Matthew 25:35 - Nǫ̀htsı̨ Nı̨htł'è

³⁵ Bò ghaehwhı ekò t'asìı ghǫ shèhtı̨ seghàahdì ı̨lè. Tı ghaehwhı ekò tı seghàahdì ı̨lè. Naxıkǫ̀ta xàhtǫ ehłı̨ ekò naxıkǫ̀ ts'ǫ̀ asèahłà ı̨lè.

Matthew 25:35 ပူးပေါင်းရင်းမြစ်များ

Matthew 25:40

“K'àowocho hagòhdı ha, ‘Ehkw'ı anaxèehsı̨, sechı dek'aɂį̀ elı̨ı̨ sìı wegha ayìı dàahłàa sìı sı̨ segha haahłà hǫt'e,’ gòhdı ha.

Matthew 26:11

Dǫ-teèt'ı̨ı̨ sìı t'aats'ǫǫ̀ naxıxè geeda ha hǫt'e, hanìkò sı̨ sìı t'aats'ǫǫ̀ naxıxè whıhda ha nıìle.

Mark 14:7

Dǫ eteèt'ı̨ı̨ sìı t'aats'ǫǫ̀ naxıxè geeda ha hǫt'e, eyıts'ǫ t'alàa-sìı k'e gıts'àahdı ha dìì-le, hanìkò sı̨ sìı t'aats'ǫǫ̀ naxıxè whıhda ha nıìle.

Luke 11:41

Ayìı naxıkw'à yìı wheɂǫǫ sìı dǫ-teèt'ı̨ı̨ ghàahɂà. Hanì-ı̨dè deghàà edek'enaahtso lanì ha.

John 13:29

Zhıdàà sǫǫ̀mbawò-k'èdìı elı̨ ne t'à dǫ mǫ̀hdaa nàsı̨ gha t'asìı nàı̨hdì Zezì yèhdıì-adı gı̨ı̨wǫ, hanì-le-ı̨dè sǫǫ̀mba dǫ-teèt'ı̨ı̨ ghàı̨ɂà yèhdıì-adı gı̨ı̨wǫ.

Zezì Wecheekeèdeè 10:31

Sets'ǫ̀ hadı, ‘Cornelıus, ayìı gha yanehtıı sìı Nǫ̀htsı̨ nıìkw'o hǫt'e, eyıts'ǫ dǫ-teèt'ı̨ı̨ ts'ànedıı sìı yek'èezǫ hǫt'e.

Zezì Wecheekeèdeè 11:29

Antıoch Nǫ̀htsı̨ wecheekeè nàgedèe sìı Judea nèk'e Nǫ̀htsı̨ wecheekeè ts'àgedı ha gı̨ı̨wǫ. Eyıt'à sǫǫ̀mba t'aàtłǫ nègeɂà ha dìì-le sìı haàtłǫ nègı̨ı̨la.

Zezì Wecheekeèdeè 16:15

Eyı ts'èko ededı̨ eyıts'ǫ dǫ yekǫ̀ nàgedèe sìı gık'ètaìdzǫ, eyı tł'axǫǫ̀ wekǫ̀ ts'ǫ̀ agǫ̀ǫ̀là, hadı, “Gots'ǫ̀ K'àowo segha ehkw'ı adı aht'e seahwhǫ nı̨dè sekǫ̀ aaht'e,” gòhdı. Goghǫ daèhnǫ t'à wekǫ̀ ts'ǫ̀ ats'ejà.

Zezì Wecheekeèdeè 4:32

Hazǫǫ̀ gıgha ehkw'ı-ahodıı sìı gıdzeè eyıts'ǫ gınì ı̨łè zǫ lajà. Dǫ t'asìı gıts'ǫ sìı edegha zǫ gık'èdì-le, t'asìı hazǫǫ̀ gıts'ǫ sìı ełetaàgeelè.

Rome 12:13

Nǫ̀htsı̨ wets'ǫ dǫ etegeèt'ı̨ı̨ sìı t'asìı t'à gıts'àahdı. T'aats'ǫǫ̀ dǫ gha enìxànı̨ı̨tǫ aahwhǫ.

Rome 12:20

Hanìkò dıı haaht'ı̨ ha hǫt'e: “Dǫ naxıts'ǫ̀ xànıɂaa sìı bò ghaewı nı̨dè t'asìı weghàahdı, tı nıwǫ nı̨dè tı wàahdı. Haaht'ı̨ nı̨dè kǫ̀kwıì-dèk'ǫ̀ǫ wekwì k'e nìahwha lanì ha,” dek'eèhtł'è.

Rome 16:23

Gaıus, sı̨ eyıts'ǫ Nǫ̀htsı̨ wecheekeè hazǫǫ̀ wekǫ̀ gots'ǫ̀ enìxàı̨tǫ t'à weghǫ masì ts'ı̨ı̨wǫǫ sìı, “Naxıxè sìghà welè,” naxèhdı. Erastus, kǫ̀ta gha sǫǫ̀mba k'èdìı elı̨ eyıts'ǫ gòet'ı̨ Quartus, “Naxıxè sìghà welè,” naxègedı.

Ephesus 4:28

Dǫ eeɂį̀ ı̨lèe sìı k'achı̨ eeɂį̀ welè-le, hanìkò eghàlaeda ha hǫt'e. Edılà t'à t'asìı wet'àaɂàa hohtsı̨ ha hǫt'e, hanì-ı̨dè dǫ t'asìı gıgha whìle sìı yet'à gots'àdı ha.

1 Tımothy 5:10

eyıts'ǫ dǫ ts'ǫ̀ nezı̨į̀ eghàlageeda gha gık'èhoedzǫ nı̨dè, nezı̨į̀ chekoa geèhsǫ nı̨dè, wekǫ̀ dǫ gha enìxànı̨ı̨tǫ nı̨dè, gıdzeè nezı̨ı̨ xè Nǫ̀htsı̨ wets'ǫ dǫ gha eghàlageeda nı̨dè, dǫ gıgha hoìlaa sìı ts'àgedıı, eyıts'ǫ gınì nàtso xè t'aats'ǫǫ̀ dǫ ts'ǫ̀ nezı̨į̀ eghàlageeda nı̨dè, gıızì dek'eèhtł'è ha hǫt'e.

Phılemon 1:7

Sıì dǫ gıghǫneètǫ t'à k'ǫǫnì sınà hǫt'e. Sèot'ı̨ı̨, Nǫ̀htsı̨ wets'ǫ dǫ gıdzeè t'à gınà agìnelà, eyı ts'ıhɂǫ̀ sınì nàtsoò asèneelà hǫt'e.

Hebrew 13:16

Nàowo nezı̨ı̨ ghàlaahda xè ełets'àahdıı sìı t'aats'ǫǫ̀ wenaahdì. Hanì ełets'ǫ̀ eghàlats'eeda nı̨dè Nǫ̀htsı̨ wınà hots'ehtsı̨ hǫt'e.

Hebrew 6:10

Nǫ̀htsı̨ sìı ekǫ-le gots'ǫ̀ eghàlaeda nıìle; dànì wegha eghàlaahdaa eyıts'ǫ dànì weghǫnıahtǫǫ sìı yenadì ha hǫt'e. Wets'ǫ dǫ gıts'àahdı ı̨lè eyıts'ǫ dıı dzęę̀ ts'ǫ̀ ı̨łaà gıts'àahdı t'à weghǫnıahtǫǫ sìı yek'èezǫ hǫt'e.

James 1:27

Nǫ̀htsı̨ gogha ehkw'ı-ahodı nı̨dè Nǫ̀htsı̨-Gotà dıı hanì wegha eghàlats'eedaa sìı wınì k'ę̀ę̀ degaı xè hołı̨ı̨ dę hǫt'e: eyı sìı ts'ınake eyıts'ǫ ts'èko gıdǫǫ̀ ełaı̨dèe gıgha hoìla sìı gıts'àts'edı, eyıts'ǫ dıı nèk'e nàowołı̨ı̨ ch'à edek'èts'edì.