Matthew 20:30 - Nǫ̀htsı̨ Nı̨htł'è

³⁰ Dǫ nàke gıdaà goìlee sìı tı̨lıbàa geke. Zezì ekǫ naetłe ghǫ egıìkw'o ekò nagıìdzeh xè hagedı, “Gots'ǫ̀ K'àowo, Davıd Weza, etegòı̨hɂı̨!” gedıì yagìzeh.

Matthew 20:30 ပူးပေါင်းရင်းမြစ်များ

Matthew 13:4

Wet'à t'asìı dehshee dèè k'e ts'ǫ̀ yeehdè ekò mǫ̀hdaa tı̨lı k'e nàı̨tł'ı t'à chı̨ą gı̨ı̨ɂà.

Matthew 15:22

Canaan got'ı̨į̀ gots'ǫ ts'èko eyı nàdèe sìı Zezì ts'ǫ̀ èhtła. Ezeh xè hadı, “Sets'ǫ̀ K'àowo, Davıd Weza, etesenèeɂı̨! Setì ı̨nìłı̨ı̨ wets'ǫ̀-èlı̨ t'à sıì daı̨ɂa dìì,” hadıì ezeh.

Matthew 20:31

Dǫ łǫ, “Ts'èwhı̨į̀ aaht'e!” gògedı, hanìkò k'èdaà hòtł'ò nagıìdzeh, “Gots'ǫ̀ K'àowo, Davıd Weza, etegòı̨hɂı̨!” gedıì yagìzeh.

Matthew 21:14

Eyı hagòjà tł'axǫǫ̀, dǫ gıdaà goìlee eyıts'ǫ dǫ k'egedè-le sìı hazǫǫ̀ Nǫ̀htsı̨kǫ̀-gocho gà Zezì ts'ǫ̀ nègı̨ı̨de t'à k'aàt'ıì agǫ̀ǫ̀là.

Matthew 21:9

Dǫ łǫ Zezì nakweè gıadè eyıts'ǫ dǫ łǫ yek'èè gıadè, yagìzeh xè hagedı, “Hosanna! K'àowocho Davıd Weza weghàsǫts'eedı!” “Ededı̨ gots'ǫ̀ K'àowo dahxà nììtłaa sìı wexè sìghà welè!” “Hosanna! Nǫ̀htsı̨ weghàsǫts'eedı!” gedıì yagìzeh.

Matthew 22:42

“Chrıst wèts'edıı sìı weghǫ dàahwhǫ? Amìı weza ne?” gòhdı. “K'àowocho Davıd Weza ne,” gıìhdı.

Mark 10:46

Ekìıyeè k'e kǫ̀ta Jerıcho nègı̨ı̨de. Zezì eyıts'ǫ wecheekeè eyı kǫ̀ta ts'ǫǫ̀ nageèhde ekò dǫ łǫ gok'èè geède. Dǫ wedaà goìlee Bartımaeus wìyeh sìı tı̨lıbàa wheda xè t'asìı gha nàdaetì. (“Bartımaeus” gedı nı̨dè “Tımaeus weza” gedıì-agedı.)

Luke 4:18

“Gots'ǫ̀ K'àowo wets'ǫ Yedàyeh Nezı̨ı̨ sek'e ajà, dǫ etegeèt'ı̨ı̨ sìı godı nezı̨ı̨ gıts'ǫ̀ nèehɂà ha sį̀į̀hchì hǫt'e. Dǫ gıdanìı̨laa sìı dànì xàgeedè agede ha, dǫ gıdaà goìlee sìı dànì k'egeet'į̀ agede ha, eyıts'ǫ dǫ gıxè hoìlaa sìı dànì edaxàgeedè ha ghǫ gıts'ǫ̀ gohde ha. Nǫ̀htsı̨ dǫ ts'ǫ̀ sǫnıwǫǫ sìı dǫ ts'ǫ̀ haehsı̨ ha sı̨ı̨hɂà hǫt'e,” hanì dek'eèhtł'èe sìı yek'eyaı̨htı.

Luke 7:21

Nègı̨ı̨de ekìıyeè k'e Zezì dǫ łǫ tàda gıts'ǫǫ eyıts'ǫ ı̨nìłı̨ı̨ gıts'ǫ̀-èlı̨ı̨ sìı k'aàt'ıì agǫ̀ǫ̀là, eyıts'ǫ gıdaà goìlee sìı gıdaà gǫ̀hłı̨į̀ agǫ̀ǫ̀là.

Zezì Wecheekeèdeè 2:30

Nǫ̀htsı̨ yegha yatı nàtsoo whehtsı̨ı̨ sìı nakwenàoɂǫǫ elı̨ t'à yek'èezǫ xè hanì xàyaı̨htı. Eyı sìı nǫǫde-ı̨dè ededı̨ wets'ıhɂǫ̀ǫ-dǫǫ̀ ı̨łè yetł'axǫǫ̀ k'àowocho elı̨ ha, Nǫ̀htsı̨ yèhdı ı̨lè.