Matthew 21:28 - Nǫ̀htsı̨ Nı̨htł'è

²⁸ “Dıı godı t'à naxıxè gohdo ha sìı wedaànıahdè. Dǫ weza nàke gǫ̀hłı̨ ı̨lè. Edeza ı̨łè ts'ǫ̀ hadı, ‘Seza sets'ǫ jìecho goehshee k'è segha eghàlaı̨da,’ yèhdı.

Matthew 21:28 ပူးပေါင်းရင်းမြစ်များ

Matthew 17:25

Peter gots'ǫ̀ hadı, “Hęɂę, hat'ı̨ ne,” gòhdı. Peter edı̨į̀ kǫ̀ agı̨ı̨t'ee sìı goyaèhtła ts'ǫ̀et'ıì, Zezì ededı̨ t'akwełǫ̀ǫ̀ yets'ǫ̀ hadı, “Sımon, dıı weghǫ dàneewǫ? Dıı nèk'e k'àowocho gı̨ı̨lı̨ı̨ sìı amìı ts'ǫ sǫǫ̀mba nàgehtsį̀? Xàè edeza gots'ǫ hanì-le-ı̨dè dǫ eyıì-le gots'ǫ?” yèhdı.

Matthew 20:1

“Nǫ̀htsı̨ Wenàowoò k'ę̀ę̀ hòɂǫǫ sìı dıı lanì hǫt'e: K'àowo ı̨łè dèè wets'ǫ sìı wek'e dǫ eghàlageeda ha nıwǫ. Eyıt'à k'omǫǫ̀dǫǫ̀ et'ıì dǫ hanıwǫ.

Matthew 21:27

Eyıt'à Zezì ts'ǫ̀ hagedı, “John-Baptıst amìı dahxà at'ı̨ı̨ sìı wek'èts'eezǫ-le,” gedı. Zezì gots'ǫ̀ hadı, “Hanì-ı̨dè sı̨ sı amìı dahxà dıı hanì eghàlaehdaa sìı naxıts'ǫ̀ haehsı̨ ha-le,” gòhdı.

Matthew 21:29

“Weza yets'ǫ̀ hadı, ‘Į̀le, hahłe ha-le,’ yèhdı. Eyı tł'axǫǫ̀ edek'eelı̨ xè wınì eładı̨į̀ ajà t'à eyı la ghàlaı̨dà.

Matthew 21:33

“K'achı̨ godı eyıì-le t'à naxıxè gohdo ha: K'àowo ı̨łè ededèè k'e jìechots'ıì dehshe ha nèyı̨ı̨la. Eyı dèè wemǫǫ̀ kwe t'à kwı̨į̀ nawheɂaà ayį̀į̀là, jìecho tàtsǫgeèhɂee k'è gòhtsı̨ eyıts'ǫ wegodoo dǫ jìechots'ıì xoehdı ha dagòɂǫǫ k'è gòhtsı̨. Eyı haàtłǫǫ hayį̀į̀là tł'axǫǫ̀ dèè-k'ègedìı-dǫǫ̀ gık'e eghàlaeda ha ededèè goghǫnìyį̀ı̨ɂǫ, eyı tł'axǫǫ̀ nıwà kǫ̀taèhtła.

Matthew 22:17

Eyıt'à dıı weghǫ dàneewǫ gots'ǫ̀ haı̨dı. K'àowodeè Caesar, sǫǫ̀mba wets'àts'eehdìı sìı asį̀į̀ eyı negha ehkw'ı ne?” gıìhdı.

Mark 13:34

Dıı godı lagode ha: Dǫ ahxee t'asį̀ı̨ gǫǫwà ts'ǫ̀ kǫ̀taetła ha t'à edecheekeè t'asìı hazǫǫ̀ ts'ǫ̀ k'àhogedè agǫǫ̀là eyıts'ǫ gıtaàt'eè la goghàı̨ɂǫ. Eyıts'ǫ detła kwe enìı̨tǫ-k'èdìı-dǫǫ̀ ts'ǫ̀ hadı, ‘Hotıì kexoı̨hdı,’ yèhdı.

Luke 13:4

Eyıts'ǫ ı̨nę̀ę dàgòjàa sìı ghǫ nànıahdè. Sıloam gòyeh ekǫ dǫ hoònǫ-daats'ǫ̀-ek'èdı̨ gık'e kǫ̀ nechàa nàı̨tł'ı ı̨lè. Eyı dǫ ełaàgı̨ı̨dèe sìı Jerusalem got'ı̨į̀ hazǫǫ̀ gonahk'e hołı̨ı̨ hogèhtsı̨ t'à gıxè hagòjà dahwhǫ nì?

1 Corınth 10:15

Dǫ ehkw'ı nànıgedèe sìı gıts'ǫ̀ gohde aehsı̨ hǫt'e, eyıt'à ayìı dàehsı̨ı̨ sìı asį̀į̀ ehkw'ı gohde lì edegha wedaànıahdè.

1 Corınth 15:58

Eyıt'à sèot'ı̨ı̨, naxınì nàtsoò aahłe. T'asìı wı̨ı̨zìı t'à naxınì nàtso-le awede sǫ̀ǫ̀. Naxıdzeè t'à t'aats'ǫǫ̀ gots'ǫ̀ K'àowo wegha eghàlaahda, k'ètł'ǫ̀ gots'ǫ̀ K'àowo wegha eghàlaahda nıìle, wek'èahsǫ hǫt'e.