Matthew 21:26 - Nǫ̀htsı̨ Nı̨htł'è

²⁶ Ekò ‘Dǫ dahxà at'ı̨,’ ts'edı nı̨dè dǫ hazǫǫ̀ John-Baptıst nakwenàoɂǫǫ gıìt'ı̨ ne t'à t'asagogele ha sǫnı,” ełègeedı.

Matthew 21:26 ပူးပေါင်းရင်းမြစ်များ

Matthew 11:9

Ekǫ ayìı ghàahda ha aaht'ı̨ ı̨lè? Nakwenàoɂǫǫ? Hęɂę, nakwenàoɂǫǫ nahk'e elı̨ı̨ sìı weahɂı̨ hǫt'e.

Matthew 14:5

Herod, John-Baptıst ełaàwı ha nıwǫ, hanìkò dǫ nakwenàoɂǫǫ ne gı̨ı̨hwhǫ t'à, gots'àejı̨.

Matthew 21:11

Dǫ Zezì k'èè k'egedèe sìı hagedı, “Dıı dǫ Zezì hǫt'e. Galılee nèk'e kǫ̀ta Nazareth gots'ǫ nakwenàoɂǫǫ hǫt'e,” gedı.

Matthew 21:25

John-Baptıst dǫ k'ètaìdzı̨ı̨ sìı amìı dahxà at'ı̨ nǫǫ̀? Yak'e godahxà at'ı̨ hanì-le-ı̨dè dǫ dahxà at'ı̨?” gòhdı. Eyı ghǫ ełets'ǫ̀ hagedı, “ ‘Yak'e godahxà at'ı̨,’ ts'edı nı̨dè ‘Dànìghǫ ehkw'ı adıı weahwhǫ-le nǫǫ̀?’ gòhdı ha.

Matthew 21:27

Eyıt'à Zezì ts'ǫ̀ hagedı, “John-Baptıst amìı dahxà at'ı̨ı̨ sìı wek'èts'eezǫ-le,” gedı. Zezì gots'ǫ̀ hadı, “Hanì-ı̨dè sı̨ sı amìı dahxà dıı hanì eghàlaehdaa sìı naxıts'ǫ̀ haehsı̨ ha-le,” gòhdı.

Matthew 21:46

Dageechı ha gı̨ı̨wǫ, hanìkò dǫ Zezì k'èè k'egedèe sìı nakwenàoɂǫǫ ne gı̨ı̨hwhǫ t'à gots'àgeejı̨.

Mark 11:32

Ekò ‘Dǫ dahxà at'ı̨,’ ts'edı nı̨dè gogha nezı̨ ha nıìle,” ełègeedı. (Dǫ hazǫǫ̀ John-Baptıst nakwenàoɂǫǫ gıìt'ı̨ ne t'à, k'aodèe gots'àgeejı̨.)

Mark 12:12

K'aodèe gı̨ı̨lı̨ı̨ sìı godı t'à goghǫ godeè-adı gınıedì t'à Zezì dageechı ha gı̨ı̨wǫ. Hanìkò dǫ Zezì k'èè k'egedèe sìı gots'àgeejı̨ t'à t'asagı̨į̀là-le eyıts'ǫ nageèhde.

Luke 20:19

Nǫ̀htsı̨-yatıì-k'ègedìı-dǫǫ̀ eyıts'ǫ yahtıı-gha-k'aodèe gı̨ı̨lı̨ı̨ sìı Zezì godı t'à goghǫ godeè-adı gınıedì t'à ekòet'ıì dageechı ha gı̨ı̨wǫ. Hanìkò dǫ ts'àgeejı̨.

Luke 20:6

Ekò ‘Dǫ dahxà at'ı̨,’ ts'edı nı̨dè dǫ hazǫǫ̀ John-Baptıst nakwenàoɂǫǫ gıìt'ı̨ ne t'à, kwe t'à gògeehshì ha sǫnı,” ełègeedı.

Luke 22:2

Yahtıı-gha-k'aodèe eyıts'ǫ Nǫ̀htsı̨-yatıì-k'ègedìı-dǫǫ̀ Zezì ełaàgehwhı ha gı̨ı̨wǫ t'à dànì agele ha sìı hagı̨ı̨wǫ, hanìkò dǫ gots'àgeejı̨ t'à gonaàhtǫ aget'ı̨.

John 5:35

John-Baptıst tłeèk'ǫ̀ǫ dèk'ǫ̀ǫ laı̨t'è, wet'à dzęh nı̨ı̨dı̨ ı̨lè. Naxıgha nezı̨ t'à whaà-lea gots'ǫ̀ wexè aaht'ı̨ ı̨lè.

John 9:22

Dǫ wèot'ı̨ Israel got'ı̨į̀ gha k'aodèe ts'àgeejı̨ t'à agedı. Israel got'ı̨į̀ gha k'aodèe dıı hagedı ı̨lè, “Amìı, ‘Zezì, Chrıst hǫt'e,’ hadıı sìı ełèts'ehdèe-kǫ̀ at'ı̨ ha-le,” gedıì yatıì gèhtsı̨ ı̨lè.

Zezì Wecheekeèdeè 5:26

Eyıt'à Nǫ̀htsı̨kǫ̀-xogııhdıı-dǫǫ̀ gha k'àowo, edecheekeè xè Zezì wecheekeèdeè ts'ǫ̀ geède. Dǫ kwe t'à nàgogeehshì ha sǫnı gı̨ı̨wǫ t'à ts'èwhı̨į̀ negogı̨į̀wa.