Matthew 23:7 - Nǫ̀htsı̨ Nı̨htł'è

⁷ Kǫ̀ta k'egedè nı̨dè dǫ gots'ǫ̀ nezı̨į̀ nageɂa xè ‘K'àowo’ gògedı gıgha nezı̨.

Matthew 23:7 ပူးပေါင်းရင်းမြစ်များ

Matthew 11:16

“Dıı dǫ xàgeèɂaa sìı ayìı xègı̨ı̨ht'e ts'edı lì? Chekoa tı̨lıbàa geèhkw'ee lagı̨ı̨t'e. Ełets'ǫ̀ hagedıì yagìzeh,

Matthew 23:8

“Hanìkò naxı̨ sìı dǫ ‘K'àowo’ naxègedıì naxegıızı ha-le. K'àowo ı̨łè zǫ naxıts'ǫ hǫt'e, naxı̨ hazǫǫ̀ ełèot'ı̨ aaht'e.

Matthew 26:25

Zhıdàà, Zezì k'aodèe tł'aàyehtè ha sìı, hadı, “K'àowo, sı̨ asį̀ı̨dı-le nì?” Zezì yets'ǫ̀ hadı, “Hęɂę, nı̨ anèehsı̨,” yèhdı.

Matthew 26:49

Zhıdàà ekòet'ıì Zezì ts'ǫ̀ èhtła gà yets'ǫ̀ hadı, “Sets'ǫ̀ K'àowo, nexè sìghà welè,” yèhdı gà yı̨ı̨ts'į̀.

Mark 10:51

Zezì yets'ǫ̀ hadı, “Ayìı negha dàhłe ha seneehwhǫ?” yèhdı. Eyı dǫ Zezì ts'ǫ̀ hadı, “K'àowo, segha xègaat'ı̨ ha dehwhǫ,” yèhdı.

Mark 11:21

Zezì eyı ts'ı ts'ǫ̀ goı̨de ı̨lèe sìı Peter yenadì t'à yets'ǫ̀ hadı, “K'àowo, jìechots'ıì ghàı̨da! Wets'ǫ̀ xàyanehtı ı̨lèe sìı hazǫǫ̀ whegǫǫ̀ ajà!” yèhdı.

Mark 12:38

Zezì dǫ hoghàgoehtǫ ekò gots'ǫ̀ hadı, “Nǫ̀htsı̨-yatıì-k'ègedìı-dǫǫ̀ gı̨ı̨lı̨ı̨ sìı hotıì gıxoahdı. Goht'ǫ nedèe wèdaat'ı̨ı̨ t'à kǫ̀ta k'egedè xè dǫ gıts'ǫ̀ nezı̨į̀ naɂaa sìı gıgha nezı̨.

Mark 14:45

Zhıdàà ekòet'ıì Zezì ts'ǫ̀ èhtła gà yets'ǫ̀ hadı, “K'àowo!” yèhdı gà yı̨ı̨ts'į̀.

Mark 9:5

Peter Zezì ts'ǫ̀ hadı, “K'àowo, jǫ ts'eèhkw'e gogha nezı̨ dìì. Kǫ̀ą taı gots'ııhtsı̨; ı̨łè negha, ı̨łè Moses wegha eyıts'ǫ ı̨łè Elıjah wegha,” yèhdı.

Luke 11:43

“Naxı̨ Pharısee yàahłı̨ı̨ sìı, naxıgha hoìla ha! Ełègehdèe-kǫ̀ goyìı dǫ wet'àaɂàa gıgha daèhchı̨ whelaa sìı k'e dahkw'e ghaahwhı. Eyıts'ǫ kǫ̀ta k'eahdè nı̨dè dǫ naxıts'ǫ̀ nezı̨į̀ agedı ha dahwhǫ, eyıt'à naxıgha hoìla ha.

John 1:38

Zezì gots'ǫ̀ ets'aèhtła, gık'èè geède goaɂı̨ t'à Zezì dagoehke, “Ayìıha aaht'ı̨?” gòhdı. “Rabbı, edı̨į̀ nàądè?” gıìhdı. (“Rabbı” gedı nı̨dè “dǫ hoghàehtǫǫ” gedıì-agedı.)

John 1:49

Eyıt'à Nathanael hadı, “K'àowo, nı̨ sìı Nǫ̀htsı̨ Weza anet'e, Israel got'ı̨į̀ gha K'àowocho anet'e,” yèhdı.

John 11:8

Wecheekeè gıts'ǫ̀ hadı, “Gots'ǫ̀ K'àowo, dıì whaà-lea Judea nèk'e gots'ǫ k'aodèe kwe t'à ełaànegìhwhı ha gı̨ı̨wǫ ı̨lè, hanìkò ı̨łaà ekǫ naı̨tła ha neewǫ nì?” gıìhdı.

John 20:16

Zezì yets'ǫ̀ hadı, “Mary,” yèhdıì yıızı. Mary yets'ǫ̀ ets'aèhtła, Aramaıc yatıì k'ę̀ę̀, hǫtsaa whezeh, hadı, “Rabbonı!” hadı. (“Rabbonı” gedı nı̨dè “hoghàehtǫǫ-dǫǫ̀,” gedıì-agedı.)

John 3:26

Eyıt'à John-Baptıst ts'ǫ̀ geède, hagedı, “K'àowo, dǫ ı̨łè, Jordan deh te nexè at'ı̨ weghǫ goneedè là, dǫ k'ètaìdzı̨ t'à dǫ hazǫǫ̀ wets'ǫ̀ aget'ı̨,” gıìhdı.

John 4:31

Ts'èko naèhtła tł'axǫǫ̀ Zezì wecheekeè gıts'ǫ̀ hadı, “K'àowo, t'asìı ghǫ shèı̨tı̨,” gıìhdı.

John 6:25

Įnǫ̀ǫ̀ dǫ Zezì gıaɂı̨ ekò dageehke, “K'àowo, dàht'e jǫ nǫǫ̀neetła?” gıìhdı.

John 9:2

Wecheekeè dageehke, “K'àowo, amìı wehołı̨į̀ k'èxa dıı dǫ wedaà goìlee wegǫ̀hłı̨, ededı̨ hanì-le-ı̨dè wetà eyıts'ǫ wemǫ?” gıìhdı.