Matthew 26:3 - Nǫ̀htsı̨ Nı̨htł'è

³ Ekìıyeè k'e yahtıı-gha-k'aodèe eyıts'ǫ ǫhdah gı̨ı̨lı̨ı̨ sìı yahtıı-wet'àaɂàa-deè, Caıaphas wìyeh, wekǫ̀ gocho ełègı̨ı̨de.

Matthew 26:3 ပူးပေါင်းရင်းမြစ်များ

Matthew 26:69

Ekìıyeè k'e Peter eyı kǫ̀ gocho gà mǫ̀ht'a wheda ı̨lè. T'eekoa eyı eghàlaedaa sìı yegà nììtła hayèhdı, “Nı̨ sı Galılee got'ı̨į̀ Zezì xè anet'ı̨ ı̨lè,” yèhdı.

Matthew 27:27

K'àowo Pılate wets'ǫ eghǫǫ-dǫǫ̀ Zezì Praetorıum gòyeh ts'ǫ̀ geèhchì, ekǫ eghǫǫ-dǫǫ̀ łǫ wemǫǫ̀ nègı̨ı̨deè agogį̀į̀là.

Mark 14:54

Peter ı̨dè sìghaı̨waà gok'èè etłe, yahtıı-wet'àaɂàa-deè wekǫ̀ gà kwekwı̨į̀ nawheɂa ts'ǫ̀ gok'èè nììtła. Goyaèhtła gà enìı̨tǫ-k'ègedìı-dǫǫ̀ gogà dèhkwà xè naìgwı.

Mark 14:66

Ekìıyeè k'e Peter eyı kǫ̀-gocho gà mǫ̀ht'a wheda ekò t'eekoa eyı eghàlaedaa sìı yexa èhtła.

Mark 15:16

Zezì k'àowo Pılate wekǫ̀ gocho (Praetorıum gòyeh) ts'ǫ̀ geèhchì, ekǫ eghǫǫ-dǫǫ̀ łǫ eyı nègı̨ı̨de agogį̀į̀là.

Luke 22:55

Yahtıı-wet'àaɂàa-deè wekǫ̀ gà kǫ̀ nageèhtła xè kǫ̀ gà geèhkw'e. Peter ededı̨ sı gogà dèhkwà.

Luke 3:2

eyıts'ǫ Lysanıyas Abılene nèk'e gha k'àowo elı̨ ekò, eyıts'ǫ Annas eyıts'ǫ Caıphas yahtıı-wet'àaɂàa-deè gı̨ı̨lı̨ı̨ ekò, John-Baptıst, Zecharıah weza, whatsǫǫ̀ ekìı-ka nèk'e nàı̨dè. Ekǫ Nǫ̀htsı̨ yets'ǫ̀ goı̨de.

John 11:57

Hanìkò yahtıı-gha-k'aodèe eyıts'ǫ Pharısee gı̨ı̨lı̨ı̨ sìı dǫ ts'ǫ̀ dıı hagedı ı̨lè, “Zezì edı̨į̀ wheda dǫ gık'èezǫ nı̨dè k'aodèe ts'ǫ̀ hagedı ha,” gedı. Zezì dageechı ha gı̨ı̨wǫ t'à, agedı.

John 18:24

Eyı tł'axǫǫ̀ Zezì ı̨łaà wegǫ̀ǫ̀ ełeetł'ı̨ xè Annas, yahtıı-wet'àaɂàa-deè Caıaphas ts'ǫ̀ ayį̀į̀là.

John 18:28

K'omǫǫ̀dǫǫ̀ et'ıì yahtıı-wet'àaɂàa-deè Caıaphas wekǫ̀ gots'ǫ xàgeèhchì, Zezì k'àowo Pılate wekǫ̀ gocho ts'ǫ̀ geèhchì. Israel got'ı̨į̀ sìı dǫ eładı̨ı̨ kǫ̀ goyageedè ha gıgha wets'àet'ǫ hǫt'e. Hagejà nı̨dè, gınàowoò k'ę̀ę̀ “degaı gı̨ı̨lı̨-le” agede ha gı̨ı̨wǫ, hanì-ı̨dè dzędeè Passover gha nàsı̨ ghǫ shègezhe ha dìì, eyıt'à k'àowo Pılate wekǫ̀ gocho goyageède-le.