Matthew 2:22 - Nǫ̀htsı̨ Nı̨htł'è

²² Ekìıyeè k'e Arkelayus, edetà Herod tł'axǫǫ̀ Judea nèk'e gha k'àowocho whelı̨. Joseph yeghǫ ıìkw'o ekò, ekǫ ts'ǫ̀ anade ha dejı̨ lajà. Nàte ekò ekǫ ts'ǫ̀ anade ha-le gha weghǫnatıet'ǫ t'à Galılee nèk'e ts'ǫ̀ ajà.

Matthew 2:22 ပူးပေါင်းရင်းမြစ်များ

Matthew 1:20

Hanì nànıwo ekò nàwhetı̨, yak'eet'ı̨į̀ wets'ǫ̀ wègoèht'į̀, yets'ǫ̀ hadı, “Joseph, k'àowocho Davıd wets'ǫ dǫ, Mary wı̨ı̨chı. Nets'èkeè elı̨ ha weghǫ nànewo-le. Webebìa yeyìı whedaa sìı Yedàyeh Nezı̨ı̨ ayı̨į̀là hǫt'e.

Matthew 2:1

Zezì kǫ̀ta Bethlehem wegǫ̀hłı̨ ekò Herod Judea nèk'e k'àowocho elı̨ ı̨lè. Zezì wegǫ̀hłı̨ tł'axǫǫ̀ nıwàa nèk'e gots'ǫ k'àowo Jerusalem nègı̨ı̨de.

Matthew 2:19

K'àowocho Herod ełaı̨wo tł'axǫǫ̀ Egypt nèk'e Joseph nàwhetı̨ t'à yak'eet'ı̨į̀ wets'ǫ̀ wègoèht'į̀.

Matthew 2:21

Eyıt'à Joseph nıìtła, chekoa eyıts'ǫ wemǫ xè Israel nèk'e ts'ǫ̀ anajà.

Matthew 3:13

Ekò k'e Zezì John-Baptıst yek'ètaìdzı̨ ha nıwǫ t'à, Galılee nèk'e gots'ǫ deh Jordan ts'ǫ̀ ajà.

Luke 2:39

Joseph eyıts'ǫ Mary Nǫ̀htsı̨ weyatıì dek'eèhtł'è k'ę̀ę̀ hazǫǫ̀ gıghàlaı̨dà tł'axǫǫ̀, Galılee nèk'e, edekǫ̀ta Nazareth ts'ǫ̀ nageèhde.

John 7:52

K'aodèe gıts'ǫ̀ hadı, “Nı̨ sı Galılee got'ı̨į̀ anet'e nì? Enı̨htł'è wek'eyaąhtı nı̨dè, Galılee nèk'e gots'ǫ nakwenàoɂǫǫ nììtła ha nıìle wek'èı̨zǫ ha ı̨lè,” gıìhdı.