Matthew 24:14 - Nǫ̀htsı̨ Nı̨htł'è

¹⁴ Hazǫǫ̀ nèk'e Nǫ̀htsı̨ Wenàowoò k'ę̀ę̀ hòɂǫǫ wegodıì nezı̨ı̨ dǫ hoghàgogeehtǫ ha. Hanì-ı̨dè dǫ hazǫǫ̀ godı nezı̨ı̨ k'ègeezǫǫ̀ agede ha eyı tł'axǫǫ̀-ı̨dè nǫǫde dzęę̀ nèhòkw'ı ha.

Matthew 24:14 ပူးပေါင်းရင်းမြစ်များ

Matthew 10:7

Kǫ̀ta yàgòlaa ts'ǫ̀ aahde, dǫ ts'ǫ̀ haahdı, ‘Nǫ̀htsı̨ Wenàowoò k'ę̀ę̀ nèhòkw'ı ha ts'ǫ̀ nıwà-le agòjà,’ gìahdı.

Matthew 18:19

“Eyıts'ǫ naxıts'ǫ̀ dıı haehsı̨: secheekeè nàke t'asìı geekè gha ełek'ę̀ę̀ agı̨ı̨wǫ nı̨dè Setà yak'e whedaa sìı gogha hayele ha.

Matthew 24:3

Zezì shìh Olıvet gòyeh ekǫ wheda ekò wecheekeè whatsǫǫ̀ gıts'ǫ̀-ède, hagıìhdı, “Dàht'e-ı̨dè hagode ha sìı gots'ǫ̀ haı̨dı, eyıts'ǫ nǫǫde dzęę̀ jǫ anaąde ha nìkw'o nı̨dè ayìı ghàà wek'èts'eezǫ ha?” wecheekeè gıìhdı.

Matthew 24:6

Ełegegǫ ghǫ aàhkw'o ha, hanìkò weghǫ dahjı̨-le. T'akwełǫ̀ǫ̀ eyı hazǫǫ̀ hagode ha hǫt'e, hanìkò ekòet'ıì nǫǫde dzęę̀ k'e nèhòkw'ı ha nıìle.

Matthew 4:23

Eyı tł'axǫǫ̀ Zezì Galılee nèk'e kǫ̀ta yàgòlaa sìı gota k'etło, ełègehdèe-kǫ̀ goyìı dǫ hoghàehtǫ. Nǫ̀htsı̨ Wenàowoò k'ę̀ę̀ hòɂǫǫ wegodıì nezı̨ı̨ t'à dǫ ts'ǫ̀ gode, eyıts'ǫ dǫ hazǫǫ̀ eyagı̨ı̨lı̨ı̨ sìı k'aàt'ıì agǫ̀ǫ̀là.

Matthew 9:35

Zezì eyı nèk'e kǫ̀ta hazǫǫ̀ gota k'eetło. Ełègehdèe-kǫ̀ goyìı dǫ hoghàehtǫ. Nǫ̀htsı̨ Wenàowoò k'ę̀ę̀ hòɂǫǫ wegodıì nezı̨ı̨ t'à dǫ ts'ǫ̀ gode, eyıts'ǫ tàda hazǫǫ̀ t'à dǫ eyagı̨ı̨lı̨ı̨ sìı k'aàt'ıì anagǫ̀ǫ̀là.

Mark 13:10

T'akwełǫ̀ǫ̀ dıı nèk'e dǫ hazǫǫ̀ xàɂaa godı nezı̨ı̨ hoghàgıahtǫ ha.

Luke 2:1

Ekìıyeè k'e k'àowodeè Augustus Rome nèk'e dèe-ts'ǫ̀-k'àowo elı̨ ı̨lè. Eyı k'àowo sìı dǫ hazǫǫ̀ nagıhtà gha nàowo whehtsı̨.

Luke 24:47

Chrıst wıızì dahxà dıı nèk'e dǫ hazǫǫ̀ xàɂaa ts'ǫ̀ goahde ha, dǫ edek'egı̨ı̨lı̨ nı̨dè gıhołı̨į̀ gıghǫ nahoezhe ha. Jerusalem ekǫ t'akwełǫ̀ǫ̀ dǫ ts'ǫ̀ goahde ha.

Luke 4:5

Wehłı̨ı̨ k'achı̨ Zezì ı̨dòo dagǫǫwà dagòɂǫǫ k'è nèyı̨ı̨htı̨ gà dıı nèk'e hazǫǫ̀ gòlaa sìı yeghàedaà ayį̀į̀là.

Zezì Wecheekeèdeè 1:2

Eyıts'ǫ yak'e ts'ǫ̀ nıwıìtı̨ gots'ǫ̀, edecheekeèdeè gòį̀hchìı sìı ayìı dàgele ha sìı Yedàyeh Nezı̨ı̨ wedahxà eyı ghǫ gots'ǫ̀ goı̨de ı̨lè.

Zezì Wecheekeèdeè 11:28

Nakwenàoɂǫǫ ı̨łè Agabus wìyeh sìı dǫta nàwo xè Yedàyeh Nezı̨ı̨ dahxà gots'ǫ̀ goı̨de. Įdaà dàgode ha sìı gha yatı nìı̨ɂǫ. Hazǫǫ̀ nèk'e Rome got'ı̨į̀ k'aodèe gı̨ı̨lı̨ı̨ sìı dǫ gha bò whìle agode ha, hadı. (Claudıus dèe-ts'ǫ̀-k'àowo whelı̨ ekò eyı hagòjà.)

Zezì Wecheekeèdeè 17:31

Dǫ hazǫǫ̀ ehkw'ı gısınìyaetı gha dzę whehɂǫǫ̀ ayı̨į̀là hǫt'e, eyı gha dǫ ı̨łè yį̀į̀hchì hǫt'e. Eyı wììchıı sìı dǫ hazǫǫ̀ gıgha ehkw'ı-ahodı ha t'à Nǫ̀htsı̨ naìdà ayį̀į̀là,” Paul gòhdı.

Zezì Wecheekeèdeè 17:6

Hanìkò gokawhį̀agejà t'à Jason xàgeèlì eyıts'ǫ Nǫ̀htsı̨ wecheekeè sı mǫ̀hdaa kǫ̀godeè gha k'aodèe ts'ǫ̀ gogeèwa. Hagedıì gezeh, “Dıı dǫ, hazǫǫ̀ nèk'e dǫ xè hoìla hogehtsı̨ı̨ sìı dıì jǫ nègı̨ı̨de,

Zezì Wecheekeèdeè 19:27

Goılaà sìı dǫ gıgha wet'àaɂà-le ade ha sǫnı. Eyı zǫǫ̀-le, Artemıs wets'ǫ yahtıı-kǫ̀-gocho gòɂǫǫ sìı dǫ gıgha wet'àaɂà-le agode ha. Asıa nèk'e dǫ hazǫǫ̀ eyıts'ǫ dıı nèk'e hazǫǫ̀ ts'ǫ̀ Artemıs ts'ǫ̀ yagehtı hǫt'e, hanìkò eyı hagot'ı̨ ts'ıhɂǫ̀ t'asìı deè elı̨-le gı̨ı̨hwhǫ ha,” gòhdı.

Zezì Wecheekeèdeè 20:25

“Naxı̨, Nǫ̀htsı̨ Wenàowoò t'à naxıts'ǫ̀ goıhde ı̨lèe sìı k'achı̨ seahɂį̀ ha-le, wek'èehsǫ hǫt'e.

Rome 10:18

Eyıt'à Israel got'ı̨į̀ godı nezı̨ı̨ egıìkw'o nì? Hęɂę, godı nezı̨ı̨ egıìkw'o ı̨lè. Eyı ghǫ dıı hanì dek'eèhtł'è, “Dıı nèk'e dǫ hazǫǫ̀ ts'ǫ̀ agejà t'à, eyı godı nezı̨ı̨ t'à dǫ xè gogedo ı̨lè. Nıwàa nèk'e dǫ ts'ǫ̀ godı nezı̨ı̨ nègı̨ı̨ɂǫ ı̨lè,” dek'eèhtł'è.

Colosse 1:23

Eyıt'à Nǫ̀htsı̨ gha naxınì nàtsoò aahwhǫ nı̨dè, weghǫ naaht'è-le nı̨dè, eyıts'ǫ godı nezı̨ı̨ sìı naxıgha ehkw'ı-ahodı nı̨dè naxıxè sìghà ha hǫt'e. Eyı godı nezı̨ı̨ sìı naxıts'ǫ̀ hats'edı hǫt'e eyıts'ǫ dıı nèk'e dǫ hazǫǫ̀ eyı t'à hoghàgıts'eèhtǫ hǫt'e. Sı̨ Paul eyı godı nezı̨ı̨ zǫ gha eghàlaehda hǫt'e.

Colosse 1:6

naxıghǫ̀t'ǫ hǫt'e. Dıı nèk'e hazǫǫ̀ ts'ǫ̀ godı nezı̨ı̨ ajàa sìı wet'à t'asìı nezı̨ı̨ łǫ kèhǫǫ̀wo. Ts'ı nezı̨ı̨, wek'e jìecho nezı̨ı̨ dehsheè lagòjà. T'akwełǫ̀ǫ̀ godı nezı̨ı̨ ghǫ aàhkw'o ekò gots'ǫ Nǫ̀htsı̨ wesǫnıwǫ wenıahdì aahjà ı̨lè, eyıts'ǫ godı nezı̨ı̨ wet'à t'asìı łǫ ehkw'ıı naxıta kèhǫǫ̀wo hǫt'e. Eyı dzęę̀ gots'ǫ jìecho nezı̨ı̨ naxıta dehsheè lagòjà.

Hebrew 1:6

Eyıts'ǫ Nǫ̀htsı̨ xàè Edeza dıı nèk'e ts'ǫ̀ yı̨ı̨hɂà kwe yeghǫ dıı hadı ı̨lè, “Nǫ̀htsı̨ weyak'eet'ı̨į̀ hazǫǫ̀ gıghàsǫedı welè,” dek'eèhtł'è.

Hebrew 2:5

Įdaà nı̨dè eyı dèè wegòò hòɂǫ ha sìı yak'eet'ı̨į̀ gıts'ǫ̀ k'ahodè ha-le Nǫ̀htsı̨ agǫ̀ǫ̀là.

John Wenazhıı 14:6

Eyı tł'axǫǫ̀ yak'eet'ı̨į̀ k'achı̨ ı̨łè ı̨dòo k'et'a weehɂı̨. Godı nezı̨ı̨ welǫ whìle ts'ǫ̀ wheɂǫǫ dıı nèk'e dǫ hazǫǫ̀ gık'èezǫ ha k'eyeɂa; dǫ hazǫǫ̀ xàɂaa, yatı hazǫǫ̀ xàɂaa eyıts'ǫ dıı nèk'e hazǫǫ̀ gha adlà hǫt'e.

John Wenazhıı 16:14

Eyı ı̨nìłı̨ı̨ sìı enıìyah hogehtsı̨, eyıts'ǫ dıı nèk'e k'àowocho hazǫǫ̀ ts'ǫ̀ agejà. Nǫ̀htsı̨ t'asìı wegha dìì-le sìı wets'ǫ dzędeè k'e ełegegǫ ha k'àowocho hazǫǫ̀ łą̀ą ełègehdè agogį̀į̀là.

John Wenazhıı 3:10

Senàowoò k'èahdì eyıts'ǫ ts'èwhı̨į̀ daahɂa t'à hazǫǫ̀ dıı nèk'e dǫ xè hoìla agode ha sìı ch'à naxık'èhdì ha. Dıı nèk'e dǫ hazǫǫ̀ nàdèe sìı hoìla t'à geèdzà ha.