Matthew 20:14 - Nǫ̀htsı̨ Nı̨htł'è

¹⁴ Naxısǫǫ̀mbaà nìahwha xè naahdè. Dǫ nǫǫde la k'e nììtła sìı naxıxètłǫ wets'àɂeehdì ha dehwhǫ.

Matthew 20:14 ပူးပေါင်းရင်းမြစ်များ

Matthew 20:13

“Eyı k'àowo hagòhdı, ‘Seàgı̨ą, naxıts'ǫ̀ ekǫ-le eghàlaehda nıìle. Satsǫ̀ą degoo ı̨łè k'èxa eghàlaahda ha hanì ełexè yatı ts'èhtsı̨ ı̨lè.

Matthew 20:15

Xàè sesǫǫ̀mbaà dàhłe ha dehwhǫǫ sìı sı̨ sets'ǫ̀ hoèlı̨ hǫt'e. Dıı dǫ gıts'ǫ̀ nezı̨į̀ k'ehohɂa ha dehwhǫ t'à naxıgha nezı̨-le nì?’ gòhdı.

Matthew 6:16

“Edeahgǫ nı̨dè ts'ǫǫ̀dahwhǫ k'ę̀ę̀ naxègaat'ı̨ welè-le. Dǫ degaı degeetsı̨ı̨ sìı hanì gìgaat'ı̨į̀ adegehɂı̨. Ehkw'ı anaxèehsı̨, t'asìı edegha geèhnǫǫ sìı hòt'a deghàà gıghǫ̀t'ǫ hǫt'e.

Matthew 6:2

“Eyıt'à dǫ-teèt'ı̨ı̨ ghàahdı nı̨dè dǫ hazǫǫ̀ gıghǫ gode gha k'ehoahɂa-le. Dǫ degaı degeetsı̨ı̨ sìı hanì k'ehogeɂa hǫt'e. Dǫ gots'ǫ̀ nezı̨į̀ agı̨ı̨wǫ ha gı̨ı̨wǫ t'à ełègehdèe-kǫ̀ goyìı eyıts'ǫ kǫ̀ta dǫ ts'ǫ̀ hagedı agogehɂı̨. Ehkw'ı anaxèehsı̨, t'asìı edegha geèhnǫǫ sìı hòt'a deghàà gıghǫ̀t'ǫ hǫt'e.

Matthew 6:6

Hanìkò yaahtı nı̨dè naxıkǫ̀ą goyìı edets'ǫdaànìahchı gà Nǫ̀htsı̨ naxıtà wègaat'ı̨-le sìı wets'ǫ̀ yaahtı. Hanì-ı̨dè dǫ naàhtǫ dàaht'ı̨ı̨ sìı Nǫ̀htsı̨ yeghàeda hǫt'e wek'èxa t'asìı nezı̨ı̨ naxıghàɂà ha.

Luke 15:31

“Wetà yets'ǫ̀ hadı, ‘Seza, nı̨ sìı t'aats'ǫǫ̀ sexè anet'e, eyıt'à t'asìı hazǫǫ̀ sets'ǫ sìı nets'ǫ hǫt'e.

Luke 16:25

“Hanìkò Abraham yets'ǫ̀ hadı, ‘Ekò seza, dıı nèk'e nàądè ekò t'asìı nezı̨ı̨ zǫ t'à ı̨da ı̨lè; ekò Lazarus t'aa wexè hoìla zǫ ı̨lè. Dıì Lazarus wexè hoı̨zı̨į̀ agòjà, ekò nı̨ sìı nexè hoìla hǫt'e.

John 17:2

Dǫ weghàneelaa sìı welǫ whìle ts'ǫ̀ geedaà agole ha t'à, dǫ hazǫǫ̀ ts'ǫ̀ k'àowo awènelà.

Rome 3:19

Moses wenàowoò k'e ayìı dek'eèhtł'èe sìı dǫ gotł'aà geèhkw'ee sìı gıgha dek'eèhtł'è hǫt'e. Hanì-ı̨dè dǫ wı̨ı̨zìı “Wek'èehsǫ-le,” gedı ha dìì, eyıts'ǫ dıı nèk'e dǫ hazǫǫ̀ dànì gı̨ı̨dàa k'ę̀ę̀ Nǫ̀htsı̨ gosınìyaehtı ha hǫt'e.

Rome 3:4

Į̀le, hanì ha honàedı nıìle! Dǫ hazǫǫ̀ hogets'ì nǫǫ̀ kò Nǫ̀htsı̨ sìı t'aats'ǫǫ̀ ehkw'ı gode hǫt'e. Dıı hanì dek'eèhtł'è, “Goı̨de nı̨dè, ehkw'ı zǫ xàyaı̨htı dǫ hazǫǫ̀ yek'èezǫ ha, eyıts'ǫ t'asìı wesınìyanehtı nı̨dè t'aats'ǫǫ̀ neyatıì k'ę̀ę̀ agot'ı̨ hǫt'e,” dek'eèhtł'è.