Matthew 2:13 - Nǫ̀htsı̨ Nı̨htł'è

¹³ K'àowo taı nageèhde tł'axǫǫ̀ Joseph nàwhetı̨, yak'eet'ı̨į̀ wets'ǫ̀ wègoèht'į̀. Yak'eet'ı̨į̀ yets'ǫ̀ hadı, “Nıį̀tła! Bebìa, wemǫ xè Egypt nèk'e ts'ǫ̀ kwı̨ahdè. Nets'ǫ̀ haehsı̨ gots'ǫ̀ ekǫ nàahdè. K'àowocho Herod eyı bebìa ełaàhwhı ha nıwǫ t'à yehak'eèt'į̀,” yèhdı.

Matthew 2:13 ပူးပေါင်းရင်းမြစ်များ

Matthew 1:20

Hanì nànıwo ekò nàwhetı̨, yak'eet'ı̨į̀ wets'ǫ̀ wègoèht'į̀, yets'ǫ̀ hadı, “Joseph, k'àowocho Davıd wets'ǫ dǫ, Mary wı̨ı̨chı. Nets'èkeè elı̨ ha weghǫ nànewo-le. Webebìa yeyìı whedaa sìı Yedàyeh Nezı̨ı̨ ayı̨į̀là hǫt'e.

Matthew 10:23

Kǫ̀ta ı̨łè dǫ danaxegį̀ı̨hɂa nı̨dè kǫ̀ta eyıì-le ts'ǫ̀ kwı̨ahdè. Ehkw'ı anaxèehsı̨, Israel nèk'e kǫ̀ta hazǫǫ̀ ts'ǫ̀ kwı̨ahdè kwe, Dǫ-wet'àaɂàa-deè nììtła ha hǫt'e.

Matthew 2:12

Nageedè kwe nàgete; k'àowocho Herod ts'ǫ̀ anagede ha-le, eyı yatı gıghǫ̀t'ǫ. Eyıt'à tı̨lı eyıì-le k'e edenèk'e ts'ǫ̀ anagejà.

Matthew 2:14

Eyıt'à to et'ıì Joseph nıìtła. Bebìa eyıts'ǫ wemǫ xè Egypt nèk'e ts'ǫ̀ dèhtła.

Matthew 2:16

K'àowocho Herod eyı k'àowo taı gıghǫyaèhɂǫ yek'èhoèhzà ekò, sıì wek'èch'a. Eyıt'à dıı hanì yatı whehtsı̨: “Kǫ̀ta Bethlehem eyıts'ǫ wemǫǫ̀ kǫ̀ gòlaa ekǫ dǫzhìa nechà-lea hazǫǫ̀ ełaàgogìhde ha,” gòhdı. Eyıt'à dǫzhìa hazǫǫ̀ nàke gıghoò ts'ǫ ı̨zhıì ts'ǫ̀ ełaàgogį̀ı̨hdè. K'àowo taı whǫ̀ gıaɂı̨ gots'ǫ dǫzhìa gıgǫ̀hłı̨ı̨ gıdzęę̀ gıhtà weghàà ełaàgogį̀ı̨hdè.

Matthew 2:22

Ekìıyeè k'e Arkelayus, edetà Herod tł'axǫǫ̀ Judea nèk'e gha k'àowocho whelı̨. Joseph yeghǫ ıìkw'o ekò, ekǫ ts'ǫ̀ anade ha dejı̨ lajà. Nàte ekò ekǫ ts'ǫ̀ anade ha-le gha weghǫnatıet'ǫ t'à Galılee nèk'e ts'ǫ̀ ajà.

Zezì Wecheekeèdeè 10:22

Dǫ gıts'ǫ̀ hadı, “Cornelıus, eghǫǫ-dǫǫ̀-gha-k'àowo, jǫ ts'ǫ̀ goı̨hɂà. Ededı̨ dǫ ehkw'ı edaa xè Nǫ̀htsı̨ ghǫ hòtł'ò anıwǫ, eyıts'ǫ Israel got'ı̨į̀ hazǫǫ̀ gıghǫneètǫ hǫt'e. Wenazhıı yak'eet'ı̨į̀ yets'ǫ̀ goı̨de ı̨lè, nı̨ wekǫ̀ nàątła ha, yèhdı. Ayìı wets'ǫ̀ haı̨dı ha sìı neèhkw'ǫ ha hǫt'e,” gıìhdı.

Zezì Wecheekeèdeè 10:7

Yak'eet'ı̨į̀ yets'ǫǫ̀ ajà tł'axǫǫ̀ Cornelıus edecheekeè nàke gokagoı̨de, eyıts'ǫ eghǫǫ-dǫǫ̀ ı̨łè yegha eghàlaedaa sìı Nǫ̀htsı̨ ghǫ hòtł'ò anıwǫ, eyı sı ts'ǫ̀ goı̨de.

Zezì Wecheekeèdeè 12:11

Peter hǫtsaa ts'ı̨ı̨wo lajà, hanıwǫ, “Sets'ǫ̀ K'àowo edets'ǫ yak'eet'ı̨į̀ sets'ǫ̀ ayį̀į̀là hotıì wek'èehsǫ ne. Herod wech'à xàseèhtı̨ eyıts'ǫ Israel got'ı̨į̀ sexè hoìla hogehtsı̨ ha ı̨lèe sìı Nǫ̀htsı̨ hanàhòwo-le ayį̀į̀là,” hanıwǫ.

Zezì Wecheekeèdeè 12:7

Hǫtsaa yak'eet'ı̨į̀ wègoèht'į̀ t'à goyìı hazǫǫ̀ ts'ǫ̀ dzęh agòjà. Yak'eet'ı̨į̀ Peter ts'àı̨htso, ts'eyį̀ı̨hwho. “Įwhąą̀ nıį̀tła!” yèhdı. Ekòet'ıì welachı̨į̀ k'e satsǫ̀tł'ıì xàı̨tł'ı.

Zezì Wecheekeèdeè 16:36

Eyıt'à dǫ-danìı̨laa-k'èdìı-dǫǫ̀ Paul ts'ǫ̀ hadı, “Kǫ̀ta k'aodèe, nı̨ eyıts'ǫ Sılas xàahdè ha naxègedı. Eyıt'à naahdè ha dìì-le. Naxıxè sìghà welè,” gòhdı.

Zezì Wecheekeèdeè 5:19

Totanı ekìıyeè k'e yak'eet'ı̨į̀ dǫ-danìı̨laa-kǫ̀ enìxàı̨wa gà xàgoèwa.

Zezì Wecheekeèdeè 7:19

Gòet'ı̨ ts'ǫ̀ ehkw'ı eghàlaı̨dà-le eyıts'ǫ dagòı̨hɂà. Gıbebìa gòhłèe sìı ełaàgede ha nıwǫ t'à, bebìa ɂǫ̀geèhdeè agǫ̀ǫ̀là.

John Wenazhıı 12:14

Eyı ts'èko sìı det'ǫcho nechàa wı̨ts'ǫǫ̀ nàke weghǫ̀zha, yet'à ekìı-ka nèk'e wedasıìgòdlàa sìı ts'ǫ̀ naat'a ha. Ekǫ taı xo daats'ǫ̀ tanı haı̨wa ts'ǫ̀ wek'èhodì ha eyıts'ǫ ekǫ gòocho dayeechı ha-le.

John Wenazhıı 12:4

Edetsè t'à whǫ̀ tanı k'aɂį̀ yat'a whelaa sìı dıı nèk'e ts'ǫ̀ hodàyeèhde. Eyı tıts'aàdìıcho dek'oo sìı ts'èko webebìa gòhłè ha nıìkw'oo yenadąą̀ nàwo, eyı bebìa wegǫ̀hłı̨ ts'ǫ̀et'ıì yeɂà ha nıwǫ t'à.

John Wenazhıı 12:6

Eyı ts'èko ekìı-ka nèk'e ts'ǫ̀ kwı̨èhsa. Edı̨į̀ Nǫ̀htsı̨ yedasınìhòı̨ɂǫǫ sìı ekǫ ts'ǫ̀ ajà, ekǫ ı̨łè-lemì-daats'ǫ̀-nàkeakw'eènǫ-daats'ǫ̀-ek'ètaènǫ (1,260) dzęę̀ gots'ǫ̀ wek'èhodì ha.