Matthew 20:26 - Nǫ̀htsı̨ Nı̨htł'è

²⁶ Hanìkò naxı̨ sìı naxıxè hagǫ̀ht'e ha nıìle. Naxıta amìı t'asìı deè elı̨ ha nıwǫǫ sìı naxıgha eghàlaedaa-dǫǫ̀ elı̨ ha hǫt'e

Matthew 20:26 ပူးပေါင်းရင်းမြစ်များ

Matthew 20:27

eyıts'ǫ naxıta amìı t'akwe wheda ha nıwǫǫ sìı naxıcheekeè elı̨ ha hǫt'e.

Matthew 25:44

“Ededı̨ sı gıts'ǫ̀ hagedı ha, ‘Gots'ǫ̀ K'àowo, dàht'e bò eyıts'ǫ tı ghaı̨wı̨ nets'aɂı̨ nǫǫ̀? Dàht'e gokǫ̀ta xàhtǫ nelı̨ nǫǫ̀, dàht'e goht'ǫ nets'ǫ-le nǫǫ̀, dàht'e eyanelı̨ eyıts'ǫ nedaàtǫ nǫǫ̀? Eyıts'ǫ dàht'e seè nets'àts'ı̨ı̨dì-le nǫǫ̀?’ gıìhdı ha.

Matthew 27:55

Ts'èko łǫ t'asìı t'à Zezì ts'àgedı t'à Galılee nèk'e gots'ǫ gık'èè k'edè ı̨lèe sìı ı̨dè hoògǫ nàgeèhza gà dànàhòwoo sìı goghàgeeda.

Mark 10:43

Hanìkò naxıxè hagǫ̀ht'e ha nıìle. Amìı naxıta t'asìı deè elı̨ ha nıwǫǫ sìı naxıgha eghàlaedaa-dǫǫ̀ elı̨ ha hǫt'e,

Mark 10:45

Dǫ-wet'àaɂàa-deè, ededı̨ kò, dǫ yegha eghàlageeda gha nììtła nıìle, hanìkò dǫ ts'àdı gha eyıts'ǫ dǫ gha ełaàwı gha nììtła hǫt'e. Dǫ łǫ gıhołı̨į̀ gıghǫ nahoezhe gha ełaàwı ha hǫt'e,” Zezì edecheekeè gòhdı.

Mark 9:35

Zezì dèhkwà gà edecheekeè hoònǫ-daats'ǫ̀-nàke edegà geèhkw'eè agǫǫ̀là, hagòhdı, “Amìı denahk'e wet'àaɂàa elı̨ ha nıwǫǫ sìı dek'aɂį̀ elı̨ ladeewǫ ha hǫt'e, eyıts'ǫ dǫ hazǫǫ̀ cheekeè elı̨ lanì ha hǫt'e,” gòhdı.

Luke 18:14

“Ehkw'ı anaxèehsı̨, eyı sǫǫ̀mba-nàhtsį̀ı̨-dǫǫ̀ edekǫ̀ ts'ǫ̀ naèhtła kwe Nǫ̀htsı̨ nadąą̀ ehkw'ı awììdlà hǫt'e. Ekò Pharısee wexè hagòjà-le. Dǫ wet'àaɂàa edeewǫǫ sìı į̀į̀zhaelı̨į̀ awedle ha, eyıts'ǫ dǫ k'èeweèt'ı̨ lanì edaa sìı wet'àaɂà awedle ha,” Zezì gòhdı.

Luke 22:26

Hanìkò naxı̨ sìı gıxèaht'e ha-le. Naxıta gots'ǫ dǫ denahk'e elı̨ı̨ sìı gochı nǫǫdea lanì elı̨ ha, eyıts'ǫ dǫ gha k'àowo elı̨ı̨ sìı dǫ gha eghàlaedaa-dǫǫ̀ lanì elı̨ ha.

John 18:36

Zezì hadı, “Dıı nèk'e gots'ǫ k'àowocho aht'e nıìle. K'àowocho ehłı̨ nı̨dè Israel got'ı̨į̀ segìhchı ch'à secheekeè ełegegǫ ha ı̨lè. Hanìkò sı̨ sìı eyıì-le nèk'e gots'ǫ k'àowocho aht'e,” yèhdı.

Zezì Wecheekeèdeè 13:5

Kǫ̀ta Salamıs nègı̨ı̨de ekò Israel got'ı̨į̀ gıts'ǫ ełègehdèe-kǫ̀ goyìı Nǫ̀htsı̨ yatıì t'à dǫ xè gogedo. John-Mark gots'àdı t'à goxè at'ı̨.

2 Corınth 1:24

Dànì naxıgha ehkw'ı-ahodıı sìı weghǫ naxıts'ǫ̀ k'ahots'edè dehsı̨į̀-aehsı̨-le, hanìkò naxınà gha naxıxè eghàlats'eeda hǫt'e, naxıgha ehkw'ı-ahodıı sìı wet'à naxınì nàtso hǫt'e.

2 Tımothy 1:18

Nǫǫde dzęę̀ k'e nı̨dè Nǫ̀htsı̨ eteyeèɂı̨ welè. Kǫ̀ta Ephesus nàhdè ekò t'asìı nezı̨ı̨ łǫ t'à sets'àı̨dì ı̨lèe sìı hazǫǫ̀ wek'èı̨zǫ hǫt'e.

Phılemon 1:13

Wek'èhdì ha dehwhǫ ı̨lè, hanì-ı̨dè ı̨łaà godı nezı̨ı̨ gha sedaànìı̨tǫ et'ıì netł'axǫǫ̀ sets'àdı ha dìì-le.

Hebrew 1:14

Yak'eet'ı̨į̀ hazǫǫ̀ ı̨nì agı̨ı̨t'e, dǫ edaxàgeedè ha sìı gots'àgedı gha Nǫ̀htsı̨ goı̨hɂà agı̨ı̨t'e.

1 Peter 4:11

Dǫ gode nı̨dè, xàè Nǫ̀htsı̨ weyatıì t'à gode ha hǫt'e. Amìı dǫ ts'àdıı sìı Nǫ̀htsı̨ ayìı t'à nàtsoò ayı̨į̀làa sìı t'à-at'ı̨ ha hǫt'e. Hanì-ı̨dè Zezì-Krı wets'ıhɂǫ̀ Nǫ̀htsı̨ weghàsǫhoedı ha. Enıìyah t'à welǫ whìle ts'ǫ̀ K'àowocho elı̨ welè. Amen.

1 Peter 5:3

Dǫ gıxoahdı ha anaxììdlàa sìı gıts'ǫ̀ k'adahoahdè-le, hanìkò Nǫ̀htsı̨ wesahzǫ̀ą gıgha k'aodèe nezı̨ı̨ aahłı̨, hanì-ı̨dè naxıxègeɂı̨į̀ agede ha hǫt'e.

John Wenazhıı 17:6

Eyı ts'èko sìı Nǫ̀htsı̨ wets'ǫ dǫ godoò edǫ t'à yeèhde wègaat'ı̨. Nǫ̀htsı̨ wets'ǫ dǫ Zezì gıgha ehkw'ı adı t'à dagı̨ı̨ɂa hǫt'e. Eyı ts'èko weehɂı̨ ekò sıì segha enıìyah dìì.