Matthew 22:5 - Nǫ̀htsı̨ Nı̨htł'è

⁵ “Hanìkò eyı dǫ k'àowocho wecheekeè ts'ǫnegı̨ı̨ɂà-le. T'asį̀ı̨ ts'ǫ̀ nageèhde; ı̨łè wets'ǫ dèè goehshee k'è ts'ǫ̀ ajà eyıts'ǫ ı̨łè wets'ǫ nàedìı k'è gòɂǫǫ ts'ǫ̀ ajà.

Matthew 22:5 ပူးပေါင်းရင်းမြစ်များ

Dànì Kèhoį̀wo 19:14

Eyıt'à Lot dǫzhìı yetì gìhchı ha ı̨lèe sìı gots'ǫ̀ goı̨de, hagòhdı, “Gots'ǫ̀ K'àowo dıı kǫ̀godeè hòt'a yedıhohtsı̨ ha t'à ı̨whąą̀ xàts'ııdè,” gòhdı. Hanìkò eyı dǫzhìı ekìı adı gı̨ı̨hwhǫ t'à gık'èı̨t'e-le.

Dànì Kèhoį̀wo 25:34

Eyı tł'axǫǫ̀ Jacob, łèt'è eyıts'ǫ tıwo dek'oo Esau ghàı̨dì. Esau shètı̨ tł'axǫǫ̀ nıìtła gà xàèhtła. Eyıt'à Esau goza ǫhdaà k'ę̀ę̀ wetà ts'ǫ t'asìı weghǫ̀zhe ha ı̨lèe sìı wegha t'asìı wı̨ı̨zìı nadlı̨-le.

Matthew 13:22

Dǫ mǫ̀hdaa sìı wet'à t'asìı dehshee ı̨chį̀ghoò ta nàı̨tł'ı lagı̨ı̨t'e. Godı gıìkw'o hanìkò t'asìı łǫ ghǫ nànıgedè eyıts'ǫ sǫǫ̀mba łǫ gı̨ı̨wǫ t'à edeghǫyageeɂà lanì geeda. Eyıt'à yatı nezı̨ı̨ wedıhogehtsı̨ xè t'asìı nezı̨ı̨ wı̨ı̨zìı xàhogehwhı-le.

Matthew 22:4

“Eyıt'à k'àowocho k'achı̨ edecheekeè ekǫ goèhɂà, hagòhdı, ‘Eyı dǫ gıts'ǫ̀ dıı haahdı: “Hòt'a nàsı̨ hołè ha. Gots'ǫ k'àowocho wets'ǫ ejıe łek'àa ts'atà et'è ha wetagı̨ı̨hwho. T'asìı hazǫǫ̀ ts'atà whela ne t'à jǫ aahdè,” gìahdı,’ k'àowocho edecheekeè gòhdı.

Matthew 22:6

Eyıts'ǫ dǫ mǫ̀hdaa wecheekeè dagogıachì gà gogeèht'ı gà ełaàgogį̀ı̨hdè.

John 2:16

Dǫ k'àba lanıı gıghǫ nàèdìı sìı gots'ǫ̀ hadı, “Dıı hazǫǫ̀ xàahwha! Setà wekǫ̀ nàedìı k'è goahtsı̨ ha nıìle,” gòhdı.

Zezì Wecheekeèdeè 2:13

Hanìkò dǫ mǫ̀hdaa sìı Zezì wecheekeè k'adageedè, “Jìetì łǫ gıadǫ t'à agedı,” gedı.

Zezì Wecheekeèdeè 24:25

Dànì Nǫ̀htsı̨ gha ehkw'ı ts'eedaa, hołı̨ı̨ ch'à edek'èts'edìı eyıts'ǫ gosınìyaetıı dzęę̀ ghǫ yexè godo ekò k'àowo Felıx dèhyeh t'à hadı, “Dıì gogha hòt'a welè! Naı̨tła kò. Segha hòɂǫ nı̨dè k'achı̨ nekàehɂà ha,” yèhdı.

Rome 2:4

Nǫ̀htsı̨ naxıts'ǫ̀ wedzeè nezı̨ı̨, eyıts'ǫ naxıxè ts'èwhı̨į̀ nıwǫǫ sìı naxıgha wet'àaɂà-le nì? Nǫ̀htsı̨ hanì naxıts'ǫ̀ wedzeè nezı̨ı̨ sìı wek'èahsǫ-le nì? Edek'eahłı̨ ha naxı̨ı̨hwhǫ t'à naxıts'ǫ̀ wedzeè nezı̨ hǫt'e.

Rome 8:6

Hołı̨ı̨-hohtsı̨ı̨-dǫǫ̀ edınìłı̨ı̨ t'à ełaàwı ha hǫt'e, hanìkò dǫ Yedàyeh Nezı̨ı̨ yınì ts'ǫ̀ k'àowo sìı eda xè wexè sìghà hǫt'e.

2 Tımothy 3:4

ełeghǫyageeɂà ha, gınì nàìtło ha, t'asìı deè edegeetsı̨ ha, Nǫ̀htsı̨ nahk'e sìgoèt'ı̨ı̨ ghageewı ha,

Hebrew 2:3

Eyıt'à Nǫ̀htsı̨ enıìyah k'ę̀ę̀ edaxàgolee sìı wedę ats'ı̨ı̨là nı̨dè nàgoehkwa ch'à kwı̨ts'eehdè ha honàedı nıìle. Edaxàgole ha sìı gots'ǫ̀ K'àowo t'akwełǫ̀ǫ̀ yeghǫ goı̨de ı̨lè, eyıts'ǫ dǫ gı̨į̀hkw'ǫ̀ǫ sìı ededı̨ sı gots'ǫ̀ hagedı.

2 Peter 2:3

Eyı dǫ hoghàgogeehtǫǫ sìı t'asìı gha egedì-le t'à ededı̨ godı gèhtsı̨ı̨ sìı t'à naxıxè gogedo. Whaà gots'ǫ nàgeekwa ha gıgha hòɂǫ hǫt'e, hanìkò amìı godıhohtsı̨ ha sìı whetı̨ nıìle.