Matthew 26:18 - Nǫ̀htsı̨ Nı̨htł'è

¹⁸ Zezì gots'ǫ̀ hadı, “Jerusalem ts'ǫ̀ aahdè, ekǫ dǫ ı̨łè ts'àahdè, wets'ǫ̀ haahdı, ‘Gots'ǫ̀ K'àowo dıı hadı: Segha nèhòkw'ı ts'ǫ̀ whaà-le agòjà. Nekǫ̀ secheekeè gıxè Passover gha nàsı̨ ehtsı̨ ha, hadı,’ hawèahdı,” gòhdı.

Matthew 26:18 ပူးပေါင်းရင်းမြစ်များ

Matthew 21:3

Eyı ghǫ dǫ naxıts'ǫ̀ gode nı̨dè, ‘Gots'ǫ̀ K'àowo yet'à-at'ı̨ ha nıwǫ, ekòet'ıì neghǫ yeechı ha,’ hawèahdı nǫǫ̀,” Zezì gòhdı.

Matthew 23:10

Eyıts'ǫ ‘hoghàehtǫǫ-dǫǫ̀’ naxègedıì naxegıızı ha-le. Dǫ ı̨łè zǫ dǫ hoghàgoehtǫǫ elı̨ hǫt'e, eyı sìı Chrıst hǫt'e.

Matthew 23:8

“Hanìkò naxı̨ sìı dǫ ‘K'àowo’ naxègedıì naxegıızı ha-le. K'àowo ı̨łè zǫ naxıts'ǫ hǫt'e, naxı̨ hazǫǫ̀ ełèot'ı̨ aaht'e.

Matthew 26:19

Eyıt'à Zezì dàgòhdıı sìı k'ę̀ę̀ wecheekeè eghàlagı̨ı̨dà. Ekǫ Passover gha nàsı̨ sınìhogį̀ı̨ɂǫ.

Matthew 26:2

“Dzędeè Passover agode ts'ǫ̀ nàke dzęę̀ whìle wek'èahsǫ hǫt'e. Ekìıyeè k'e nı̨dè Dǫ-wet'àaɂàa-deè k'aodèe tł'aàgıhtè ha eyıts'ǫ dechı̨et'aa k'e wedıìtsò ha,” gòhdı.

Matthew 26:49

Zhıdàà ekòet'ıì Zezì ts'ǫ̀ èhtła gà yets'ǫ̀ hadı, “Sets'ǫ̀ K'àowo, nexè sìghà welè,” yèhdı gà yı̨ı̨ts'į̀.

Mark 5:35

Įłaà Zezì gode ekò ełègehdèe-kǫ̀ gha k'àowo Jaırus wekǫ̀ gots'ǫ dǫ mǫ̀hdaa eyı nègı̨ı̨de, Jaırus ts'ǫ̀ hagedı, “Netì ełaı̨wo. Gots'ǫ̀ K'àowo nekǫ̀ nàwetła-le kò,” gıìhdı.

Luke 22:53

Dzę taàt'eè naxıxè Nǫ̀htsı̨kǫ̀-gocho gà whıhda ı̨lè kò sèahchì-le ı̨lè. Hanìkò dıì to agǫ̀ht'e t'à naxıgha hòɂǫǫ̀ agòjà,” Zezì gòhdı.

John 11:28

Hadı tł'axǫǫ̀ ek'èt'à naèhtła gà ededè ts'ǫ̀ gode. Whatsǫą yets'ǫ̀ hadı, “Gots'ǫ̀ K'àowo nììtła, nets'ǫ̀ gode ha nıwǫ,” ededè èhdı.

John 12:23

Zezì hagòhdı, “Hòt'a Dǫ-wet'àaɂàa-deè wexè enıìyah nàhòwo ha nìkw'o.

John 13:1

Dzędeè Passover wets'ǫ̀ hawe. Zezì, hòt'a whaà-le dıı nèk'e gots'ǫǫ̀ naetła ha eyıts'ǫ Edetà ts'ǫ̀ anade ha yek'èezǫ. Xàè wets'ǫ dǫ dıı nèk'e dǫta nàgedèe sìı goghǫneètǫ, dànì hòtł'ò goghǫneètǫǫ sìı gık'èezǫǫ̀ agole ha.

John 17:1

Zezì hadı tł'axǫǫ̀, ı̨dòo yak'e ts'ǫ̀ k'eet'į̀ xè yahtı, hadı, “Setà, hòt'a eyı nèhòı̨wo, Neza weghàsǫhoedıì anele, hanì-ı̨dè Neza neghàsǫhoedıì ayele ha.

John 20:16

Zezì yets'ǫ̀ hadı, “Mary,” yèhdıì yıızı. Mary yets'ǫ̀ ets'aèhtła, Aramaıc yatıì k'ę̀ę̀, hǫtsaa whezeh, hadı, “Rabbonı!” hadı. (“Rabbonı” gedı nı̨dè “hoghàehtǫǫ-dǫǫ̀,” gedıì-agedı.)

John 7:30

Zezì hadı t'à Israel got'ı̨į̀ gha k'aodèe dageechı ha hogeèhdzà, hanìkò ı̨łaà wegha nèhòkw'ı-le t'à dǫ wı̨ı̨zìı t'asayį̀į̀là-le.

John 7:6

Eyıt'à Zezì gots'ǫ̀ hadı, “Sı̨ segha ı̨łaà whìle hǫt'e, hanìkò naxı̨ sìı t'alàa-sìı k'e naxıgha hòɂǫ hǫt'e.

John 7:8

Naxı̨ kǫ̀ta Jerusalem nàsı̨ ts'ǫ̀ aahdè. Įłaà segha eyı nèhòkw'ı-le t'à jǫ whıhda ha,” gòhdı.