Matthew 20:31 - Nǫ̀htsı̨ Nı̨htł'è

³¹ Dǫ łǫ, “Ts'èwhı̨į̀ aaht'e!” gògedı, hanìkò k'èdaà hòtł'ò nagıìdzeh, “Gots'ǫ̀ K'àowo, Davıd Weza, etegòı̨hɂı̨!” gedıì yagìzeh.

Matthew 20:31 ပူးပေါင်းရင်းမြစ်များ

Matthew 15:23

Zezì yets'ǫ̀ t'asadı-le t'à, wecheekeè gıts'ǫ̀-ède, hagıìhdı, “Ts'èko k'èdaà ezeh xè gok'èetłe t'à, yeè nawı̨ı̨hɂà,” gıìhdı.

Matthew 19:13

Eyı tł'axǫǫ̀ Zezì edılà gok'e whehdì xè gok'eèyahtı ha gı̨ı̨wǫ t'à, chekoa nechà-lea Zezì ts'ǫ̀ gogeèwa. Hanìkò wecheekeè haaht'ı̨-le gògedı xè nàgogeeɂǫ.

Matthew 20:30

Dǫ nàke gıdaà goìlee sìı tı̨lıbàa geke. Zezì ekǫ naetłe ghǫ egıìkw'o ekò nagıìdzeh xè hagedı, “Gots'ǫ̀ K'àowo, Davıd Weza, etegòı̨hɂı̨!” gedıì yagìzeh.

Matthew 20:32

Zezì nììtła, gots'ǫ̀ hadı, “Sets'ǫ̀ łaahtłe. Ayìı naxıgha dàhłe ha seahwhǫ?” gòhdı.

Matthew 9:27

Zezì eyı gots'ǫ naèhtła ekò dǫ nàke gıdaà goìlee gık'èè łeèhtła, nagıìzeh xè Zezì ts'ǫ̀ hagedı, “K'àowocho Davıd Weza, etegòı̨hɂı̨!” gedı nagıìzeh.

Luke 18:39

Dǫ Zezì nakweè gıadèe sìı “Ts'èwhı̨į̀ aąt'e,” gıìhdı, hanìkò k'èdaà hòtł'ò naìdzeh, “K'àowocho Davıd Weza, etesenèeɂı̨!” hadı.

Colosse 4:2

T'aats'ǫǫ̀ yaahtı gha nìhoahɂà, kexoahdı xè masì dahwhǫ.

1 Thessalonıca 5:17

t'aats'ǫǫ̀ yaahtı.