Matthew 19:14 - Nǫ̀htsı̨ Nı̨htł'è

¹⁴ Hanìkò Zezì edecheekeè gots'ǫ̀ hadı, “Chekoa sets'ǫ̀ gııdè agıahłe, sets'agıahɂǫ-le. Amìı dıı chekoa lagı̨ı̨t'ee sìı Nǫ̀htsı̨ Wenàowoò k'ę̀ę̀ hòɂǫǫ sìı gıts'ǫ hǫt'e,” gòhdı.

Matthew 19:14 ပူးပေါင်းရင်းမြစ်များ

Dànì Kèhoį̀wo 21:4

Wezaa Isaac wegǫ̀hłı̨ gots'ǫ ek'èdı̨ dzęę̀ k'e Abraham wekwǫ̀ k'e nàyı̨ı̨t'a. Nǫ̀htsı̨ nàowo yeghàı̨ɂǫ k'ę̀ę̀ ayį̀į̀là.

Matthew 11:25

Ekìıyeè k'e Zezì hadı, “Setà, neghàsǫehdı, yak'e eyıts'ǫ dıı nèk'e ts'ǫ̀ K'àowo anet'e. Dǫ gogı̨ı̨zǫǫ xè hoghàgeètǫǫ sìı eyı hazǫǫ̀ gıch'à deɂı̨į̀ wheɂǫ anelà, hanìkò chekoa nechà-lea sìı gık'èezǫǫ̀ anelà.

Matthew 18:3

Hadı, “Ehkw'ı anaxèehsı̨, eładı̨į̀ adèahłà xè dıı chekoa nechà-lea lanì adèahłà lenǫsıı Nǫ̀htsı̨ Wenàowoò k'ę̀ę̀ hòɂǫǫ goyaahdè hǫı̨lı̨ ha nıìle.

Matthew 19:15

Zezì edılà gok'e ayį̀į̀là tł'axǫǫ̀ ı̨daà naèhtła.

Matthew 5:10

Amìı nàowo ehkw'ıı k'ę̀ę̀ geeda k'èxa dǫ dagogį̀ı̨hɂaa sìı gıxè sìghà hǫt'e; Nǫ̀htsı̨ Wenàowoò k'ę̀ę̀ hòɂǫǫ sìı gıghaelı̨ ha.

Matthew 5:3

“Amìı eteèt'ı̨ı̨ edek'ègeezǫǫ sìı gıxè sìghà hǫt'e; Nǫ̀htsı̨ Wenàowoò k'ę̀ę̀ hòɂǫǫ sìı gıts'ǫ̀-èlı̨ hǫt'e.

Mark 10:14

Zezì haget'ı̨ goaɂı̨ ekò gots'ǫ̀ wınì-le xè edecheekeè gots'ǫ̀ hadı, “Chekoa sets'ǫ̀ gııdè agıahłe, sets'agıahɂǫ-le. Amìı dıı chekoa lagı̨ı̨t'ee sìı Nǫ̀htsı̨ Wenàowoò k'ę̀ę̀ hòɂǫǫ gıts'ǫ hǫt'e.

Mark 10:15

Ehkw'ı anaxèehsı̨, amìı chekoa lanì Nǫ̀htsı̨ Wenàowoò k'ę̀ę̀ hòɂǫǫ edegha yìhchì lenǫsıı, ekǫ goyaetła ha nıìle,” Zezì gòhdı.

1 Corınth 14:20

Sèot'ı̨ı̨, hòt'a chekoa nàowoò k'ę̀ę̀ nànıahdè-le. Nàowołı̨ı̨ ts'ǫǫ̀hk'e nı̨dè bebìa hołı̨ı̨ k'ègeezǫ-le laaht'e, hanìkò naxınì t'à ǫhdah k'ę̀ę̀ nànıahdè.