Matthew 25:40 - Nǫ̀htsı̨ Nı̨htł'è

⁴⁰ “K'àowocho hagòhdı ha, ‘Ehkw'ı anaxèehsı̨, sechı dek'aɂį̀ elı̨ı̨ sìı wegha ayìı dàahłàa sìı sı̨ segha haahłà hǫt'e,’ gòhdı ha.

Matthew 25:40 ပူးပေါင်းရင်းမြစ်များ

Matthew 10:40

“Dǫ naxıgı̨ı̨wǫǫ sìı sı̨ segı̨ı̨wǫ hǫt'e eyıts'ǫ dǫ segı̨ı̨wǫǫ sìı amìı sı̨ı̨hɂàa sìı gı̨ı̨wǫ hǫt'e.

Matthew 10:42

Ehkw'ı anaxèehsı̨, dıı secheekeè sexè aget'ı̨ı̨ sìı dǫ gha dek'aɂį̀ gı̨ı̨lı̨ kò, secheekeè aget'ı̨ gok'ègeezǫ t'à, dǫ tı whek'òo zǫ goghàı̨dì nı̨dè wek'èxa t'asìı nezı̨ı̨ weghǫ̀t'à ha hǫt'e,” Zezì edecheekeè gòhdı.

Matthew 18:10

“Dıı chekoa nechà-lea sìı gıt'àhoòɂà-le dahwhǫ sǫ̀ǫ̀. Ehkw'ı anaxèehsı̨, gıts'ǫ yak'eet'ı̨į̀, Setà yak'e whedaa sìı t'aats'ǫǫ̀ wınì ghàgeeda hǫt'e.

Matthew 25:34

“Eyı tł'axǫǫ̀-ı̨dè k'àowocho dǫ nàgòts'ehnèe nàgeèhzaa sìı gots'ǫ̀ dıı hadı ha, ‘Jǫ aahdè, Setà naxıxè sìghà anıwǫ hǫt'e. Dıı nèè hòèlı̨ gots'ǫ Nǫ̀htsı̨ Wenàowoò k'ę̀ę̀ hòɂǫǫ naxıda sınìhòt'ǫǫ sìı ts'ǫ̀ goyaahdè.

Matthew 25:39

Dàht'e eyanelı̨ nets'aɂı̨ nǫǫ̀? Eyıts'ǫ dàht'e dǫ-danìı̨laa-kǫ̀ wheęda t'à nets'àts'ede nǫǫ̀?’ hagedı ha.

Matthew 25:45

“K'àowocho hagòhdı ha, ‘Ehkw'ı anaxèehsı̨, dıı dek'aɂį̀ gı̨ı̨lı̨ı̨ nàgòts'ehnèe nàgeèhzaa sìı gıgha t'asìı haahłà-le nı̨dè sı̨ segha t'asìı haahłà-le hǫt'e,’ gòhdı ha.

Matthew 28:10

Zezì gots'ǫ̀ hadı, “Dahjı̨-le. Sechı gıts'ǫ̀ aahde gà segha dıı hagìahdı, ‘Galılee nèk'e seahɂį̀ ha t'à, ekǫ ts'ǫ̀ aahde,’ ” Zezì gòhdı.

Mark 9:41

Ehkw'ı anaxèehsı̨, Chrıst wets'ǫ aaht'e t'à amìı sıızì dahxà tı zǫ kò naxıghàı̨dì nı̨dè, wek'èxa t'asìı nezı̨ı̨ weghǫ̀t'à ha hǫt'e,” yèhdı.

Luke 19:38

Yagìzeh xè hagedı, “K'àowocho, gots'ǫ̀ K'àowo dahxà nììtłaa sìı wexè sìghà welè.” “Įdòo yak'e ts'èwhı̨į̀ hòɂǫ, eyıts'ǫ Nǫ̀htsı̨ weghàsǫhoedı welè!” gedı.

John 20:17

Zezì yets'ǫ̀ hadı, “Dası̨ı̨chì-le, ı̨łaà Setà ts'ǫ̀ anahjà nıìle t'à. Hanìkò sèot'ı̨ gıts'àątła, dıı hagìı̨dı, ‘Setà eyıts'ǫ naxı̨ sı naxıtà ts'ǫ̀ anahde ha, Senǫ̀htsı̨ eyıts'ǫ Naxınǫ̀htsı̨ ts'ǫ̀ anahde ha,’ ” hadıì edecheekeè godayatınìı̨ɂǫ.

Rome 8:29

Nǫ̀htsı̨ amìı weza gı̨ı̨lı̨ ha nadąą̀ yek'èezǫǫ sìı Zezì lagede ha nadąą̀ gòį̀hchì ı̨lè. Eyıt'à wechı łǫ gıta gots'ǫ sìı Nǫ̀htsı̨ weza ededı̨ denahk'e wet'àaɂàa elı̨ hǫt'e.

2 Corınth 4:5

Goxı̨ edeghǫ gots'edeè-ats'edı-le, Zezì-Krı, t'asìı hazǫǫ̀ ts'ǫ̀ k'àowo elı̨ı̨ sìı weghǫ gots'edeè-ats'edı. Zezì wets'ıhɂǫ̀ naxıgha eghàlats'eeda hǫt'e.

Galatıa 5:13

Sèot'ı̨ı̨, nàowo hanıı naxıts'ǫ̀ k'àowo ha-le gha Nǫ̀htsı̨ naxıkayaı̨htı hǫt'e. Hòt'a eyı nàowo tł'a dahkw'e-le aahjà t'à naxınìłı̨ı̨ k'ę̀ę̀ aahdaà adeahłe-le. Į̀le, ełeghǫnıahtǫ xè ełets'àahdı k'ę̀ę̀ aahda.

Galatıa 5:22

Ekò Yedàyeh Nezı̨ı̨ t'à ts'eeda nı̨dè, dıı hanì nezı̨į̀ k'ehots'eɂa ha: ełeghǫnets'eètǫǫ, goınàa, ts'èwhı̨ ts'ı̨ı̨wǫǫ, ełexè ts'èwhı̨į̀ hots'ehɂǫǫ, etełets'eèɂı̨ı̨, ełets'ǫ̀ dǫ nezı̨ı̨ ts'ı̨ı̨lı̨ı̨, ełets'ǫ̀ ehkw'ı ts'eedaa,

Galatıa 5:6

Zezì-Krı gogha ehkw'ı-ahodı nı̨dè nàgoet'àa, nàgoet'à-le, ehk'ę̀ę̀ gogha wet'àaɂà-le. Edaxàts'eedè ha, gogha ehkw'ı-ahodıı eyı zǫ gogha wet'àaɂà hǫt'e, eyıts'ǫ ełeghǫnets'eètǫ sìı dǫ yek'èezǫ ats'ehɂı̨ hǫt'e.

Ephesus 5:30

Goxı̨ wets'ǫ dǫ ats'ı̨ı̨t'ee sìı wezhį̀į̀ ts'ǫ ats'ı̨ı̨t'e hǫt'e.

Hebrew 6:10

Nǫ̀htsı̨ sìı ekǫ-le gots'ǫ̀ eghàlaeda nıìle; dànì wegha eghàlaahdaa eyıts'ǫ dànì weghǫnıahtǫǫ sìı yenadì ha hǫt'e. Wets'ǫ dǫ gıts'àahdı ı̨lè eyıts'ǫ dıı dzęę̀ ts'ǫ̀ ı̨łaà gıts'àahdı t'à weghǫnıahtǫǫ sìı yek'èezǫ hǫt'e.

1 Peter 1:22

Hòt'a nàowo ehkw'ıı k'èaht'e t'à degaı k'ę̀ę̀ aahda adèahłà hǫt'e. Eyı ts'ıhɂǫ̀ naxèot'ı̨ sıì gıghǫnıahtǫ. Hęɂę, naxıdzeè t'à sıì ełeghǫnıahtǫ ha hǫt'e.

1 John 4:20

Amìı “Nǫ̀htsı̨ ghǫneehtǫ,” hadı hanìkò edèot'ı̨ nèlı̨-le nı̨dè hots'ì adı hǫt'e. Amìı edèot'ı̨ ghàeda kò yeghǫneètǫ-le sìı dànì Nǫ̀htsı̨ wegha wègaat'ı̨-le sìı ghǫneètǫ lì? Hanıı dǫ sìı Nǫ̀htsı̨ ghǫneètǫ-le hǫt'e.

John Wenazhıı 17:14

Sahzǫ̀ą ts'ǫ̀ ełegegǫ ha, hanìkò Sahzǫ̀ą goghǫehnè ha. Ededı̨ sìı k'àowo hazǫǫ̀ gha K'àowo elı̨ eyıts'ǫ k'àowocho hazǫǫ̀ gha K'àowocho elı̨. Eyı Sahzǫ̀ą wecheekeè gìhchìı xè weyatıì k'ègedìı sìı wexè agı̨ı̨t'e,” yak'eet'ı̨į̀ hasèhdı.

John Wenazhıı 19:16

Weɂeè nedèe k'e eyıts'ǫ wedzaà k'e wıızì dek'eèhtł'è: “K'àodèe ts'ǫ̀ K'àowo, k'àowocho hazǫǫ̀ gha K'àowocho,” dek'eèhtł'è.