Matthew 19:10 - Nǫ̀htsı̨ Nı̨htł'è

¹⁰ Zezì wecheekeè hagedı, “Dǫzhìı eyıts'ǫ wets'èkeè gıxè hanì hòɂǫ nı̨dè hots'et'ı̨-le denahk'e nezı̨ nǫǫ̀,” gedı.

Matthew 19:10 ပူးပေါင်းရင်းမြစ်များ

Dànì Kèhoį̀wo 2:18

Eyı tł'axǫǫ̀ Nǫ̀htsı̨ hadı, “Dǫ whatsǫǫ̀ nàdèe sìı nezı̨ nıìle. Yets'àdıı wexıìzǫǫ sìı wegha ehtsı̨ ha,” hadı.

Matthew 19:11

Zezì gots'ǫ̀ hadı, “Dǫ hazǫǫ̀ eyı yatı gìhchì ha dìì hǫt'e, dǫ hanì gıghàhòt'ǫǫ sìı zǫ eyı yatı gìhchı hǫt'e.

Matthew 19:9

Ehkw'ı anaxèehsı̨, dǫzhìı wets'èkeè dǫ eyıì-le xè hołı̨ı̨ hòèhtsı̨-le kò ɂǫ̀yeèdo gà ts'èko eyıì-le xè honǫ̀ǫdza nı̨dè, hołı̨ı̨ hòèhtsı̨ hǫt'e,” Zezì gòhdı.

1 Corınth 7:8

Dǫ hoget'ı̨-le eyıts'ǫ ts'èko gıdǫzhıì whìle sìı gıts'ǫ̀ dıı haehsı̨ ha dehwhǫ: Sı̨ hoeht'ı̨-le k'ę̀ę̀ hoget'ı̨-le nı̨dè gıgha nezı̨ hǫt'e.

1 Tımothy 4:3

Hots'et'ı̨ı̨ sìı ehkw'ı nıìle gedı ha, eyıts'ǫ weghǫ shèts'ezhee mǫ̀hdaa geɂà-le agogehɂı̨ ha. Nǫ̀htsı̨ weghǫ shèts'ezhee yèhtsı̨ hǫt'e, eyıt'à dǫ gıgha ehkw'ı-ahodıı xè nàowo ehkw'ıı k'ègeezǫǫ sìı gıghǫ shèzhe xè weghǫ masì gı̨ı̨wǫ ha hǫt'e.