Matthew 24:45 - Nǫ̀htsı̨ Nı̨htł'è

⁴⁵ “Dǫ nezı̨ı̨ aahłı̨ xè goahsǫǫ̀ k'ehoahɂa. Eyı hanıı dǫ sìı wets'ǫ k'àowo edecheekeè hazǫǫ̀ ts'ǫ̀ k'àowoò ayele ha. Weghǫ shèts'ezhee gı̨ı̨wǫ nı̨dè goghàɂeedı ha.

Matthew 24:45 ပူးပေါင်းရင်းမြစ်များ

Matthew 10:16

Sahzǫ̀ą dìga nı k'eɂa lanì dǫ ta ts'ǫ̀ naxeehɂà t'à edexoahdı. Eyıt'à dǫ gıta goahsǫ k'ehoahɂa xè ekǫ-le eghàlaahda-le.

Matthew 13:52

Zezì gots'ǫ̀ hadı, “Nǫ̀htsı̨-yatıì-k'èdìı-dǫǫ̀ Nǫ̀htsı̨ Wenàowoò k'ę̀ę̀ hoghàweehtǫ nı̨dè dǫ ahxee lanì hǫt'e. Eyı dǫ whaà gots'ǫ t'asìı nezı̨ı̨ eyıts'ǫ t'asìı nezı̨ı̨ wegòò edets'ǫ xehkǫ̀ gots'ǫ xàyele hǫt'e.”

Matthew 24:46

Wets'ǫ k'àowo nǫ̀ǫtła nı̨dè wecheekeè hanì yegha eghàlaeda yaɂı̨ nı̨dè, eyı dǫ wexè sìghà ha hǫt'e.

Matthew 25:2

T'eekoa sı̨làı sìı gogı̨ı̨zǫ-le eyıts'ǫ sı̨làı sìı gogı̨ı̨zǫ.

Matthew 25:21

“Wets'ǫ̀ k'àowo hayèhdı, ‘Secheekeè nezı̨ı̨ anet'e, nezı̨į̀ eghàlaneedà! T'asìı łǫ-lea t'à nezı̨į̀ eghàlaneedà k'èxa t'asìı łǫ gha k'àı̨woò anehłe ha. Sexè nınà welè!’ yèhdı.

Matthew 25:23

“Wets'ǫ̀ k'àowo yets'ǫ̀ hadı, ‘Secheekeè nezı̨ı̨ anet'e, nezı̨į̀ eghàlaneedà! T'asìı łǫ-lea nezı̨į̀ weghàlaneedà k'èxa t'asìı łǫ gha k'àı̨woò anehłe ha. Sexè nınà welè!’ yèhdı.

Matthew 7:24

“Eyıt'à amìı seyatıì ıìkw'o xè yek'ę̀ę̀ edaa sìı dǫ gǫǫzǫǫ kwe k'e edekǫ̀ gòhtsı̨ı̨ lanì hǫt'e.

Luke 19:17

“K'àowocho hayèhdı, ‘Secheekeè nezı̨ı̨ anet'e, nezı̨į̀ eghàlaneedà. T'asìı łǫ-lea nezı̨į̀ weghàlaneedà k'èxa kǫ̀godeè hoònǫ ts'ǫ̀ k'àı̨wo ha,’ yèhdı.

Zezì Wecheekeèdeè 20:28

Hotıì edexoahdı eyıts'ǫ Nǫ̀htsı̨ wecheekeè sı gıxoahdı, Yedàyeh Nezı̨ı̨ eyı la naxıghàı̨ɂǫ hǫt'e. Nǫ̀htsı̨ ededoò t'à edets'ǫ dǫ edaxàwhela ne t'à nezı̨į̀ gıxoahdı.

1 Tımothy 1:12

Gots'ǫ̀ K'àowo Zezì-Krı sedzeè t'à masì weehwhǫ. Sınì nàtsoò asį̀į̀là t'à, ehkw'ı eghàlaedaa dǫǫ̀ aht'e sı̨ı̨hwhǫ t'à, eyıts'ǫ wegha eghàlaehda ha sį̀į̀hchì t'à masì weehwhǫ.

2 Tımothy 2:2

Eyıts'ǫ dǫ łǫ gıdaà ayìı dàehsı̨ı̨ sı̨į̀kw'oo sìı dǫ gıgha dìì-le laneewǫǫ sìı, eyıts'ǫ dǫ hoghàgeetǫ ha dìì-le sìı seyatıì gıtł'aà wheɂǫǫ̀ anele.

Hebrew 3:5

Moses, Nǫ̀htsı̨ wekǫ̀ gha eghàlaeda ekò yek'èı̨t'e ı̨lè. Įdaà nı̨dè Nǫ̀htsı̨ dàdı ha sìı ghǫ dǫ ts'ǫ̀ goı̨de.

John Wenazhıı 2:13

Edı̨į̀ nàahdèe sìı wek'èehsǫ; edı̨į̀ wehłı̨ı̨ wedaèhchı̨cho whetǫǫ eyıts'ǫ edı̨į̀ nàdèe sìı ekǫ nàahdè hǫt'e. Hanìkò ı̨łaà naxıgha ehkw'ı-ahodı. Sek'èahsǫ-le dahdı nıìle. Secheekeè Antıpas t'aats'ǫǫ̀ segha gode elı̨ı̨ ı̨lèe sìı wenaahdì. Naxıkǫ̀ta ełaàwìgwo kò ı̨łaà seghǫ naxınì nàtso ı̨lè.