Matthew 23:4 - Nǫ̀htsı̨ Nı̨htł'è

⁴ Xeh nedàa dǫ gha gehtsı̨ lanì, hanìkò ededı̨ nagıage ha gı̨ı̨wǫ-le.

Matthew 23:4 ပူးပေါင်းရင်းမြစ်များ

Matthew 23:23

“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı, sıì naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Įt'ǫ̀ hazǫǫ̀ xàɂaa nàahtsį̀ı̨ sìı wets'ǫ hoònǫ ı̨łè Nǫ̀htsı̨ ghàahɂà. Hanìkò nàowo wet'àaɂàa sìı ts'ǫnıahɂà-le. Dıı sìı nàowo wet'àaɂà hǫt'e: ehkw'ı ełesınìyats'ehtıı, etełets'eèɂı̨ı̨ eyıts'ǫ ełets'ǫ̀ ehkw'ı ts'eedaa. Eyı nàowo weghàlaahda ha hǫt'e ı̨lè eyıts'ǫ hòt'a ayìı nezı̨į̀ weghàlaahdaa sìı, wedę aahłe ha-le.

Matthew 23:3

Eyıt'à gık'èaht'e eyıts'ǫ dànaxègedı k'ę̀ę̀ eghàlaahda. Hanìkò dànì dǫ hoghàgeehtǫ k'ę̀ę̀ geeda nıìle t'à, dànì k'ehogeɂaa sìı gıxèahɂı̨-le.

Luke 11:46

Zezì yets'ǫ̀ hadı, “Naxı̨ Nǫ̀htsı̨-yatıì-k'èahdìı-dǫǫ̀ yàahłı̨ı̨ sìı naxıgha hoìla ha! T'asìı nedàa dǫ k'e nìahłe, gıgha nedà t'à ı̨kaa nagıage whìle. Hanìkò naxı̨ sìı naxılakw'ǫǫ̀ ı̨łàet'ea t'à gıts'àahdı nıìle.

Zezì Wecheekeèdeè 15:10

Nǫ̀htsı̨ hanì ha nıwǫ nı̨dè ayìıha Nǫ̀htsı̨ weahdzà? Dǫ eyıì-le xàɂaa Nǫ̀htsı̨ gı̨ı̨wǫǫ sìı eyı nàowo nedà lanıı gık'e nèts'ele ha dìì. Gocho eyıts'ǫ goxı̨ sı gogha nedàa t'à wek'ę̀ę̀ ts'eeda ha dìì ı̨lè.

Zezì Wecheekeèdeè 15:28

Goxı̨, Yedàyeh Nezı̨ı̨ xè dıı hats'ı̨ı̨wǫ, t'asìı wèhoedı-le sìı k'èaht'e ha naxıts'ı̨ı̨hwhǫ-le. Nàowo dıı haàtłǫ zǫ k'èahdì ha naxets'ı̨ı̨hwhǫ:

Galatıa 6:13

Ededı̨ gıkwǫ̀ nàat'àa dǫǫ̀ agı̨ı̨t'e kò Moses wenàowoò k'èagı̨ı̨t'e nıìle, hanìkò ı̨łaà naxıkwǫ̀ nàt'à ahłe naxègedı, hanì-ı̨dè naxıkwǫ̀ ghǫ xàdahogedì ha gı̨ı̨wǫ.

1 John 5:3

Dıı hanì Nǫ̀htsı̨ weghǫnets'eètǫ hǫt'e: Nǫ̀htsı̨ nàowo goghàı̨ɂǫǫ sìı wek'ę̀ę̀ ts'eeda. Wenàowoò k'ę̀ę̀ ts'eedaa sìı dezhì nıìle.

John Wenazhıı 2:24

Nǫ̀htsı̨ wecheekeè eyıì-le kǫ̀ta Thıyatıra nàgedèe sìı gıts'ǫ̀ yatı nèehɂà ha. Eyı ts'èko wek'ę̀ę̀ eghàlaahda-le eyıts'ǫ wehłı̨ı̨ wenàowoò weghàdeahtǫ-le. Dǫ mǫ̀hdaa eyı nàowo gıgha wet'àaɂà t'à dǫ gıghàdeetǫ ha gı̨ı̨wǫ. Naxı̨ eyı nàowo dahwhǫ-le sìı dıı yatı naxıghàehɂǫ, (weɂǫ̀ǫ̀ t'asìı naxıgha dezhìı sìı ts'ǫ̀ naxeehɂa ha-le):