Matthew 25:36 - Nǫ̀htsı̨ Nı̨htł'è

³⁶ Goht'ǫ sets'ǫ-le ekò goht'ǫ seghàahła ı̨lè. Eyaehłı̨ ekò sek'èahdì ı̨lè. Eyıts'ǫ dǫ-danìı̨laa-kǫ̀ whıhda ekò sets'àwhaahde ı̨lè,’ hagòhdı ha.

Matthew 25:36 ပူးပေါင်းရင်းမြစ်များ

Matthew 25:37

“Dǫ ehkw'ı geedaa sìı gıts'ǫ̀ dıı hadı ha, ‘Gots'ǫ̀ K'àowo, dàht'e bò ghaı̨wı̨ t'à newàts'ı̨ı̨dì nǫǫ̀? Dàht'e tı ghaı̨wı̨ t'à tı neghàts'ı̨ı̨dì nǫǫ̀?

Matthew 25:43

Naxıkǫ̀ta xàhtǫ ehłı̨ ekò naxıkǫ̀ ts'ǫ̀ asèahłà-le ı̨lè. Goht'ǫ sets'ǫ-le ekò goht'ǫ seghàahła-le ı̨lè. Eyaehłı̨ ekò eyıts'ǫ dǫ-danìı̨laa-kǫ̀ whıhda ekò sets'àwhaahde-le ı̨lè,’ gòhdı ha.

Luke 3:11

John-Baptıst gots'ǫ̀ hadı, “Amìı ɂeh nàke wets'ǫ sìı dǫ ɂeh wets'ǫ-le sìı ɂeh yeghàwehchı. Eyıts'ǫ amìı weghǫ shèts'ezhee wets'ǫ sìı dǫ t'asìı wets'ǫ-le sìı ghàyııdı,” gòhdı.

Zezì Wecheekeèdeè 20:35

T'asìı hazǫǫ̀ ghàlaıhdàa sìı hanì hòtł'ò eghàlats'eeda t'à dǫ-teèt'ı̨ı̨ ts'àts'edı ha hǫt'e, eyı wek'èahsǫ anaxèhłà. Gots'ǫ̀ K'àowo Zezì, ededı̨ dàdıı sìı wenats'edì ha hǫt'e: ‘Dǫ ghàts'eedıı sìı t'asìı goghǫ̀t'à nahk'e nezı̨ hǫt'e,’ gòhdı ı̨lè.”

Hebrew 10:34

Dǫ gıdanìı̨laa sìı etegıahɂı̨ ı̨lè, eyıts'ǫ t'asìı naxıghǫ gį̀į̀hchì kò ı̨łaà naxınà ı̨lè, eyı wenahk'e t'asìı nezı̨ı̨ sìı, welǫ whìle ts'ǫ̀ naxıghaelı̨ ha wek'èahsǫ t'à.

Hebrew 13:3

Naxıta gots'ǫ dǫ mǫ̀hdaa gıdanìı̨laa sìı gıxè naxıdanìı̨la lanì gınaahdì. Eyıts'ǫ dǫ dagı̨ı̨ɂaà agììdlàa sìı naxı̨ gıxèht'eè daahɂa lanì gınaahdì.

James 1:27

Nǫ̀htsı̨ gogha ehkw'ı-ahodı nı̨dè Nǫ̀htsı̨-Gotà dıı hanì wegha eghàlats'eedaa sìı wınì k'ę̀ę̀ degaı xè hołı̨ı̨ dę hǫt'e: eyı sìı ts'ınake eyıts'ǫ ts'èko gıdǫǫ̀ ełaı̨dèe gıgha hoìla sìı gıts'àts'edı, eyıts'ǫ dıı nèk'e nàowołı̨ı̨ ch'à edek'èts'edì.