Matthew 26:14 - Nǫ̀htsı̨ Nı̨htł'è

¹⁴ Eyı tł'axǫǫ̀ wecheekeè hoònǫ-daats'ǫ̀-nàke gots'ǫ ı̨łè, Zhıdàà-Iscarıyot wìyeh sìı yahtıı-gha-k'aodèe ts'ǫ̀ èhtła,

Matthew 26:14 ပူးပေါင်းရင်းမြစ်များ

Matthew 10:4

Sımon (“dǫ edenèè ghǫneètǫǫ” wìyeh), eyıts'ǫ Zhıdàà-Iscarıyot, ededı̨ Zezì k'aodèe gotł'aàyį̀ı̨htı̨ hǫt'e.

Matthew 26:25

Zhıdàà, Zezì k'aodèe tł'aàyehtè ha sìı, hadı, “K'àowo, sı̨ asį̀ı̨dı-le nì?” Zezì yets'ǫ̀ hadı, “Hęɂę, nı̨ anèehsı̨,” yèhdı.

Matthew 26:47

Įłaà Zezì edecheekeè gots'ǫ̀ gode et'ıì wecheekeè hoònǫ-daats'ǫ̀-nàke gots'ǫ ı̨łè, Zhıdàà wìyeh, eyı nììtła. Dǫ łǫ behcho eyıts'ǫ dechı̨ k'egelee wexè nègı̨ı̨de. Yahtıı-gha-k'aodèe eyıts'ǫ ǫhdah gı̨ı̨lı̨ı̨ sìı dǫ eyı ts'ǫ̀ gogı̨ı̨hɂà.

Matthew 27:3

Zhıdàà, Zezì k'aodèe gotł'aàyį̀ı̨htı̨ı̨ sìı, Zezì ełaàgehwhı ha gısınìyaı̨htı yeghǫ ıìkw'o ekò wegha dìì xè edek'eelı̨. Eyıt'à yahtıı-gha-k'aodèe eyıts'ǫ ǫhdah gı̨ı̨lı̨ı̨ sìı gots'ǫ̀ naèhtła gà satsǫ̀ą degoo goghǫǫyį̀ı̨wa.

John 12:4

Hanìkò wecheekeè ı̨łè Zhıdàà-Iscarıyot wìyeh, k'aodèe gotł'aàyehtè ha sìı, yeghǫ sǫadı, hadı,

John 13:2

Xèhts'ǫ̀ shègezhe ha kw'à nègı̨ı̨la. Ekìıyeè k'e wehłı̨ı̨, Sımon weza Zhıdàà-Iscarıyot, Zezì k'èch'a nànıwoò ayį̀į̀là ı̨lè, eyıt'à Zezì, k'aodèe gotł'aàyehtè ha nıwǫ.

John 13:26

Zezì yets'ǫ̀ hadı, “Dıı łèt'è tıwo ta ahłà gà eyı dǫ weghàehchìı sìı eyı hǫt'e.” Hadı tł'axǫǫ̀ łèt'è kw'àyį̀ą yìı tenaı̨htso gà Sımon weza Zhıdàà-Iscarıyot ghàyeèchì.

John 13:30

Zhıdàà łèt'è nıìchì tł'axǫǫ̀ xàèhtła; hòt'a to agòjà ı̨lè.

John 18:2

Wecheekeè ı̨łè, Zhıdàà wìyeh, k'aodèe tł'aàyehtè ha sìı, ekǫ hok'èezǫ, Zezì edecheekeè xè t'aats'ǫǫ̀ ekǫ at'ı̨ ı̨lè t'à.

Zezì Wecheekeèdeè 1:16

Peter gots'ǫ̀ hadı, “Sèot'ı̨ı̨, Nǫ̀htsı̨ wenı̨htł'è k'e dànì dek'eèhtł'èe sìı wek'ę̀ę̀ agode ha hǫt'e. T'akwe whaà k'àowocho Davıd Yedàyeh Nezı̨ı̨ dahxà Zhıdàà ghǫ xàyaı̨htı ı̨lè. Zhıdàà Zezì gìhchı ha dǫ k'egohɂı̨ı̨ sìı dıı hanì weghǫ dek'eèhtł'è,

Zezì Wecheekeèdeè 1:18

(Zhıdàà hojıì eghàlaı̨dà k'èxa sǫǫ̀mba weghǫ̀zhaa sìı yet'à dèè nàgoèhdì. Eyı dèè k'e ı̨daà nàakw'oò adììdlà, wezhį̀į̀ tàı̨dlà t'à wets'ıì hazǫǫ̀ xàı̨tł'ı.