Matthew 18:31 - Nǫ̀htsı̨ Nı̨htł'è

³¹ K'àowocho wecheekeè eyıì-le hagòjà gıaɂı̨ ekò sıì gıgha nezı̨-le, eyıt'à k'àowocho ts'ǫ̀ geède gà gıts'ǫ̀ hagedı.

Matthew 18:31 ပူးပေါင်းရင်းမြစ်များ

Dànì Kèhoį̀wo 37:2

Jacob eyıts'ǫ wets'ıhɂǫ̀ǫ-dǫǫ̀ gıxè dàgòjàa sìı dıı gıgodıì hǫt'e: Jacob weza Joseph cheko hoònǫ-daats'ǫ̀-łǫ̀hdı̨ weghoò ı̨lè. Edı̨ı̨de xè sahzǫ̀ą k'èdì ı̨lè. Wı̨ı̨de sìı wetà wets'ǫ ts'èko Bılah eyıts'ǫ Zılpah gots'ǫ weza agı̨ı̨t'e. Edekǫ̀ nǫgedè nı̨dè Joseph wı̨ı̨de t'asìı wejıı ghàlagı̨ı̨dàa sìı hazǫǫ̀ edetà ts'ǫ̀ hadı.

Matthew 14:9

K'àowocho Herod sıì yeghǫ nànıwhewo, hanìkò hòt'a dǫ hazǫǫ̀ yexè shègezhee sìı godaà yatı nàtsoo whehtsı̨ t'à edecheekeè ts'ǫ̀ hadı, “Eyı t'eekoa wınì k'ę̀ę̀ aahłe,” gòhdı.

Matthew 18:28

“Hanìkò eyı wecheekeè edekǫ̀ ts'ǫ̀ naetłe ekò wexèht'eè k'àowocho cheekeè ı̨łè, sǫǫ̀mba łǫ-lea yeghaı̨tł'è ı̨lèe sìı, yaɂı̨. Yek'à daachì gà hayèhdı, ‘Sǫǫ̀mba neghǫnìıhɂǫǫ sìı hazǫǫ̀ naı̨le,’ yèhdı.

Matthew 18:30

“Hanìkò ‘Į̀le,’ yèhdı, edenı̨htł'è nayeele ts'ǫ̀ dǫ-danìı̨laa-kǫ̀ ts'ǫ̀ ayį̀į̀là.

Matthew 18:32

“Eyıt'à k'àowocho wecheekeè nezı̨-le kàɂehɂà gà hayèhdı, ‘Secheekeè-łı̨nı̨ı̨ anet'e. Seghǫnàdaątì ı̨lè t'à, nenı̨htł'è łǫ hazǫǫ̀ neghǫnàèhła.

Mark 3:5

Zezì dǫ hazǫǫ̀ yemǫǫ̀ nàgeèhzaa sìı gots'ǫ̀ wek'èch'a xè hotıì goghàeda. Sıì gıkwì nàtso t'à wegha dìì. Eyı tł'axǫǫ̀ dǫ wılà ełeènııtsoo sìı ts'ǫ̀ hadı, “Nılà daį̀chı,” yèhdı. Edılà daìchì ts'ǫ̀et'ıì wılà k'aàt'ıì anajà.

Luke 14:21

“Dǫ wecheekeè nǫ̀ǫtła ekò dǫ dàgedıı sìı hazǫǫ̀ edets'ǫ k'àowo ts'ǫ̀ hadı. Eyıt'à k'àowo sıì ìch'è, edecheekeè ts'ǫ̀ hadı, ‘Įwhąą̀ kǫ̀ta tı̨lı gòlaa gots'ǫ dǫ-teèt'ı̨ı̨, dǫ k'egedè-le eyıts'ǫ dǫ gıdaà goìlee sìı jǫ nègı̨ı̨wa,’ yèhdı.

Luke 19:41

Zezì Jerusalem ts'ǫ̀ gǫǫwà-lea naetłe ekò, kǫ̀godeè goaɂı̨ t'à yeghǫ ı̨tsè. Kǫ̀ gòlaa ts'ǫ̀ hadıì gode,

Rome 12:15

Dǫ gınà nı̨dè, gıxè naxınà welè. Dǫ ts'ǫǫ̀gı̨ı̨wǫ nı̨dè gıxè ts'ǫǫ̀dahwhǫ.

2 Corınth 11:21

Goxı̨ hanì k'ehots'eɂa gha nàts'etso-le dehsı̨ı̨ sìı weghǫ į̀į̀zhats'ı̨ı̨lı̨ ha nì? Dǫ gǫǫzǫ-le laehsı̨ kò, dǫ ayìı ghǫ xàdahogedìı sìı sı̨ sı eyı xèht'eè haehsı̨ ha dìì-le hǫt'e.

Hebrew 13:17

Naxıts'ǫ̀ k'aodèe gı̨ı̨lı̨ı̨ sìı gık'èaht'e. Nezı̨į̀ naxık'ègedì hǫt'e eyıts'ǫ dànì eghàlageeda k'èxa Nǫ̀htsı̨ gosınìyaehtı ha hǫt'e. Gık'èaht'e, hanì-ı̨dè gınà edılaà ghàlageeda ha, eyıts'ǫ gıgha dezhì ha-le. Gılaà gıgha dezhì aahłà nı̨dè gıt'àhoahwhı ha nıìle.

Hebrew 13:3

Naxıta gots'ǫ dǫ mǫ̀hdaa gıdanìı̨laa sìı gıxè naxıdanìı̨la lanì gınaahdì. Eyıts'ǫ dǫ dagı̨ı̨ɂaà agììdlàa sìı naxı̨ gıxèht'eè daahɂa lanì gınaahdì.