Matthew 23:16 - Nǫ̀htsı̨ Nı̨htł'è

¹⁶ “Naxıdaà goìlee kò dǫ k'egıahɂı̨ t'à naxıgha hoìla nechà ha. Dǫ gıts'ǫ̀ dıı haahdı, ‘Dǫ Nǫ̀htsı̨kǫ̀-gocho wıızì t'à yatı nàtsoo whehtsı̨ nı̨dè wet'àaɂà nıìle. Hanìkò sǫǫ̀mbaekwo Nǫ̀htsı̨kǫ̀-gocho k'e whelaa t'à yatı nàtsoo whehtsı̨ nı̨dè edeyatıì k'èdì ha hǫt'e,’ dahdı.

Matthew 23:16 ပူးပေါင်းရင်းမြစ်များ

Matthew 15:14

Gıts'ǫnıahɂà-le. K'enaxegehɂı̨ ha gı̨ı̨wǫ, hanìkò gıdaà goìlee lagı̨ı̨t'e. Dǫ gıdaà goìlee sìı k'ełegeehɂı̨ nı̨dè į̀łah dèè yìı gǫǫ̀ɂàa goyìı geetł'ì ha,” Zezì hagòhdı.

Matthew 23:13

“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Nǫ̀htsı̨ Wenàowoò k'ę̀ę̀ hòɂǫǫ sìı dǫ goyageedè ch'à dǫ gıts'ǫǫ̀hk'e enìahchı. Naxı̨ goyaahdè nıìle eyıts'ǫ dǫ goyats'ııdè gı̨ı̨wǫ kò goyageedè agıahłe-le.

Matthew 23:17

Naxı̨ sìı ezhı̨ne laaht'e, ehkw'ı nànıahdè-le. Ayìı denahk'e wet'àaɂà? Nǫ̀htsı̨kǫ̀-gocho hanì-le-ı̨dè sǫǫ̀mbaekwo Nǫ̀htsı̨kǫ̀-gocho k'e whelaa t'à degaı ìhłè? Nǫ̀htsı̨kǫ̀-gocho sìı denahk'e wet'àaɂà hǫt'e.

Matthew 23:19

Ehkw'ı nànıahdè nıìle. Ayìı denahk'e wet'àaɂà? Kwe-ladà, hanì-le-ı̨dè t'asìı kwe-ladà k'e wek'eahk'ǫ̀ t'à degaı ìhłè? Kwe-ladà sìı denahk'e wet'àaɂà hǫt'e.

Matthew 23:24

Naxı̨ sìı naxıdaà goìlee kò dǫ k'egıahɂı̨! T'asìı aahdǫǫ sìı weta ts'o nechà-lea xàahchı, hanìkò ejıe nechàa nałaahtła.

Matthew 23:26

Naxı̨ Pharısee yàahłı̨ı̨ sìı naxıdaà goìlee laaht'e. Naxılıbò eyıts'ǫ naxıkw'à nezı̨į̀ weyìı wek'enaahtse ha hǫt'e, hanì-ı̨dè weka sı degoò ade ha.

Galatıa 5:3

Eyı nàowo k'ę̀ę̀ dǫzhìı hazǫǫ̀ gıkwǫ̀ nàt'à adegį̀į̀làa sìı k'achı̨ gıts'ǫ̀ dıı haehsı̨ ha: Haaht'ı̨ nı̨dè Moses wenàowoò hazǫǫ̀ deghàà wek'èaht'e ha hǫt'e.

James 5:12

Sèot'ı̨ı̨, dıı wedaànıahdè: Yak'e wedahxà, dıı nèk'e wedahxà, hanì-le-ı̨dè t'asìı wı̨ı̨zìı dahxà yatı nàtsoo aahtsı̨ ha nıìle. “Hęɂę,” dahdı nı̨dè wek'ę̀ę̀ eghàlaahda, eyıts'ǫ “Į̀le,” dahdı nı̨dè wek'ę̀ę̀ eghàlaahda. Haaht'ı̨-le nı̨dè wek'èxa naxısınìyaetı ha hǫt'e.