Matthew 2:12 - Nǫ̀htsı̨ Nı̨htł'è

¹² Nageedè kwe nàgete; k'àowocho Herod ts'ǫ̀ anagede ha-le, eyı yatı gıghǫ̀t'ǫ. Eyıt'à tı̨lı eyıì-le k'e edenèk'e ts'ǫ̀ anagejà.

Matthew 2:12 ပူးပေါင်းရင်းမြစ်များ

Dànì Kèhoį̀wo 31:24

Hanìkò eyı toò k'e Laban nàwhetı̨ t'à Nǫ̀htsı̨ yets'ǫ̀ gode, hayèhdı, “Edexonehdı, Jacob wets'ǫ̀ hoìla xàyanehtı-le,” yèhdı.

Matthew 1:20

Hanì nànıwo ekò nàwhetı̨, yak'eet'ı̨į̀ wets'ǫ̀ wègoèht'į̀, yets'ǫ̀ hadı, “Joseph, k'àowocho Davıd wets'ǫ dǫ, Mary wı̨ı̨chı. Nets'èkeè elı̨ ha weghǫ nànewo-le. Webebìa yeyìı whedaa sìı Yedàyeh Nezı̨ı̨ ayı̨į̀là hǫt'e.

Matthew 2:13

K'àowo taı nageèhde tł'axǫǫ̀ Joseph nàwhetı̨, yak'eet'ı̨į̀ wets'ǫ̀ wègoèht'į̀. Yak'eet'ı̨į̀ yets'ǫ̀ hadı, “Nıį̀tła! Bebìa, wemǫ xè Egypt nèk'e ts'ǫ̀ kwı̨ahdè. Nets'ǫ̀ haehsı̨ gots'ǫ̀ ekǫ nàahdè. K'àowocho Herod eyı bebìa ełaàhwhı ha nıwǫ t'à yehak'eèt'į̀,” yèhdı.

Matthew 2:19

K'àowocho Herod ełaı̨wo tł'axǫǫ̀ Egypt nèk'e Joseph nàwhetı̨ t'à yak'eet'ı̨į̀ wets'ǫ̀ wègoèht'į̀.

Matthew 2:22

Ekìıyeè k'e Arkelayus, edetà Herod tł'axǫǫ̀ Judea nèk'e gha k'àowocho whelı̨. Joseph yeghǫ ıìkw'o ekò, ekǫ ts'ǫ̀ anade ha dejı̨ lajà. Nàte ekò ekǫ ts'ǫ̀ anade ha-le gha weghǫnatıet'ǫ t'à Galılee nèk'e ts'ǫ̀ ajà.

Matthew 27:19

K'àowo Pılate dǫ-sınìyaehtıı daèhchı̨į̀ k'e wheda ekò wets'èkeè yets'ǫ̀ yatı nìı̨ɂǫ, hayèhdı: “Eyı dǫ t'asawı̨ı̨le-le, ekǫ-le wı̨ı̨zìı hòèhtsı̨ nıìle. Dıı dzęę̀ weghǫ nàwhıhtı̨ t'à sıì daıhɂà,” yèhdı.

Luke 2:26

Gots'ǫ̀ K'àowo wets'ǫ Chrıst eɂį̀ kwe ełaàwı ha-le, Yedàyeh Nezı̨ı̨ yets'ǫ̀ hadı ı̨lè.

Zezì Wecheekeèdeè 10:22

Dǫ gıts'ǫ̀ hadı, “Cornelıus, eghǫǫ-dǫǫ̀-gha-k'àowo, jǫ ts'ǫ̀ goı̨hɂà. Ededı̨ dǫ ehkw'ı edaa xè Nǫ̀htsı̨ ghǫ hòtł'ò anıwǫ, eyıts'ǫ Israel got'ı̨į̀ hazǫǫ̀ gıghǫneètǫ hǫt'e. Wenazhıı yak'eet'ı̨į̀ yets'ǫ̀ goı̨de ı̨lè, nı̨ wekǫ̀ nàątła ha, yèhdı. Ayìı wets'ǫ̀ haı̨dı ha sìı neèhkw'ǫ ha hǫt'e,” gıìhdı.

Zezì Wecheekeèdeè 4:19

Hanìkò Peter eyıts'ǫ John hagedı, “Dıı weghǫ nànıahdè: ayìı seè Nǫ̀htsı̨ gha ehkw'ı ne, naxık'èats'ı̨ı̨t'e, hanì-le-ı̨dè Nǫ̀htsı̨ k'èats'ı̨ı̨t'e?

Zezì Wecheekeèdeè 5:29

Peter eyıts'ǫ Zezì wecheekeèdeè mǫ̀hdaa hagedı, “Nǫ̀htsı̨ sìı dǫ nahk'e wek'èats'ı̨ı̨t'e ha hǫt'e!

1 Corınth 3:19

Dıı nèk'e gots'ǫ dǫ ayìı gıgha gǫǫzǫ hǫt'e sìı Nǫ̀htsı̨ wegha ezhı̨ne hǫt'e. Dıı hanì dek'eèhtł'è, “Dǫ gogı̨ı̨zǫǫ edegeewǫ xè ełeghǫyageeɂà k'ę̀ę̀ k'ehogeɂaa sìı Nǫ̀htsı̨ gınàowoò t'à gok'èchıìtła lagohɂį̀ hǫt'e,” dek'eèhtł'è.

Hebrew 11:7

Nǫ̀htsı̨ dàgode ha sìı ghǫ nadąą̀ Noah ts'ǫ̀ goı̨de ekò Noah wegha ehkw'ı-ahodı ı̨lè. Nǫ̀htsı̨ k'èch'a welè sǫ̀ǫ̀ nıwǫ t'à edets'èkeè eyıts'ǫ edeza edaxàgole ha elàcho whehtsı̨. Noah wegha ehkw'ı-ahodı t'à, dıı nèk'e dǫ ełaàgede gha gısınìyaetı ha wek'èhoedzǫ ayį̀į̀là eyıts'ǫ wegha ehkw'ı-ahodı t'à ehkw'ı eda k'ę̀ę̀ Nǫ̀htsı̨ yı̨ı̨htà.

Hebrew 8:5

Ededı̨ degaı k'è gòɂǫǫ goyìı eghàlageedaa sìı yak'e degaı k'è gòɂǫǫ xèht'eè lanì hǫt'e, eyıts'ǫ ekìı weɂı̨zhı̨į̀ lanì hǫt'e. Eyı ts'ıhɂǫ̀ Moses Nǫ̀htsı̨ gha nı̨hbàa gohtsı̨ ha nìhǫǫwo ekò Nǫ̀htsı̨ yets'ǫ̀ dıı hadı, “Shìhka dànì nets'ǫ̀ wègaat'ı̨į̀ adlàa sìı, hotıì wek'ę̀ę̀ anele ha,” yèhdı ı̨lè.