Matthew 21:9 - Nǫ̀htsı̨ Nı̨htł'è

⁹ Dǫ łǫ Zezì nakweè gıadè eyıts'ǫ dǫ łǫ yek'èè gıadè, yagìzeh xè hagedı, “Hosanna! K'àowocho Davıd Weza weghàsǫts'eedı!” “Ededı̨ gots'ǫ̀ K'àowo dahxà nììtłaa sìı wexè sìghà welè!” “Hosanna! Nǫ̀htsı̨ weghàsǫts'eedı!” gedıì yagìzeh.

Matthew 21:9 ပူးပေါင်းရင်းမြစ်များ

Matthew 21:10

Zezì Jerusalem nììtła ekò dǫ hazǫǫ̀ nìdahogı̨į̀hdè, hagedı, “Dıı dǫ, amìı at'ı̨?” gedı.

Matthew 21:15

Yahtıı-gha-k'aodèe eyıts'ǫ Nǫ̀htsı̨-yatıì-k'ègedìı-dǫǫ̀ Zezì Nǫ̀htsı̨kǫ̀-gocho gà enıìyah hòèhtsı̨ gıaɂı̨, eyıts'ǫ chekoa dıı hagedıì yagìzeh, “Hosanna! k'àowocho Davıd Weza weghàsǫts'eedı!” gedı gogıìkw'o t'à, sıì gıgha nezı̨-le.

Matthew 23:39

K'achı̨ seahɂį̀ ha nıìle. ‘Gots'ǫ̀ K'àowo wedahxà nììtłaa sìı wexè sìghà hǫt'e,’ sèahdı gots'ǫ̀ k'achı̨ seahɂį̀ ha-le,” Zezì gòhdı.

Matthew 9:27

Zezì eyı gots'ǫ naèhtła ekò dǫ nàke gıdaà goìlee gık'èè łeèhtła, nagıìzeh xè Zezì ts'ǫ̀ hagedı, “K'àowocho Davıd Weza, etegòı̨hɂı̨!” gedı nagıìzeh.

Luke 13:35

Hotıì aàhkw'ǫ, naxıkǫ̀ gokw'ǫǫ̀ gòɂǫǫ̀ agode ha. Įłè dzęę̀ dıı hasèahdı ha, ‘Gots'ǫ̀ K'àowo wedahxà goghǫ nììtłaa sìı wexè sìghà hǫt'e.’ Hasèahdı gots'ǫ̀ k'achı̨ seahɂį̀ ha-le,” Zezì gòhdı.

Luke 2:14

“Nǫ̀htsı̨ ı̨dòo yak'e whedaa sìı weghàsǫts'eedı. Dıı nèk'e dǫ hazǫǫ̀ Nǫ̀htsı̨ goghǫ sǫnıwǫǫ sìı gıxè ts'èwhı̨į̀ hòɂǫ welè,” yak'eet'ı̨į̀ hagedıì gejı̨.