saı̨dı̨ hǫt'e. Nǫ̀htsı̨ dànì wègaat'ı̨ı̨ sìı Weza hotıì yexèht'eè wègaat'ı̨ hǫt'e, weyatıì nàtso t'à t'asìı hazǫǫ̀ edaà ayį̀į̀hwhǫ. Dǫ gha ełaı̨wo t'à gıhołı̨į̀ gıghǫ nahoazha ayį̀į̀là tł'axǫǫ̀, ı̨dòo yak'e Nǫ̀htsı̨ t'asìı wegha dìì-le sìı gà nàgòts'ehnèe wheda.

Hebrew 12:2

Zezì zǫ wedaànıts'ııdè, ededı̨ sìı Nǫ̀htsı̨ gogha ehkw'ı-ahodıı yexèhoį̀hwho hǫt'e, eyıts'ǫ ededı̨ nǫǫde ts'ǫ̀ deghàà gogha ehkw'ı-ahodıì agole ha hǫt'e. Ededı̨ ı̨daà nı̨dè wınà agode ha yek'èezǫ t'à dechı̨et'aa k'e dàı̨ɂàa sìı yeghǫ į̀į̀zhawhelı̨-le. Eyı tł'axǫǫ̀ Nǫ̀htsı̨ t'asìı hazǫǫ̀ gha K'àowocho elı̨ı̨ sìı yegà nàgòts'ehnèe wheda.

John Wenazhıı 1:7

Įdòo k'eaht'į̀, k'oh k'e gots'ǫ̀ nììtła ha. Dǫ hazǫǫ̀ geɂį̀ ha. Dǫ behkà t'à gıghaı̨hkoo sìı ededı̨ kò geɂį̀ ha. Eyıts'ǫ dıı nèk'e dǫ hazǫǫ̀ wets'ıhɂǫ̀ geejı̨ xè getse ha. Hanì hòɂǫ welè! Amen.

John Wenazhıı 20:11

Eyı tł'axǫǫ̀ daèhchı̨cho degoo eyıts'ǫ amìı yek'e whedaa sìı wègoèht'į̀. Dèè eyıts'ǫ yat'a wech'à kwı̨geèhdeè lagejà, gıgha gòɂǫ-le t'à.