Matthew 25:31 - Nǫ̀htsı̨ Nı̨htł'è

³¹ Zezì hadı, “Dǫ-wet'àaɂàa-deè enıìyah t'à nàtso xè nììtła nı̨dè, wets'ǫ yak'eet'ı̨į̀ gıxè at'ı̨ ha, eyıts'ǫ yak'e gots'ǫ k'àowocho elı̨ xè ededaèhchı̨cho k'e wheda ha.

Matthew 25:31 ပူးပေါင်းရင်းမြစ်များ

Matthew 16:27

Dǫ-wet'àaɂàa-deè sìı detà wets'ǫ t'asìı nàtsoo xè enıìyah deè t'à edets'ǫ yak'eet'ı̨į̀ goxè nììtła ha. Eyıts'ǫ dǫ hazǫǫ̀ dànì eghàlagı̨ı̨dà k'ę̀ę̀ goghàhòɂà ha.

Matthew 19:28

Zezì edecheekeè gots'ǫ̀ hadı, “Ehkw'ı anaxèehsı̨, t'asìı hazǫǫ̀ wegòò anagòjà xè Dǫ-wet'àaɂàa-deè k'àowocho whelı̨ t'à ededaèhchı̨cho k'e wheda nı̨dè naxı̨ sek'èè k'eahdè ı̨lèe sìı daèhchı̨cho hoònǫ-daats'ǫ̀-nàke k'e dahkw'e ha. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı gısınìyaahtı ha.

Matthew 25:6

“Totanı nìı̨ɂǫ ekò dǫ whezeh, hadı: ‘Dǫ honìda ha sìı nììtła ha nìkw'o! Jǫ weda łą̀ą nìahdè!’ hadı.

Matthew 26:64

Zezì yets'ǫ̀ hadı, “Hęɂę, nı̨ haı̨dı ne. Įdaà nı̨dè Dǫ-wet'àaɂàa-deè Nǫ̀htsı̨ t'asìı wegha dìì-le sìı yegà nàgòts'ehnèe whedaa weahɂį̀ ha. Įdòo yak'e gots'ǫ k'oh xè nììtła ha,” yèhdı.

Mark 14:62

Zezì yets'ǫ̀ hadı, “Eyı aht'e. Įdaà nı̨dè Dǫ-wet'àaɂàa-deè Nǫ̀htsı̨ t'asìı wegha dìì-le sìı gà nàgòts'ehnèe wheda weahɂį̀ ha. Įdòo yak'e gots'ǫ k'oh xè nììtła ha,” yèhdı.

Mark 8:38

Dıì dǫ hołı̨ı̨ k'ę̀ę̀ geedaa sìı amìı gonadąą̀ seghǫ į̀į̀zhaelı̨ xè seyatıì sı ghǫ į̀į̀zhaelı̨ nı̨dè wexè hoìla ha. Dǫ-wet'àaɂàa-deè edetà wets'ǫ enıìyah deè t'à yak'eet'ı̨į̀ goxè nììtła nı̨dè, yeghǫ į̀į̀zhaelı̨ ha hǫt'e.

Luke 22:69

Jǫ gots'ǫ ı̨daà Dǫ-wet'àaɂàa-deè Nǫ̀htsı̨ t'asìı wegha dìì-le sìı gà nàgòts'ehnèe wheda ha,” Zezì gòhdı.

Luke 9:26

Amìı dǫ nadąą̀ seghǫ į̀į̀zhaelı̨ xè seyatıì sı ghǫ į̀į̀zhaelı̨ nı̨dè wexè hoìla ha. Dǫ-wet'àaɂàa-deè edets'ǫ eyıts'ǫ edetà wets'ǫ enıìyah deè t'à yak'eet'ı̨į̀ gìdaat'ı̨ı̨ goxè nììtła nı̨dè, yeghǫ į̀į̀zhaelı̨ ha hǫt'e.

John 1:51

Eyıts'ǫ Zezì hadı, “Ehkw'ı anèehsı̨, yak'e negha xègoèht'į̀ ha, yak'eet'ı̨į̀ Dǫ-wet'àaɂàa-deè ts'ǫ̀ dekegììde eyıts'ǫ hodàgeedè neɂį̀ ha,” yèhdı.

Zezì Wecheekeèdeè 1:11

Gots'ǫ̀ hagedı, “Galılee got'ı̨į̀, ayìıha ı̨dòo yat'a ts'ǫ̀ k'eaht'į̀? Zezì naxıts'ǫǫ̀ yak'e ts'ǫ̀ nıwıìtı̨ı̨ sìı, eyı xèht'eè yak'e gots'ǫ jǫ anade ha hǫt'e,” gògedı.

1 Thessalonıca 3:13

Nǫ̀htsı̨ naxıdzeè nàtsoò ayııle, hanì-ı̨dè naxık'e nìdahoet'à ha-le, eyıts'ǫ gots'ǫ̀ K'àowo Zezì-Krı edets'ǫ dǫ degaı hazǫǫ̀ xè jǫ ts'ǫ̀ anajà nı̨dè, Nǫ̀htsı̨-Gotà wenadąą̀ nàahza xè degaı laaht'e ha.

1 Thessalonıca 4:16

Gots'ǫ̀ K'àowo ededı̨ xàè yak'e gots'ǫ hodàetła ha hǫt'e. Nǫ̀htsı̨ wets'ǫ dechı̨shì hòtł'ò dedı ha, eyıts'ǫ yak'eet'ı̨deè hòtł'ò xàyahtı ha. Ekòet'ıì dǫ Zezì gıgha ehkw'ı-ahodıı xè ełaàgı̨ı̨dèe sìı ededı̨ t'akwełǫ̀ǫ̀ nagìdà ha.

Hebrew 1:8

Hanìkò edeza ghǫ dıı hadı, “Nı̨ sìı Nǫ̀htsı̨ anet'e, welǫ whìle ts'ǫ̀ K'àowocho nelı̨ ha, eyıts'ǫ nàowo ehkw'ıı k'ę̀ę̀ k'àowo nelı̨ ha.

Hebrew 9:28

Eyı lanì Zezì-Krı ı̨łàà zǫ dǫ łǫ gıhołı̨į̀ k'èxa ełaàwìgwo, eyıts'ǫ k'achı̨ nàke t'à nììtła ha. Dǫ-hołı̨į̀ k'èxa k'achı̨ daı̨ɂa gha nììtła ha-le, hanìkò dǫ gıdanaèhɂı̨ı̨ sìı edaxàgole gha ade ha.

Jude 1:14

Enoch sìı Adǫ̀ wehòèlı̨ gots'ǫ dǫ łǫ̀hdı̨ ełetł'axǫǫ̀-edèe t'à wheda hǫt'e. Eyı hołı̨ı̨-hogehtsı̨ı̨-dǫǫ̀ ghǫ nadąą̀ goı̨de ı̨lè, hadı, “Aàhkw'ǫ, gots'ǫ̀ K'àowo edets'ǫ dǫ degaı łǫ t'à łǫ xè dıı nèk'e ts'ǫ̀ etłe,

John Wenazhıı 1:7

Įdòo k'eaht'į̀, k'oh k'e gots'ǫ̀ nììtła ha. Dǫ hazǫǫ̀ geɂį̀ ha. Dǫ behkà t'à gıghaı̨hkoo sìı ededı̨ kò geɂį̀ ha. Eyıts'ǫ dıı nèk'e dǫ hazǫǫ̀ wets'ıhɂǫ̀ geejı̨ xè getse ha. Hanì hòɂǫ welè! Amen.

John Wenazhıı 20:11

Eyı tł'axǫǫ̀ daèhchı̨cho degoo eyıts'ǫ amìı yek'e whedaa sìı wègoèht'į̀. Dèè eyıts'ǫ yat'a wech'à kwı̨geèhdeè lagejà, gıgha gòɂǫ-le t'à.

John Wenazhıı 3:21

“T'aa hołı̨ı̨ ghǫehnèe sìı sedaèhchı̨cho k'e segà whedaà awehłe ha. Sı̨ hołı̨ı̨ ghǫèhnǫ t'à Setà wedaèhchı̨cho k'e wegà whıhdaà asììdlà hǫt'e.