Matthew 25:6 - Nǫ̀htsı̨ Nı̨htł'è

⁶ “Totanı nìı̨ɂǫ ekò dǫ whezeh, hadı: ‘Dǫ honìda ha sìı nììtła ha nìkw'o! Jǫ weda łą̀ą nìahdè!’ hadı.

Matthew 25:6 ပူးပေါင်းရင်းမြစ်များ

Matthew 24:31

Dechı̨shì hòtł'ò dedı ekìıyeè k'e nı̨dè, Dǫ-wet'àaɂàa-deè edeyak'eet'ı̨į̀ dıı nèk'e hazǫǫ̀ welǫ ts'ǫ̀ gohɂa ha, Nǫ̀htsı̨ dǫ gòį̀hchìı sìı nàgogehtsį̀ ha.

Matthew 24:44

Naxı̨ sı, Dǫ-wet'àaɂàa-deè ayìı sadzeè k'e wexaahłı-le sìı k'e nììtła ha ne t'à, wegha ts'atà dahkw'e ha hǫt'e.

Matthew 25:1

“Ekìıyeè k'e nı̨dè Nǫ̀htsı̨ Wenàowoò k'ę̀ę̀ dıı lagode ha: T'eekoa hoònǫ tłeèk'ǫ̀ǫ xè xàgeède gà mǫ̀ht'a dǫzhìı honìda ha sìı k'enageèhɂı̨.

Matthew 25:31

Zezì hadı, “Dǫ-wet'àaɂàa-deè enıìyah t'à nàtso xè nììtła nı̨dè, wets'ǫ yak'eet'ı̨į̀ gıxè at'ı̨ ha, eyıts'ǫ yak'e gots'ǫ k'àowocho elı̨ xè ededaèhchı̨cho k'e wheda ha.

Matthew 25:5

Eyı dǫ honìda ha sìı whaà gık'eènaèhɂı̨ ts'ıhɂǫ̀, begeèxı̨į̀ agejà t'à geète.

Matthew 25:7

“Ekòet'ıì t'eekoa hazǫǫ̀ ts'ıgı̨ı̨dè, edets'ǫ tłeèk'ǫ̀ǫ nezı̨į̀ dèk'ǫ̀ agı̨į̀là.

Luke 12:20

“Hanìkò Nǫ̀htsı̨ yets'ǫ̀ hadı, ‘Gonezǫ-le dìì! Dıı toò nedą̀ązhį̀ı̨ neghǫ ìchı ha. T'asìı łǫ edegha ts'atà wheęhłaa sìı hot'eè amìı weghaelı̨į̀ ade ha?’ yèhdı.

Luke 12:46

Wets'ǫ k'àowo dàht'e nǫ̀ǫtła ha yexaelı-le dzęę̀ k'e hǫtsaa nììtła ha. K'àowo hòtł'ò nàyeehkwa ha eyıts'ǫ dǫ gıgha ehkw'ı-ahodı-le sìı goxè whedaà ayele ha.

1 Thessalonıca 4:16

Gots'ǫ̀ K'àowo ededı̨ xàè yak'e gots'ǫ hodàetła ha hǫt'e. Nǫ̀htsı̨ wets'ǫ dechı̨shì hòtł'ò dedı ha, eyıts'ǫ yak'eet'ı̨deè hòtł'ò xàyahtı ha. Ekòet'ıì dǫ Zezì gıgha ehkw'ı-ahodıı xè ełaàgı̨ı̨dèe sìı ededı̨ t'akwełǫ̀ǫ̀ nagìdà ha.

2 Peter 3:10

Hanìkò gots'ǫ̀ K'àowo nǫ̀ǫtłaa dzęę̀ k'e nı̨dè dǫ gıxaelı ha-le, eeɂį̀ı̨-dǫǫ̀ enìxàezhì lagode ha. Ekìıyeè k'e nı̨dè hòtł'ò nàgoekw'ǫ xè yat'a hazǫǫ̀ whìle agode ha, whǫ̀ dawhelaa hazǫǫ̀, dıı nèè eyıts'ǫ t'asìı hazǫǫ̀ wek'e whelaa sìı kǫ̀ t'à wedıhołè ha.

John Wenazhıı 16:15

Gots'ǫ̀ K'àowo dıı hadı, “Kexoahdı! Eeɂį̀ı̨-dǫǫ̀ lanì hǫtsaa naxıts'ǫ̀ nèehtła ha. Amìı ts'ıgoedìı xè edegoht'ǫǫ̀ edegà whehłaa sìı wexè sìghà ha hǫt'e. Hanì-ı̨dè goht'ǫ dę edeghǫ į̀į̀zhaelı̨ ha-le,” hadı.