Matthew 24:31 - Nǫ̀htsı̨ Nı̨htł'è

³¹ Dechı̨shì hòtł'ò dedı ekìıyeè k'e nı̨dè, Dǫ-wet'àaɂàa-deè edeyak'eet'ı̨į̀ dıı nèk'e hazǫǫ̀ welǫ ts'ǫ̀ gohɂa ha, Nǫ̀htsı̨ dǫ gòį̀hchìı sìı nàgogehtsį̀ ha.

Matthew 24:31 ပူးပေါင်းရင်းမြစ်များ

Matthew 13:41

Eyı dzęę̀ k'e Dǫ-wet'àaɂàa-deè edets'ǫ yak'eet'ı̨į̀ dǫ ts'ǫ̀ agole ha. Dǫ nàowołı̨ı̨ k'ę̀ę̀ eghàlageeda xè Nǫ̀htsı̨ wets'ǫ dǫ ta nàgedè eyıts'ǫ dǫ hołı̨ı̨ hogehtsı̨ agehɂı̨ı̨ sìı yak'eet'ı̨į̀ godıhogehtsı̨ ha.

Matthew 24:22

Eyı hagode ha sìı weghǫnahǫ̀t'eè adlà-le nı̨dè dǫ wı̨ı̨zìı edaxàeda ha nıìle. Hanìkò amìı Nǫ̀htsı̨ gòį̀hchìı sìı gıgha dzę łǫ-lea adle ha.

Matthew 24:24

Dǫ mǫ̀hdaa hogets'ì t'à dıı hagedı ha, ‘Chrıst aht'e,’ hanì-le-ı̨dè ‘Nakwenàoɂǫǫ aht'e,’ hagedı xè enıìyah nechàa hogehtsı̨ ha. Dǫ ghǫdageehnè ha dìì-le nı̨dè Nǫ̀htsı̨ dǫ gòį̀hchìı sìı eyı kò goghǫdageehnè ha.

Matthew 24:32

“Jìechots'ıì weghàà dıı hanì hoghànaxeehtǫ: Ts'ı wets'ıhchı̨į̀ dezhì-le at'ı̨ xè wets'ǫ ı̨t'ǫ̀ą xàłaekè nı̨dè hòt'a ı̨mbè agode ha ts'ǫ̀ whaà-le wek'èts'eezǫ hǫt'e.

Matthew 25:31

Zezì hadı, “Dǫ-wet'àaɂàa-deè enıìyah t'à nàtso xè nììtła nı̨dè, wets'ǫ yak'eet'ı̨į̀ gıxè at'ı̨ ha, eyıts'ǫ yak'e gots'ǫ k'àowocho elı̨ xè ededaèhchı̨cho k'e wheda ha.

Matthew 28:18

Zezì gogà nììtła xè gots'ǫ̀ hadı, “Įdòo yak'e eyıts'ǫ dıı nèk'e t'asìı hazǫǫ̀ ts'ǫ̀ k'àowo ehłı̨ ha seghàhòt'ǫ hǫt'e.

Mark 13:27

Dǫ-wet'àaɂàa-deè edeyak'eet'ı̨į̀ dıı nèk'e hazǫǫ̀ welǫ ts'ǫ̀ gohɂa ha. Nǫ̀htsı̨ dǫ gòį̀hchìı sìı nàgogehtsį̀ ha.

Luke 24:47

Chrıst wıızì dahxà dıı nèk'e dǫ hazǫǫ̀ xàɂaa ts'ǫ̀ goahde ha, dǫ edek'egı̨ı̨lı̨ nı̨dè gıhołı̨į̀ gıghǫ nahoezhe ha. Jerusalem ekǫ t'akwełǫ̀ǫ̀ dǫ ts'ǫ̀ goahde ha.

John 11:52

Israel got'ı̨į̀ zǫǫ̀-le, hanìkò Nǫ̀htsı̨ Weza hazǫǫ̀ dıı nèk'e ehkègı̨ı̨dee sìı gogha ełaàwı ha hǫt'e. Ełènagoowa xè dǫ ı̨łè gı̨ı̨lı̨į̀ agole ha.

Rome 10:18

Eyıt'à Israel got'ı̨į̀ godı nezı̨ı̨ egıìkw'o nì? Hęɂę, godı nezı̨ı̨ egıìkw'o ı̨lè. Eyı ghǫ dıı hanì dek'eèhtł'è, “Dıı nèk'e dǫ hazǫǫ̀ ts'ǫ̀ agejà t'à, eyı godı nezı̨ı̨ t'à dǫ xè gogedo ı̨lè. Nıwàa nèk'e dǫ ts'ǫ̀ godı nezı̨ı̨ nègı̨ı̨ɂǫ ı̨lè,” dek'eèhtł'è.

1 Corınth 15:52

Dechı̨shì nǫǫde dedı nı̨dè kǫ̀-naìtł'ı̨ı̨ lanì eyıts'ǫ godaà nagoxò lanì hǫtsaa eładı̨į̀ ats'ede ha. Dechı̨shì hotıì dedı ha hǫt'e, dǫ ełaı̨dèe sìı welǫ whìle ts'ǫ̀ nagìdà ha eyıts'ǫ goxı̨ hazǫǫ̀ eładı̨į̀ ats'ede ha.

Ephesus 1:10

Ehkw'ı nèhòkw'o nı̨dè Nǫ̀htsı̨ eyı hazǫǫ̀ yeghàlaeda ha hǫt'e. Ekìıyeè k'e nı̨dè t'asìı hazǫǫ̀ yak'e whelaa eyıts'ǫ t'asìı hazǫǫ̀ dıı nèk'e whelaa sìı k'àowo ı̨łè wetł'aà whelaà ayele ha, eyı k'àowo sìı Zezì-Krı hǫt'e.

1 Thessalonıca 4:16

Gots'ǫ̀ K'àowo ededı̨ xàè yak'e gots'ǫ hodàetła ha hǫt'e. Nǫ̀htsı̨ wets'ǫ dechı̨shì hòtł'ò dedı ha, eyıts'ǫ yak'eet'ı̨deè hòtł'ò xàyahtı ha. Ekòet'ıì dǫ Zezì gıgha ehkw'ı-ahodıı xè ełaàgı̨ı̨dèe sìı ededı̨ t'akwełǫ̀ǫ̀ nagìdà ha.

2 Thessalonıca 2:1

Sèot'ı̨ı̨, gots'ǫ̀ K'àowo nììtła ha eyıts'ǫ wexè łą̀ą nèts'ııdè ha sìı eyı ghǫ naxıts'ǫ̀ gots'ede ha ts'ı̨ı̨wǫ.

Hebrew 12:19

Israel got'ı̨į̀ sìı dechı̨shì hòtł'ò dedı gıìkw'o, eyıts'ǫ Nǫ̀htsı̨ gots'ǫ̀ hòtł'ò gode t'à, geejı̨į̀ agejà, hagedı, “K'achı̨ gots'ǫ̀ xàyawehtı-le,” gedıì nàdageetì ı̨lè.

John Wenazhıı 1:20

Whǫ̀ łǫ̀hdı̨ nàgòts'ehnèe selatł'aà whelaa eyıts'ǫ ek'aèk'ǫchı̨į̀ łǫ̀hdı̨ sǫǫ̀mbaekwo t'à hòèlı̨ı̨ sìı dıı awèts'edı hǫt'e: Whǫ̀ łǫ̀hdı̨ sìı kǫ̀ta łǫ̀hdı̨ Nǫ̀htsı̨ wecheekeè nàgedèe sìı gıyak'eet'ı̨į̀ gha hǫt'e, eyıts'ǫ ek'aèk'ǫchı̨į̀ łǫ̀hdı̨ sìı kǫ̀ta łǫ̀hdı̨ Nǫ̀htsı̨ wecheekeè nàgedèe sìı gha hǫt'e.

John Wenazhıı 11:15

Yak'eet'ı̨į̀ łǫ̀hdı̨ t'à whedaa sìı edets'ǫ dechı̨shì yeèhdı ekò yak'e gots'ǫ hòtł'ò dıı hats'edıì hǫt'e, “Gots'ǫ̀ K'àowo eyıts'ǫ wets'ǫ Chrıst xè dıı nèk'e gogha k'àowo gı̨ı̨lı̨į̀ agejà eyıts'ǫ ededı̨ sìı welǫ whìle ts'ǫ̀ K'àowo elı̨ ha,” hats'edıì hǫt'e.

John Wenazhıı 7:1

Eyı tł'axǫǫ̀ yak'eet'ı̨į̀ dı̨ dıı nèk'e wedzıì dı̨ gòlaa gà nàgeèhza gìgoèht'į̀. Dèè gok'e, tı k'e eyıts'ǫ ts'ı ta nı̨hts'ı ade ha-le t'à nı̨hts'ı ı̨dè ts'ǫ̀ gıtǫ̀.

John Wenazhıı 8:2

Eyı tł'axǫǫ̀ yak'eet'ı̨į̀ łǫ̀hdı̨ Nǫ̀htsı̨ nadąą̀ nàgeèhza gìgaat'ı̨. Dechı̨shì łǫ̀hdı̨ gıghǫ̀zha.