Matthew 23:18 - Nǫ̀htsı̨ Nı̨htł'è

¹⁸ Eyıts'ǫ dıı haahdı hǫt'e: ‘Kwe-ladà k'e Nǫ̀htsı̨ ts'ǫ̀ t'asìı k'eek'ǫ̀ǫ sìı eyı ladà wıızì t'à dǫ yatı nàtsoo whehtsı̨ nı̨dè wet'àaɂà nıìle,’ dahdı, ‘Hanìkò Nǫ̀htsı̨ ts'ǫ̀ t'asìı k'eek'ǫ̀ǫ sìı t'à yatı nàtsoo whehtsı̨ nı̨dè edeyatıì k'èdì ha hǫt'e,’ dahdı.

Matthew 23:18 ပူးပေါင်းရင်းမြစ်များ

Matthew 23:16

“Naxıdaà goìlee kò dǫ k'egıahɂı̨ t'à naxıgha hoìla nechà ha. Dǫ gıts'ǫ̀ dıı haahdı, ‘Dǫ Nǫ̀htsı̨kǫ̀-gocho wıızì t'à yatı nàtsoo whehtsı̨ nı̨dè wet'àaɂà nıìle. Hanìkò sǫǫ̀mbaekwo Nǫ̀htsı̨kǫ̀-gocho k'e whelaa t'à yatı nàtsoo whehtsı̨ nı̨dè edeyatıì k'èdì ha hǫt'e,’ dahdı.

Matthew 23:17

Naxı̨ sìı ezhı̨ne laaht'e, ehkw'ı nànıahdè-le. Ayìı denahk'e wet'àaɂà? Nǫ̀htsı̨kǫ̀-gocho hanì-le-ı̨dè sǫǫ̀mbaekwo Nǫ̀htsı̨kǫ̀-gocho k'e whelaa t'à degaı ìhłè? Nǫ̀htsı̨kǫ̀-gocho sìı denahk'e wet'àaɂà hǫt'e.

Matthew 23:19

Ehkw'ı nànıahdè nıìle. Ayìı denahk'e wet'àaɂà? Kwe-ladà, hanì-le-ı̨dè t'asìı kwe-ladà k'e wek'eahk'ǫ̀ t'à degaı ìhłè? Kwe-ladà sìı denahk'e wet'àaɂà hǫt'e.

Mark 7:11

Hanìkò naxı̨ dıı haahdı: ‘Dǫ edetà eyıts'ǫ edemǫ gots'ǫ̀ dıı hadı ha hǫt'e: Wet'à naxıts'àhdı ha ı̨lèe sìı eyı Corban hǫt'e,’ haahdı. (‘Corban,’ gedı nı̨dè ‘Nǫ̀htsı̨ wegha wheɂǫ ahłà,’ gedıì-agedı.)

Galatıa 5:3

Eyı nàowo k'ę̀ę̀ dǫzhìı hazǫǫ̀ gıkwǫ̀ nàt'à adegį̀į̀làa sìı k'achı̨ gıts'ǫ̀ dıı haehsı̨ ha: Haaht'ı̨ nı̨dè Moses wenàowoò hazǫǫ̀ deghàà wek'èaht'e ha hǫt'e.