Matthew 22:17 - Nǫ̀htsı̨ Nı̨htł'è

¹⁷ Eyıt'à dıı weghǫ dàneewǫ gots'ǫ̀ haı̨dı. K'àowodeè Caesar, sǫǫ̀mba wets'àts'eehdìı sìı asį̀į̀ eyı negha ehkw'ı ne?” gıìhdı.

Matthew 22:17 ပူးပေါင်းရင်းမြစ်များ

Matthew 17:25

Peter gots'ǫ̀ hadı, “Hęɂę, hat'ı̨ ne,” gòhdı. Peter edı̨į̀ kǫ̀ agı̨ı̨t'ee sìı goyaèhtła ts'ǫ̀et'ıì, Zezì ededı̨ t'akwełǫ̀ǫ̀ yets'ǫ̀ hadı, “Sımon, dıı weghǫ dàneewǫ? Dıı nèk'e k'àowocho gı̨ı̨lı̨ı̨ sìı amìı ts'ǫ sǫǫ̀mba nàgehtsį̀? Xàè edeza gots'ǫ hanì-le-ı̨dè dǫ eyıì-le gots'ǫ?” yèhdı.

Matthew 22:18

Hanìkò ekǫ-le xàyahtı ha gı̨ı̨hwhǫ t'à agedıı sìı Zezì gok'èezǫ. Eyıt'à gots'ǫ̀ hadı, “Degaı daahtsı̨ kò wek'ę̀ę̀ aahda nıìle! Ayìıha seahdzà xè seyatıì t'à sek'e nìdahoahɂà ha dahwhǫ?

Luke 2:1

Ekìıyeè k'e k'àowodeè Augustus Rome nèk'e dèe-ts'ǫ̀-k'àowo elı̨ ı̨lè. Eyı k'àowo sìı dǫ hazǫǫ̀ nagıhtà gha nàowo whehtsı̨.

Luke 20:22

K'àowodeè Caesar, sǫǫ̀mba wets'àts'eehdìı sìı asį̀į̀ eyı negha ehkw'ı ne?” gıìhdı.

Luke 3:1

Tıberıas hoònǫ-daats'ǫ̀-dı̨ xo k'àowodeè elı̨ ekò, eyıts'ǫ Pontıus-Pılate Judea nèk'e gha k'àowo elı̨ ekò, eyıts'ǫ Herod Galılee nèk'e gha k'àowo elı̨ ekò, eyıts'ǫ Herod wechı Phılıp Iturıya nèk'e eyıts'ǫ Trakonıtıs nèk'e gha k'àowo elı̨ ekò,

Zezì Wecheekeèdeè 17:7

eyıts'ǫ Jason edekǫ̀ ts'ǫ̀ agǫ̀ǫ̀là. Dıı dǫ aget'ı̨ı̨ sìı dèe-ts'ǫ̀-k'àowo Caesar wenàowoò k'èch'a aget'ı̨. Dıı hagedı, k'àowocho eyıì-le gǫ̀hłı̨ ne, eyı sìı Zezì wìyeh ne,” hagedıì gezeh.

Zezì Wecheekeèdeè 25:8

Eyıt'à Paul edegha gode, hadı, “Israel got'ı̨į̀ gınàowoò k'èch'a eghàlaıhdà nıìle, eyıts'ǫ Nǫ̀htsı̨kǫ̀-gocho eyıts'ǫ dèe-ts'ǫ̀-k'àowo Caesar k'èch'a hòwhıhtsı̨ nıìle,” gòhdı.

Zezì Wecheekeèdeè 28:22

Hanìkò nı̨ dàneewǫǫ sìı nets'ıìkw'o ha ts'ı̨ı̨wǫ. Hazǫǫ̀ nèk'e eyı nàowo k'ę̀ę̀ geedaa sìı gıghǫ godı nezı̨-le ts'ıìkw'o hǫt'e,” gedı.

Zezì Wecheekeèdeè 5:37

Eyıts'ǫ dǫ hazǫǫ̀ nagıhtà ekìıyeè k'e Galılee nèk'e gots'ǫ dǫ ı̨łè Zhıdàà wìyeh dǫ łǫ edegha nàwhehtsı̨ gà dèe-ts'ǫ̀-k'àowo xè ełegıagǫ ı̨lè. Hanìkò ededı̨ sı ełaı̨wo t'à wecheekeè hazǫǫ̀ ehkègı̨ı̨de.