Matthew 24:43 - Nǫ̀htsı̨ Nı̨htł'è

⁴³ Eyıt'à dıı wedaànıahdè: Edahxǫ dǫ wekǫ̀ enìxàgı̨ı̨zhì ts'ııdì. Dǫ wekǫ̀ gòɂǫǫ sìı ayìı sadzeè k'e eeɂį̀ı̨-dǫǫ̀ yekǫ̀ enìxàezhì ha yek'èezǫ nı̨dè, wekǫ̀ enìxàgeezhì ch'à kexoehdı ha ı̨lè.

Matthew 24:43 ပူးပေါင်းရင်းမြစ်များ

Matthew 14:25

Totanı daats'ǫ̀ taı nìı̨ɂǫ eyıts'ǫ ek'ètaı ekìıyeè k'e Zezì edecheekeè ts'ǫ̀ èhtła. Tı ka naetłe.

Matthew 20:11

Hazǫǫ̀ ełètłǫ gıts'àɂeèdì t'à k'àowo ts'ǫ̀ sǫagedı,

Matthew 24:42

“Eyıt'à kexoahdı! Ayìı dzęę̀ k'e naxıts'ǫ̀ K'àowo jǫ nììtła ha sìı wek'èahsǫ nıìle.

Matthew 24:44

Naxı̨ sı, Dǫ-wet'àaɂàa-deè ayìı sadzeè k'e wexaahłı-le sìı k'e nììtła ha ne t'à, wegha ts'atà dahkw'e ha hǫt'e.

Matthew 25:10

“Tłeh nàgeehdì ha ekǫ geède gıtł'axǫǫ̀ dǫ honìda ha sìı eyı nììtła. T'eekoa ts'atà gıdageèhkw'ee sìı nàsı̨ hołè ha eyı dǫ xè kǫ̀ goyageède gà enìgį̀ı̨hgè.

Matthew 25:13

“Eyıt'à edexoahdı! Ayìı dzęę̀ k'e eyıts'ǫ ayìı sadzeè k'e hagode ha sìı wek'èahsǫ nıìle,” Zezì hadıì goxè godo.

Mark 13:35

“Eyıt'à kexoahdı! Ayìı dzęę̀ k'e kǫ̀ ts'ǫ̀ k'àowo nǫ̀ǫtła ha sìı wek'èahsǫ nıìle. Xèhts'ǫ̀ nǫ̀ǫtła ha tahkò, totanı tahkò hanì-le-ı̨dè k'omǫǫ̀dǫǫ̀ et'ıì nììtła ha tahkò.

Mark 6:48

Zezì wecheekeè gınìhdǫǫ̀ nawhets'ı t'à hòtł'ò egeet'oò goaɂı̨. Totanı daats'ǫ̀ taı nìı̨ɂǫ hanì-le-ı̨dè ek'ètaı ekìıyeè k'e Zezì tı ka edecheekeè gots'ǫ̀ naetłe ekò goɂǫ̀ǫ̀ naetła ha ı̨lè.

Luke 12:38

K'àowo to whaà nììtła kò wecheekeè gıda ts'atà gogèhɂǫ nı̨dè gıgha sìghà hòɂǫ ha hǫt'e.

Luke 12:39

Eyıt'à dıı wedaànıahdè: Edahxǫ dǫ wekǫ̀ enìxàgı̨ı̨zhì ts'ııdì. Dǫ wekǫ̀ gòɂǫǫ sìı ayìı sadzeè k'e eeɂį̀ı̨-dǫǫ̀ yekǫ̀ enìxàezhì ha yek'èezǫ nı̨dè wekǫ̀ enìxàgeezhì ch'à kexoehdı ha ı̨lè.

Luke 21:36

Eyıt'à t'aats'ǫǫ̀ kexoahdı, hoìla hawee sìı naxıxè agode ha-le gha yaahtı. Eyıts'ǫ Dǫ-wet'àaɂàa-deè wenadąą̀ nàahza nı̨dè edeghǫ į̀į̀zhaahłı̨ ha-le gha yaahtı,” Zezì gòhdı.

John Wenazhıı 16:15

Gots'ǫ̀ K'àowo dıı hadı, “Kexoahdı! Eeɂį̀ı̨-dǫǫ̀ lanì hǫtsaa naxıts'ǫ̀ nèehtła ha. Amìı ts'ıgoedìı xè edegoht'ǫǫ̀ edegà whehłaa sìı wexè sìghà ha hǫt'e. Hanì-ı̨dè goht'ǫ dę edeghǫ į̀į̀zhaelı̨ ha-le,” hadı.

John Wenazhıı 3:3

Eyıt'à ayìı naxıghǫ̀t'ǫǫ eyıts'ǫ ayìı aàhkw'oo sìı wenaahdì. Eyı yatı wek'èaht'e xè edek'eahłı̨. Ts'ıahdè-le nı̨dè eeɂį̀ı̨-dǫǫ̀ lanì naxınaàhtǫ naxıts'àhtła ha. Ayìı sadzeè k'e naxıts'àhtła ha sìı wek'èahsǫ ha nıìle.