Matthew 26:61 - Nǫ̀htsı̨ Nı̨htł'è

⁶¹ “Eyı dǫ dıı hadı ı̨lè, ‘Nǫ̀htsı̨kǫ̀-gocho wedıhohtsı̨ ha eyıts'ǫ taı dzęę̀ k'ehǫǫwo nı̨dè nagohtsı̨ ha,’ hadı ı̨lè,” gedı.

Matthew 26:61 ပူးပေါင်းရင်းမြစ်များ

Dànì Kèhoį̀wo 19:9

Hanìkò “Ets'èɂǫ̀ǫ̀ aąde,” gıìhdı eyıts'ǫ ełets'ǫ̀ hagedı, “Dıı dǫ jǫ ts'ǫ̀ ajà ekò xàhtǫ ı̨lè, hanìkò dıì sìı gosınìyaehtıı-dǫǫ̀ k'ę̀ę̀ k'ehoɂa ha nıwǫ! Eyı dǫ nàke gınahk'e ekǫ-le nets'ǫ̀ eghàlats'eeda ha ne,” Lot gıìhdı. K'èdaà geehchı xè enìı̨tǫ nàgeezhì ha k'ehogeɂa.

Matthew 12:24

Hanìkò Pharısee gı̨ı̨lı̨ı̨ sìı egıìkw'o t'à hagedı, “Įnìłı̨ı̨ gha k'àowo dahxà ı̨nìłı̨ı̨ xàdeezhıì at'ı̨,” gedı.

Matthew 26:62

Eyıt'à yahtıı-wet'àaɂàa-deè nıìtła gà Zezì ts'ǫ̀ hadı, “Dǫ neghǫ dàgedıı sìı wek'e xàyaı̨htı ha-le nì? Dǫ ayìı nek'e nìdahogeeɂàa sìı weghǫ dàı̨dı ha?” yèhdı.

Matthew 26:71

Eyı tł'axǫǫ̀ xàgoòɂàa k'è gà nììtła. K'achı̨ t'eekoa eyıì-le ekǫ yaɂı̨ t'à dǫ eyı nàgeèhzaa sìı gots'ǫ̀ hadı, “Dıı dǫ, Nazareth got'ı̨į̀ Zezì xè at'ı̨ ı̨lè,” gòhdı.

Matthew 27:40

hagedı, “ ‘Nǫ̀htsı̨kǫ̀-gocho wedıhoı̨htsı̨ ha eyıts'ǫ taı dzęę̀ t'à nagoı̨htsı̨ ha,’ nı̨ı̨dı ı̨lè. Hot'eè edaxàdı̨ı̨tè! Nǫ̀htsı̨ Weza anet'e nı̨dè dechı̨et'aa k'e ts'ǫ hodàı̨tła,” gıìhdı.

Matthew 27:5

Eyıt'à Zhıdàà sǫǫ̀mba Nǫ̀htsı̨kǫ̀-gocho goyayeèhde gà t'asį̀ı̨ dadèhdlì.

Mark 14:58

“Eyı dǫ dıı hadı wets'ıìkw'o, ‘Nǫ̀htsı̨kǫ̀-gocho dǫ yehtsı̨ı̨ sìı wedıhohtsı̨ ha eyıts'ǫ taı dzęę̀ k'ehǫǫwo nı̨dè k'achı̨ ı̨łè dǫ yèhtsı̨-le sìı nahtsı̨ ha,’ hadı ı̨lè,” dǫ nàke hagedı.

Mark 15:29

Dǫ gıxanageedèe sìı yatıjıı t'à gık'adaedè xè gıts'ǫ̀ nòkwìgeeye, hagedı, “Nǫ̀htsı̨kǫ̀-gocho wedıhoı̨htsı̨ ha eyıts'ǫ taı dzęę̀ t'à nagoı̨htsı̨ ha, nı̨ı̨dı ı̨lè.

Luke 23:2

Gık'e nìdahogį̀ı̨ɂǫ, hagedı, “Dıı dǫ sìı gonèk'e weghǫ nàdahoowo, eyıts'ǫ ‘K'àowodeè Caesar wets'àts'eehdì ha-le,’ hadı eyıts'ǫ ‘K'àowocho Chrıst, eyı aht'e’ edèhdı,” gedı.

John 9:29

Nǫ̀htsı̨ Moses ts'ǫ̀ goı̨de wek'èts'eezǫ hǫt'e, ekò eyı dǫ awį̀ı̨dıı sìı edı̨į̀ gots'ǫ dǫ ne wek'èts'eezǫ-le,” gedı.

Zezì Wecheekeèdeè 17:18

Dǫ mǫ̀hdaa Epıcurean nàowoò eyıts'ǫ Stoıc nàowoò k'ę̀ę̀ nànıgedèe sìı Paul k'èch'a gogede, hagedı, “Dıı dǫ wewà łǫ ayìı ghǫ godeè-adı?” Eyıts'ǫ mǫ̀hdaa hagedı, “Nǫ̀htsı̨ ładı̨ı̨ ghǫ godeè-adı lanì,” gedı. Paul, Zezì wegodıì nezı̨ı̨ t'à gode eyıts'ǫ ı̨daà nı̨dè dǫ nagìdà ha hadı t'à, agıìhdı.

Zezì Wecheekeèdeè 18:13

Dǫ-sınìyaehtıı-dǫǫ̀ ts'ǫ̀ hagedı, “Dıı dǫ sìı, gonàowoò k'èch'a dǫ hoghàehtǫ. Nàowo eładı̨ı̨ k'ę̀ę̀ Nǫ̀htsı̨ ghàsǫgeedı ha, gòhdı,” gedı.

Zezì Wecheekeèdeè 22:22

Dǫ hazǫǫ̀ hagǫǫwa gots'ǫ̀ Paul gı̨į̀hkw'ǫ̀, hanìkò eyıì-le dǫ xàɂaa gıts'ǫ̀ ahde ha, gòhdı ts'ǫ̀et'ıì dǫ yagìzeh xè hagedı, “Eyı dǫ weweè aahłe! Ełaàwèahwhı!” gedıì yagìzeh.