Matthew 2:11 - Nǫ̀htsı̨ Nı̨htł'è

¹¹ Eyı kǫ̀ goyageède ekò, bebìa eyıts'ǫ wemǫ Mary gıaɂı̨. Bebìa gà nàgògı̨ı̨hgè xè gıghàsǫedı. Eyı tł'axǫǫ̀ sǫǫ̀mbaekwo, wet'à ło łekǫǫ dèk'ǫ̀ǫ eyıts'ǫ yìk'eetł'òo dètìı xàgı̨ı̨wa gà bebìa ghàgı̨ı̨la.

Matthew 2:11 ပူးပေါင်းရင်းမြစ်များ

Dànì Kèhoį̀wo 43:11

Eyıt'à Israel edeza gots'ǫ̀ hadı, “Ekǫ nàahdè ha t'ıį̀t'e nı̨dè dıı haahłe: gonèk'e gots'ǫ t'asìı nezı̨ı̨ sìı naxıɂǫhchì yìahwha gà eyı k'àowo wets'ǫ̀ aahłe. Tłeh łekǫą, kw'ıahnǫ-dıì, yìk'eetł'òo, dı̨ı̨ts'ıa, dzèh-łekǫǫ dèk'ǫ̀ǫ, eyıts'ǫ dlòodıì dètìı hanıı wets'ǫ̀ aahwha.

Matthew 1:18

Dıı sìı Zezì-Krı dǫ-elı̨ wegodıì hǫt'e: Wemǫ Mary, Joseph xè honìda ha wììchì ı̨lè. Įłaà ełexè nàgedè-le et'ıì Yedàyeh Nezı̨ı̨ dahxà hotıì eda-le ajà.

Matthew 12:46

Zezì ı̨łaà dǫ xè godo ekò, wemǫ eyıts'ǫ wechıke gıts'ǫ̀ gode ha gı̨ı̨wǫ t'à, mǫ̀ht'a nàgeèhza.

Matthew 14:33

Wecheekeè elà yìı geèhkw'ee sìı gıts'ǫ̀ nàgògı̨ı̨hgè, hagedı, “Nı̨ sìı Nǫ̀htsı̨ Weza anet'e,” gıìhdı.

Matthew 2:2

“Bebìa laedì?” gedı dǫ dageehke, “Eyı chekoa Israel got'ı̨į̀ gha k'àowocho elı̨ ha wegǫ̀hłı̨ı̨ sìı welaedì? Įdè gonèk'e wets'ǫ whǫ̀ ts'aɂı̨. Weghàsǫts'eedı ha jǫ nèts'ı̨ı̨de,” gedı.

Luke 2:16

Eyıt'à ı̨whąą̀ ekǫ geède. Eyı nègı̨ı̨de ekò Mary, Joseph eyıts'ǫ bebìa tıts'aàdìı yeyìı shèzhee yìı whetı̨ gıaɂı̨.

Luke 2:38

Hotıì ekìıyeè k'e gogà nììtła, Nǫ̀htsı̨ ts'ǫ̀ masì dı. Dǫ hazǫǫ̀ Jerusalem edaxàweetè ha k'enageèhɂı̨ı̨ sìı eyı chekoa ghǫ goxè godo.

John 19:39

Dǫ ı̨łè Nıcodemus wìyeh yexè at'ı̨. Eyı dǫ sìı to Zezì ts'àèhtła ı̨lè. Nıcodemus yìk'eetł'òo eyıts'ǫ dı̨ı̨ts'ıa łekǫǫ, łǫ̀hdı̨ènǫ-daats'ǫ̀-sı̨làı aı̨hda nèyı̨ı̨la, Zezì wekw'ǫǫ̀ k'e agele gha.

John Wenazhıı 19:10

Yak'eet'ı̨į̀ hadı t'à wekè gà nàgòhge xè weghàsǫehdı ha là, yak'eet'ı̨į̀ sets'ǫ̀ hadı, “Hawı̨ı̨de-le! Nı̨ eyıts'ǫ nèot'ı̨ Zezì wegodıì ehkw'ı adı gı̨ı̨wǫǫ sìı naxıxèht'eè Nǫ̀htsı̨ wecheekeè aht'e. Nǫ̀htsı̨ weghàsǫedı! Nǫ̀htsı̨ wets'ǫ nakwenàoɂǫǫ hazǫǫ̀ sìı Zezì wegodıì zǫ t'à gogede hǫt'e,” sets'ǫ̀ hadı.

John Wenazhıı 5:8

Sahzǫ̀ą eyı enı̨htł'èyeè neyıìchı tł'axǫǫ̀ t'asìı dı̨ godìı eyıts'ǫ ǫhdah naènǫ-daats'ǫ̀-dı̨ sìı gıts'ǫ̀ nàgògı̨ı̨hgè. Hazǫǫ̀ tł'ık'eetı̨ı̨ lanıı k'egele eyıts'ǫ sǫǫ̀mbaekwo kw'àyį̀ą weyìı dzèh-łekǫǫ dèk'ǫ̀ǫ dagıale. Eyı dzèh-łekǫǫ dèk'ǫ̀ǫ sìı Nǫ̀htsı̨ wets'ǫ dǫ degaı xàyageetı lanì hǫt'e.