Matthew 2:3 - Nǫ̀htsı̨ Nı̨htł'è

³ K'àowocho Herod yeghǫ ıìkw'o ekò sıì nànıwoò lajà eyıts'ǫ dǫ hazǫǫ̀ Jerusalem nàgedèe sìı dàhodıì-ahodı gı̨ı̨wǫ.

Matthew 2:3 ပူးပေါင်းရင်းမြစ်များ

Matthew 2:2

“Bebìa laedì?” gedı dǫ dageehke, “Eyı chekoa Israel got'ı̨į̀ gha k'àowocho elı̨ ha wegǫ̀hłı̨ı̨ sìı welaedì? Įdè gonèk'e wets'ǫ whǫ̀ ts'aɂı̨. Weghàsǫts'eedı ha jǫ nèts'ı̨ı̨de,” gedı.

Matthew 2:4

Eyıt'à yahtıı-gha-k'aodèe gı̨ı̨lı̨ı̨ eyıts'ǫ Nǫ̀htsı̨-yatıì-k'ègedìı-dǫǫ̀ gokayaı̨htı. Dagoehke, “Dǫ edaxàgole ha, Chrıst wèts'edıı sìı, edı̨į̀ wegǫ̀hłı̨ ha dek'eèhtł'è?” gòhdı dagoehke.

Matthew 23:37

“Jerusalem got'ı̨į̀, nakwenàoɂǫǫ naxıts'ǫ̀ adlàa sìı naxı̨ kwe t'à ełaàgìahde hǫt'e. K'àba edezaa edı̨ı̨ts'ǫǫ̀ tł'a gòhłaà lanaxehłe ha t'aats'ǫǫ̀ hahwhǫ kò naxı̨ haahwhǫ-le.

Matthew 24:6

Ełegegǫ ghǫ aàhkw'o ha, hanìkò weghǫ dahjı̨-le. T'akwełǫ̀ǫ̀ eyı hazǫǫ̀ hagode ha hǫt'e, hanìkò ekòet'ıì nǫǫde dzęę̀ k'e nèhòkw'ı ha nıìle.

Matthew 8:29

Hòtł'ò gezeh xè hagedı, “Nǫ̀htsı̨ Weza, ayìıha gok'alaąwo? Gogha nèhòkw'ı kwe gogha hoìla hoı̨htsı̨-le, neghǫnàdats'eetì,” gedı.

Mark 13:7

Ełegegǫ ghǫ aàhkw'o ha, hanìkò weghǫ dahjı̨-le. T'akwełǫ̀ǫ̀ eyı hazǫǫ̀ hagode ha hǫt'e, hanìkò ekòet'ıì nǫǫde dzęę̀ k'e nèhòkw'ı ha nıìle.

Zezì Wecheekeèdeè 4:2

Peter eyıts'ǫ John, Zezì wet'à dǫ naìdà ha, gedı hanì dǫ hoghàgeehtǫ t'à, k'aodèe gı̨ı̨lı̨ı̨ sìı eyı ghǫ sıì gık'èch'a agejà.