Matthew 18:35 - Nǫ̀htsı̨ Nı̨htł'è

³⁵ “Eyıt'à naxıdzeè t'à naxèot'ı̨ gıghǫ nahoahłe-le nı̨dè Setà yak'e whedaa sìı hanì naxıts'ǫ̀ eghàlaeda ha hǫt'e,” Zezì gòhdı.

Matthew 18:35 ပူးပေါင်းရင်းမြစ်များ

Matthew 18:34

K'àowo sıì ìch'èe t'à eyı dǫ edenı̨htł'è hazǫǫ̀ nayeele gots'ǫ̀ dǫ-danìı̨laa-k'èdìı-dǫǫ̀ dagį̀ı̨hɂa ha gotł'aàyį̀ı̨htı̨.

Matthew 6:12

Dǫ gok'èch'a nàhogehdèe sìı gıhołı̨į̀ gıghǫ nahots'eele, eyı xèht'eè gohołı̨į̀ goghǫ nahoı̨le.

Mark 11:25

Eyıts'ǫ yaahtı nı̨dè amìı weghǫ nahoahła-le sìı weghǫ nahoahłe. Haaht'ı̨ nı̨dè Naxıtà yak'e whedaa sìı naxıhołı̨į̀ naxıghǫ nahoele ha hǫt'e,” gòhdı.

Luke 16:15

Eyıt'à Zezì gots'ǫ̀ hadı, “Naxı̨ sìı dǫ gıdaà ehkw'ı k'ehoahɂa, hanìkò Nǫ̀htsı̨ naxıdzeè k'èezǫ hǫt'e. Dǫ ayìı gıgha deɂǫ̀ǫ̀ wet'àaɂàa sìı Nǫ̀htsı̨ wegha wet'àaɂà nıìle.

James 2:13

Dǫ wedzeè eteèɂı̨-le sìı wesınìyaetıı dzęę̀ k'e nı̨dè eteweèɂı̨ ha nıìle. Ełets'ǫ̀ godzeè eteèɂı̨ı̨ sìı ełesınìyats'ehtı nahk'e elı̨ hǫt'e!

James 3:14

Hanìkò ełeghǫ ts'oxoahdı xè dǫ wet'àaɂàa edaahtsı̨ nı̨dè goahsǫ nıìle. Edeghǫ xàdahoahdì-le, eyıts'ǫ nàowo ehkw'ıı sìı wedę aahłe-le.

James 4:8

Nǫ̀htsı̨ ts'ǫ̀ nıwà-le aahde, hanì-ı̨dè ededı̨ sı naxıts'ǫ̀ nıwà-le ade ha. Naxı̨ hołı̨ı̨-hoahtsı̨ı̨-dǫǫ̀ aaht'ee sìı naxıhołı̨į̀ wedę aahłe, eyıts'ǫ naxınì nàke laaht'ee sìı naxıdzeè degaı aahłe.

John Wenazhıı 2:23

Ts'èko wecheekeè hazǫǫ̀ ełaàgehde ha. Hanì-ı̨dè Nǫ̀htsı̨ wecheekeè hazǫǫ̀ dǫdzeè yìı eyıts'ǫ dǫnì yìı k'eeht'į̀ aht'e sek'ègeezǫ ha. Eyıts'ǫ naxıhołı̨į̀ k'èxa naxık'eehkwa hǫt'e sek'ègeezǫ ha.