Matthew 22:16 - Nǫ̀htsı̨ Nı̨htł'è

¹⁶ Gıcheekeè eyıts'ǫ Herodıan gı̨ı̨lı̨ı̨ mǫ̀hdaa Zezì ts'ǫ̀ gogeèhɂà. Zezì ts'ǫ̀ hagedı, “K'àowo, ehkw'ı zǫ goı̨de wek'èts'eezǫ, eyıts'ǫ Nǫ̀htsı̨ Wenàowoò ghǫ ehkw'ı dǫ hoghàı̨htǫ. Dǫ dàhòt'ı̨ı̨ agı̨ı̨t'ee sìı negha wet'àaɂà-le t'à, dǫ ayìı geèhkw'ǫ ha gı̨ı̨wǫǫ sìı k'ę̀ę̀ goı̨de nıìle.

Matthew 22:16 ပူးပေါင်းရင်းမြစ်များ

Matthew 22:24

Hagedı, “K'àowo, Moses dıı hanì gogha nàowo enı̨ı̨tł'è: ‘Dǫ wezaa gǫ̀hłı̨-le et'ıì ełaàwı hanìkò wets'èkeè ı̨łaà eda nı̨dè wechı yets'èkeè nayìchı ha hǫt'e, edı̨ı̨de gha chekoa nììle ha hǫt'e,’ dek'eèhtł'è.

Matthew 22:26

Ededı̨ sı ełaı̨wo, eyıts'ǫ wechı taı t'à whedaa eyı sı hajà, eyıts'ǫ łǫ̀hdı̨ geet'eè hazǫǫ̀ gıxè hagòjà.

Matthew 26:18

Zezì gots'ǫ̀ hadı, “Jerusalem ts'ǫ̀ aahdè, ekǫ dǫ ı̨łè ts'àahdè, wets'ǫ̀ haahdı, ‘Gots'ǫ̀ K'àowo dıı hadı: Segha nèhòkw'ı ts'ǫ̀ whaà-le agòjà. Nekǫ̀ secheekeè gıxè Passover gha nàsı̨ ehtsı̨ ha, hadı,’ hawèahdı,” gòhdı.

Matthew 26:49

Zhıdàà ekòet'ıì Zezì ts'ǫ̀ èhtła gà yets'ǫ̀ hadı, “Sets'ǫ̀ K'àowo, nexè sìghà welè,” yèhdı gà yı̨ı̨ts'į̀.

Mark 10:17

Zezì t'asį̀ı̨ ts'ǫ̀ naèhtła ekò dǫ ı̨łè yets'ǫ̀ tı̨mǫèhza gà yegà nàgòı̨hgè, hayèhdı, “K'àowo nezı̨ı̨, ayìı dàhłà nı̨dè welǫ whìle ts'ǫ̀ ehdaà asedle ha?” yèhdı.

Mark 12:13

Eyı tł'axǫǫ̀ Pharısee gı̨ı̨lı̨ı̨ mǫ̀hdaa eyıts'ǫ Herodıan gı̨ı̨lı̨ı̨ mǫ̀hdaa Zezì ts'ǫ̀ gogeèhɂà. Edahxǫ ekǫ-le xàyaı̨htı nı̨dè weyatıì t'à wek'e nìdahots'eeɂà ha gı̨ı̨wǫ.

Mark 12:14

Zezì gà nègı̨ı̨de ekò gıts'ǫ̀ hadı, “K'àowo, ehkw'ı zǫ goı̨de wek'èts'eezǫ. Dǫ dàhòt'ı̨ı̨ agı̨ı̨t'ee sìı negha wet'àaɂà-le t'à, dǫ ayìı geèhkw'ǫ ha gı̨ı̨wǫǫ sìı k'ę̀ę̀ goı̨de nıìle, hanìkò Nǫ̀htsı̨ Wenàowoò ghǫ ehkw'ı dǫ hoghàı̨htǫ. K'àowodeè Caesar, sǫǫ̀mba wets'àts'eehdìı sìı asį̀į̀ eyı negha ehkw'ı ne?

Mark 3:6

Pharısee gı̨ı̨lı̨ı̨ sìı ekòet'ıì xàgeède, Herodıan gı̨ı̨lı̨ı̨ xè łą̀ą nègı̨ı̨de. Dànì Zezì ełaàgıìhwhı ha sìı dǫ naàhtǫ gıghǫ goı̨de.

Mark 8:15

Zezì gots'ǫ̀ hadı, “Edexoahdı! Pharısee gı̨ı̨lı̨ı̨ eyıts'ǫ Herodıan gı̨ı̨lı̨ı̨ sìı gıłèt'èa ch'à edexoahdı,” gòhdı.

Luke 20:21

Eyıt'à nàeɂį̀ı̨-dǫǫ̀ Zezì dageehke, “K'àowo, dǫ ayìı hoghàgı̨ı̨htǫǫ sìı ehkw'ı ne wek'èts'eezǫ. Dǫ mǫ̀hdaa dàgı̨ı̨wǫ zǫ k'ę̀ę̀ goı̨de nıìle, hanìkò Nǫ̀htsı̨ Wenàowoò ehkw'ıı dǫ hoghàı̨htǫ.

Luke 7:40

Zezì Pharısee ts'ǫ̀ hadı, “Sımon, t'asìı nets'ǫ̀ haehsı̨ ha.” Eyıt'à Sımon yets'ǫ̀ hadı, “Hęɂę, K'àowo, hasį̀ı̨dı,” yèhdı.

John 14:6

Zezì yets'ǫ̀ hadı, “Sı̨ sìı sek'e gǫǫ̀ɂà aht'e, nàowo ehkw'ıı aht'e, eyıts'ǫ wet'à ts'eedaa aht'e. Dǫ wı̨ı̨zìı Setà ts'ǫ̀-etła ha dìì, sı̨ zǫ sek'e gǫǫ̀ɂà hǫt'e.

John 18:37

K'àowo Pılate hadı, “Eyıt'à k'àowocho anet'e nǫǫ̀!” Zezì yets'ǫ̀ hadı, “K'àowocho aht'e nı̨ı̨dıı sìı ehkw'ı hǫt'e. Nàowo ehkw'ıı ghǫ gohde ha t'à dıı nèk'e segǫ̀hłı̨ hǫt'e. Dǫ hazǫǫ̀ nàowo ehkw'ıı gı̨ı̨wǫǫ sìı segeèhkw'ǫ hǫt'e,” yèhdı.

John 7:18

Dǫ ededahxà godee sìı dǫ nayeet'ı̨ gha at'ı̨ hǫt'e. Ekò amìı yı̨ı̨hɂàa sìı yıızì nezı̨ ehtsı̨ gha at'ı̨ nı̨dè, eyı dǫ sìı ehkw'ı gode hǫt'e. Eyı dǫ sìı hots'ì nıìle.

2 Corınth 2:17

Dǫ łǫ gıxèht'eè eghàlats'eeda nıìle, Nǫ̀htsı̨ yatıì t'à dǫ ts'ǫ̀ gots'ede k'èxa gots'àɂeedì t'à sǫǫ̀mba ts'ehtsı̨ nıìle. Hanì nıìle, Nǫ̀htsı̨ dǫ ts'ǫ̀ goı̨hɂà ats'ı̨ı̨t'e t'à, Zezì-Krı wedahxà Nǫ̀htsı̨ wenadąą̀ ehkw'ı dǫ gıts'ǫ̀ gots'ede hǫt'e.

2 Corınth 4:2

Hanìkò deɂı̨į̀ k'ehots'eɂa eyıts'ǫ t'asìı weghǫ į̀į̀zhats'ı̨ı̨lı̨ı̨ sìı wedę ha ts'ı̨ı̨wǫ. Dǫ ghǫyats'eeɂà t'à eghàlats'eeda nıìle, eyıts'ǫ Nǫ̀htsı̨ weyatıì ładı̨į̀ ats'ehɂı̨ nıìle. Hanìkò dǫ ededzeè t'à gogeèhkw'ǫ ha ts'ı̨ı̨wǫ t'à Nǫ̀htsı̨ wenadąą̀ nàowo ehkw'ıı ghǫ hotıì ehkw'ı gots'ede hǫt'e.

2 Corınth 5:16

Eyıt'à jǫ gots'ǫ ı̨daà dıı nèè gots'ǫ dǫ gınàowoò k'ę̀ę̀ dǫ wı̨ı̨zìı gısınìyats'ehtı ha nıìle. Įnę̀ę sìı Zezì-Krı hanì wesınìyats'ı̨ı̨htı ı̨lè, hanìkò dıì sìı hats'et'ı̨-le ats'ejà.

Galatıa 1:10

Dǫ seghǫ nezı̨į̀ agedı ha zǫ dehwhǫ nıìle, hanìkò Nǫ̀htsı̨ wınì k'ę̀ę̀ eghàlaehda ha dehwhǫ. Dǫ gınì k'ę̀ę̀ eghàlaehda aht'ı̨ dahwhǫ nì? Įłaà dǫ gınì k'ę̀ę̀ eghàlaehda nı̨dè Zezì-Krı wecheekeè ehłı̨ ha-le ı̨lè.

Galatıa 2:6

Dǫ k'aodèe wet'àaɂàa lagı̨ı̨t'ee sìı seyatıì weta yatı eładı̨ı̨ nègı̨ı̨ɂǫ nıìle. (K'aodèe dànì gìgaat'ı̨ ghàà sınì eładı̨į̀ agele ha dìì, Nǫ̀htsı̨ sìı dǫ dànì gìgaat'ı̨ ghàà dǫ sınìyaehtı nıìle.)

1 Thessalonıca 2:4

Į̀le, hanì nıìle, goxı̨ godı nezı̨ı̨ dǫ ts'ǫ̀ k'ets'eɂa gha Nǫ̀htsı̨ goghàhòı̨ɂǫ hǫt'e. Dǫ gınì k'ę̀ę̀ hots'ehtsı̨ ha ats'et'ı̨ nıìle hanìkò Nǫ̀htsı̨ wınì k'ę̀ę̀ hots'ehtsı̨ ha ts'ı̨ı̨wǫ. Ededı̨ sìı godzeè t'à goèhdzà hǫt'e.

James 3:17

Hanìkò wet'à gots'ı̨ı̨zǫǫ sìı yak'e gots'ǫ hǫt'e nı̨dè, wet'à degaı ats'et'į̀, wet'à ts'èwhı̨ welè hats'ı̨ı̨wǫ, ełets'ǫ̀ godzeè nezı̨ı̨ ha ts'ı̨ı̨wǫ, ełek'èats'ı̨ı̨t'e ha ts'ı̨ı̨wǫ, ełets'ǫ̀ godzeè eteèɂı̨, ełets'ǫ̀ nezı̨į̀ eghàlats'eeda, dǫ wet'àaɂàa zǫ ts'ǫ̀ nezı̨į̀ nats'eɂa-le, eyıts'ǫ ehkw'ı ełets'ǫ̀ nats'eɂa.

1 John 5:20

Nǫ̀htsı̨ Weza sìı dıı nèk'e ts'ǫ̀ ajà, eyıts'ǫ wenàowoò wenıts'eedì agǫ̀ǫ̀là wek'èts'eezǫ, eyıt'à ededı̨ sìı ehkw'ı hǫt'e wek'èts'eezǫ. Nǫ̀htsı̨ Weza Zezì-Krı ehkw'ı hǫt'e sìı wexè ats'ı̨ı̨t'e. Ededı̨ xàè Nǫ̀htsı̨ ehkw'ı elı̨, eyıts'ǫ ededı̨ wet'à welǫ whìle ts'ǫ̀ ts'eeda ha hǫt'e.