Matthew 24:10 - Nǫ̀htsı̨ Nı̨htł'è

¹⁰ Ekìıyeè k'e dǫ łǫ gıgha ehkw'ı-ahodı-le agode ha, eyıts'ǫ k'aodèe ghàłegìle ha eyı xè ełedzagı̨ı̨hwhǫ ha hǫt'e.

Matthew 24:10 ပူးပေါင်းရင်းမြစ်များ

Matthew 10:21

“Ekìıyeè k'e nı̨dè ełechı-t'ıì k'aodèe tł'aàłegìhtè ha, eyıts'ǫ gotà gı̨ı̨lı̨ı̨ sìı edeza hagole ha. Chekoa edèot'ı̨ sı k'aodèe tł'aàgogììle xè ełaàgogìhdeè agogele ha.

Matthew 11:6

Amìı wek'èch'a aht'ı̨-le sìı wexè sìghà hǫt'e,” Zezì gòhdı.

Matthew 13:21

Hanìkò weghochı̨į̀ whìle t'à whaà-lea ts'ǫ̀ zǫ yek'ę̀ę̀ eda. Nǫ̀htsı̨ yatıì ts'ıhɂǫ̀ wegha hoìla xè daı̨ɂa nı̨dè ekòet'ıì wedę ayehɂį̀.

Matthew 13:57

Weghǫ gık'èch'a agòjà. Eyıt'à Zezì gots'ǫ̀ hadı, “Nakwenàoɂǫǫ sìı wekǫ̀ta gots'ǫ dǫ eyıts'ǫ xàè wèot'ı̨ zǫ dǫ gìt'ı̨ nıìle,” gòhdı.

Matthew 24:11

Eyıts'ǫ nakwenàoɂǫǫ ehkw'ı agedı-le łǫ agode ha, dǫ łǫ ghǫyageeɂà ha.

Mark 13:12

“Ekìıyeè k'e nı̨dè ełechı-t'ıì k'aodèe tł'aàłegìhtè ha, eyıts'ǫ gotà gı̨ı̨lı̨ı̨ sìı edeza hagole ha. Chekoa sìı edèot'ı̨ k'aodèe tł'aàgogììle xè ełaàgogìhdee agogele ha.

Mark 4:17

Hanìkò gıghochı̨į̀ whìle t'à whaà-lea ts'ǫ̀ zǫ gık'ę̀ę̀ eda. Nǫ̀htsı̨ yatıì ts'ıhɂǫ̀ gıgha hoìla xè dagı̨ı̨ɂa nı̨dè ekòet'ıì wedę agehɂį̀.

Luke 21:16

Naxıtà, naxımǫ, naxıchı, naxèot'ı̨ eyıts'ǫ naxıàgı̨ą k'aodèe tł'aànaxegììle ha eyıts'ǫ naxı̨ mǫ̀hdaa ełaànaxegìhde ha.

2 Tımothy 1:15

Asıa nèk'e dǫ wı̨ı̨zìı sexè aget'ı̨-le agejà wek'èı̨zǫ hǫt'e. Phygelus eyıts'ǫ Hermogenas ededı̨ kò sexè aget'ı̨-le agejà.

2 Tımothy 4:10

Demas dıı nèk'e t'asìı whelaa ghǫneètǫ t'à sets'ǫǫ̀ ajà xè kǫ̀ta Thessalonıca ts'ǫ̀ ajà. Crescens Galatıa nèk'e ts'ǫ̀ ajà, eyıts'ǫ Tıtus Dalmatıa nèk'e ts'ǫ̀ ajà.

2 Tımothy 4:16

T'akwełǫ̀ǫ̀ seghǫ nàyaetı ekò dǫ wı̨ı̨zìı sek'edaedı-le ı̨lè, hazǫǫ̀ sets'ǫǫ̀ nageèhde ı̨lè. Eyı k'èxa Nǫ̀htsı̨ t'asagǫ̀ǫ̀là-le nı̨dè dehwhǫ.