Matthew 23:9 - Nǫ̀htsı̨ Nı̨htł'è

⁹ Eyıts'ǫ dǫ wı̨ı̨zìı ‘setà’ wèahdı ha-le. Gotà ı̨łàet'ee zǫ gǫ̀hłı̨, yak'e wheda hǫt'e.

Matthew 23:9 ပူးပေါင်းရင်းမြစ်များ

Matthew 23:10

Eyıts'ǫ ‘hoghàehtǫǫ-dǫǫ̀’ naxègedıì naxegıızı ha-le. Dǫ ı̨łè zǫ dǫ hoghàgoehtǫǫ elı̨ hǫt'e, eyı sìı Chrıst hǫt'e.

Matthew 6:32

Dıı nèk'e dǫ hazǫǫ̀ Nǫ̀htsı̨ k'ègeezǫ-le sìı eyı hanıı zǫ k'alagedè. Hanìkò Naxıtà yak'e whedaa sìı ayìı t'à aahda yek'èezǫ hǫt'e.

Matthew 7:11

Naxı̨ hołı̨ı̨-hoahtsı̨ı̨-dǫǫ̀ aaht'e kò, naxıza t'asìı nezı̨ı̨ gıghàahłe k'èahsǫ. Naxıtà yak'e whedaa sìı dǫ geekè nı̨dè naxınahk'e t'asìı nezı̨ı̨ goghàyele ha hǫt'e.

Zezì Wecheekeèdeè 22:1

“Sèot'ı̨ı̨ eyıts'ǫ goɂǫhdaà yàahłı̨ı̨ sìı, edegha gohde ha t'à seàhkw'ǫ,” gòhdı.

1 Corınth 4:15

Zezì-Krı wedahxà dǫ łǫ naxık'ègedì sǫnı kò naxıtà łǫ gǫ̀hłı̨ nıìle. Godı nezı̨ı̨ naxıts'ǫ̀ nèehɂǫ ts'ıhɂǫ̀ Zezì-Krı wedahxà naxıtà whıhłı̨ hǫt'e.

2 Corınth 6:18

“Naxıtà ehłı̨ ha, eyıts'ǫ naxı̨ seza eyıts'ǫ setì aahłı̨ ha, Nǫ̀htsı̨ t'asìı wegha dìì-le sìı hadı,” hǫt'e.

Hebrew 12:9

Goxı̨ hazǫǫ̀ gotà ehkw'ı ts'eeda gha hoghàgogeèhtǫ ı̨lè t'à dǫ gıts'ı̨ı̨hwhǫ ı̨lè. Eyıt'à Nǫ̀htsı̨ gots'ǫ ı̨nì gha Gotà elı̨ı̨ sìı hoghàgoetǫ nı̨dè denahk'e wek'èats'ı̨ı̨t'e ha hǫt'e. Hanì-ı̨dè welǫ whìle ts'ǫ̀ ts'eeda ha.

1 John 3:1

Nǫ̀htsı̨-Gotà sıì goghǫneètǫ t'à Nǫ̀htsı̨ weza gòyeh agǫ̀ǫ̀là. Eyı sıì gogha enıìyah hǫt'e! Weza ats'ı̨ı̨t'e t'ıį̀t'e. Dıı nèk'e ts'ǫ dǫ Nǫ̀htsı̨ k'ègeezǫ-le t'à gok'ègeezǫ-le hǫt'e.