Matthew 25:32 - Nǫ̀htsı̨ Nı̨htł'è

³² Dıı nèk'e dǫ hazǫǫ̀ xàɂaa wenadąą̀ łą̀ą ełègehdè ha. Sahzǫ̀ą eyıts'ǫ ejıe łats'ıgewa lanì dǫ hazǫǫ̀ łats'ıgòwa ha.

Matthew 25:32 ပူးပေါင်းရင်းမြစ်များ

Matthew 13:49

Nǫǫde dzęę̀ k'e nı̨dè eyı lagǫ̀ht'e ha. Yak'eet'ı̨į̀ dǫ ta ts'ǫ̀ agede ha, ehkw'ı-geedaa-dǫǫ̀ eyıts'ǫ hołı̨ı̨-k'ę̀ę̀-geedaa-dǫǫ̀ į̀łak'aà agogele ha.

Matthew 28:19

Eyıt'à hazǫǫ̀ nèk'e ts'ǫ̀ aahde, dǫ hazǫǫ̀ xàɂaa secheekeè aahtsı̨. Nǫ̀htsı̨-Gotà wıızì, Weza wıızì eyıts'ǫ Yedàyeh Nezı̨ı̨ wıızì t'à gık'ètaìdzǫǫ̀ agıahłe.

Matthew 3:12

Jìe eyıts'ǫ t'asìı weta goet'ǫǫ sìı į̀łak'aà ayele gha sınìwheda hǫt'e. Jìe sìı xehkǫ̀ goyayeewa ha, hanìkò t'asìı weta goet'ǫǫ sìı welǫ whìle ts'ǫ̀ yek'eehk'ǫ̀ ha,” John-Baptıst hadıì dǫ ts'ǫ̀ gode.

John 10:14

“Sı̨ sahzǫ̀ą-k'èdìı-dǫǫ̀ nezı̨ı̨ aht'e. Sesahzǫ̀ą hazǫǫ̀ gık'èehsǫ, eyıts'ǫ sesahzǫ̀ą sek'ègeezǫ hǫt'e.

John 10:27

Sesahzǫ̀ą agı̨ı̨t'ee sìı gıts'ǫ̀ gohde nı̨dè segeèhkw'ǫ, gık'èehsǫ eyıts'ǫ sek'èè k'egedè.

Rome 2:12

Dǫ eyıì-le xàɂaa sìı Moses wenàowoò gıghǫ̀t'ǫ-le kò hołı̨ı̨ hogèhtsı̨ı̨ k'èxa gıdıhołè ha. Eyıts'ǫ Israel got'ı̨į̀ Moses wenàowoò k'ègeezǫǫ sìı eyı nàowo ghàà gısınìyaetı ha hǫt'e.

Rome 2:16

Eyıt'à Nǫ̀htsı̨ dǫ-sınìyaehtıı-dzęę̀ k'e nı̨dè dǫ ayìı nàgeehɂį̀ eyıts'ǫ ededzeè t'à dàgı̨ı̨wǫǫ sìı Nǫ̀htsı̨, Zezì-Krı wet'ǫ̀ǫ̀ gosınìyaehtı ha hǫt'e. Dıı godı nezı̨ı̨ t'à gohdee sìı hotıì wek'ę̀ę̀ agode ha hǫt'e.

1 Corınth 4:5

Eyıt'à eyı nèhòkw'ı kwe t'asìı wesınìyaahtı-le, hanìkò gots'ǫ̀ K'àowo nììtła ts'ǫ̀ naahɂı̨. Togoòtł'òo t'à t'asìı deɂı̨į̀ whelaa sìı wègaat'ı̨į̀ ayele ha, eyıts'ǫ dǫ dàgı̨ı̨wǫ t'à k'ehogı̨ı̨ɂaa sìı wek'èedzǫǫ̀ ayele ha. Eyı dzęę̀ k'e nı̨dè dànì godzeè t'à ehkw'ı nànıts'edèe sìı k'ę̀ę̀ Nǫ̀htsı̨ goghǫ sìghà adı ha.

2 Corınth 5:10

Ehkw'ı anaxèehsı̨, goxı̨ hazǫǫ̀ Zezì-Krı wenadąą̀ nìts'edè gà gosınìyaehtı ha hǫt'e. Dǫ hazǫǫ̀ ı̨łaà edezhį̀į̀ yìı geeda et'ıì ayìı hogehtsı̨ k'èxa gıghàhòt'à ha. Ehkw'ı gı̨ı̨dà, hanì-le-ı̨dè ehkw'ı gı̨ı̨dà-le k'èxa goghàhòɂà ha.