Matthew 24:51 - Nǫ̀htsı̨ Nı̨htł'è

⁵¹ K'àowo hòtł'ò nàyeehkwa ha eyıts'ǫ dǫ degaı degeetsı̨ı̨ sìı gota whedaà ayele ha. Ekǫ dǫ getse xè gıgha hoìla ha.

Matthew 24:51 ပူးပေါင်းရင်းမြစ်များ

Matthew 22:13

“Eyıt'à k'àowocho edecheekeè gots'ǫ̀ hadı, ‘Wılà eyıts'ǫ wekè ełèahzha gà mǫ̀ht'a xàweahxà. Edı̨į̀ togoòtł'òo sìı ekǫ ts'ǫ̀ aweahłe; ekǫ dǫ getse xè dagı̨ı̨ɂa ha.’

Matthew 24:50

Wets'ǫ k'àowo dàht'e nǫ̀ǫtła ha yexaelı-le dzęę̀ k'e hǫtsaa nììtła ha.

Matthew 25:30

Eyı secheekeè wet'àaɂà-le sìı togoòtł'ò gòɂǫǫ ts'ǫ̀ xàweahxà. Ekǫ dǫ getse xè gıgha hoìla ha,’ k'àowo gòhdı,” Zezì hadıì goxè godo.

Matthew 8:12

Hanìkò Nǫ̀htsı̨ wets'ǫ dǫ ts'ı̨ı̨lı̨ı̨ sìı togoòtł'ò ts'ǫ̀ xàgıdeezhı ha. Ekǫ getse xè sıì gıgha hoìla ha,” Zezì gòhdı.

Luke 12:46

Wets'ǫ k'àowo dàht'e nǫ̀ǫtła ha yexaelı-le dzęę̀ k'e hǫtsaa nììtła ha. K'àowo hòtł'ò nàyeehkwa ha eyıts'ǫ dǫ gıgha ehkw'ı-ahodı-le sìı goxè whedaà ayele ha.

Luke 13:28

“Abraham, Isaac eyıts'ǫ Jacob eyıts'ǫ nakwenàoɂǫǫ hazǫǫ̀ Nǫ̀htsı̨ Wenàowoò k'ę̀ę̀ hòɂǫǫ ekǫ geèhkw'e gıahɂį̀ ha, hanìkò naxı̨ xànaxegeehdè ha. Ekǫ aahtse xè naxıgha hoìla ha.