Matthew 18:10 - Nǫ̀htsı̨ Nı̨htł'è

^10-11 “Dıı chekoa nechà-lea sìı gıt'àhoòɂà-le dahwhǫ sǫ̀ǫ̀. Ehkw'ı anaxèehsı̨, gıts'ǫ yak'eet'ı̨į̀, Setà yak'e whedaa sìı t'aats'ǫǫ̀ wınì ghàgeeda hǫt'e.

Matthew 18:10 ပူးပေါင်းရင်းမြစ်များ

Matthew 1:20

Hanì nànıwo ekò nàwhetı̨, yak'eet'ı̨į̀ wets'ǫ̀ wègoèht'į̀, yets'ǫ̀ hadı, “Joseph, k'àowocho Davıd wets'ǫ dǫ, Mary wı̨ı̨chı. Nets'èkeè elı̨ ha weghǫ nànewo-le. Webebìa yeyìı whedaa sìı Yedàyeh Nezı̨ı̨ ayı̨į̀là hǫt'e.

Matthew 12:20

Hoehnè xè nàowo ehkw'ıı k'ę̀ę̀ hòɂǫǫ̀ agole gots'ǫ̀ ts'ıchı̨į̀ wexoeɂaa lanıı sìı nàyeezhì ha-le, eyıts'ǫ ek'aèk'ǫ yaazea zǫ dèk'ǫ̀ǫ sìı nayeehkwı ha-le.

Matthew 18:14

Eyı xèht'eè Naxıtà yak'e whedaa sìı dıı chekoa nechà-lea lanıı dıkǫgeedè ha nıwǫ nıìle.

Matthew 18:6

Hanìkò dıı lanıı chekoa nechà-lea gıgha ehkw'ı aehsı̨ı̨ sìı amìı hołı̨ı̨ hogehtsı̨į̀ agohɂı̨ nı̨dè eyı dǫ wegha hoìla ha hǫt'e. Dǫ hanì hojıì hohtsı̨ ch'à wek'o k'e kwe nedàa wexeetł'ı̨ gà tègı̨ı̨xà nı̨dè denahk'e wegha nezı̨ ha hǫt'e.

Matthew 2:13

K'àowo taı nageèhde tł'axǫǫ̀ Joseph nàwhetı̨, yak'eet'ı̨į̀ wets'ǫ̀ wègoèht'į̀. Yak'eet'ı̨į̀ yets'ǫ̀ hadı, “Nıį̀tła! Bebìa, wemǫ xè Egypt nèk'e ts'ǫ̀ kwı̨ahdè. Nets'ǫ̀ haehsı̨ gots'ǫ̀ ekǫ nàahdè. K'àowocho Herod eyı bebìa ełaàhwhı ha nıwǫ t'à yehak'eèt'į̀,” yèhdı.

Matthew 2:19

K'àowocho Herod ełaı̨wo tł'axǫǫ̀ Egypt nèk'e Joseph nàwhetı̨ t'à yak'eet'ı̨į̀ wets'ǫ̀ wègoèht'į̀.

Matthew 24:31

Dechı̨shì hòtł'ò dedı ekìıyeè k'e nı̨dè, Dǫ-wet'àaɂàa-deè edeyak'eet'ı̨į̀ dıı nèk'e hazǫǫ̀ welǫ ts'ǫ̀ gohɂa ha, Nǫ̀htsı̨ dǫ gòį̀hchìı sìı nàgogehtsį̀ ha.

Luke 1:19

Yak'eet'ı̨į̀ yets'ǫ̀ hadı, “Sı̨, Gabrıel aht'e, Nǫ̀htsı̨ wenadąą̀ nàhwho hǫt'e. Godı nezı̨ı̨ neghàehɂà ha nets'ǫ̀ sı̨ı̨hɂà,” yèhdı.

Luke 10:16

“Amìı naxeèhkw'oo sìı seèhkw'ǫ hǫt'e; amìı naxıdę nıwǫǫ sìı sedę asehɂı̨ hǫt'e, eyıts'ǫ amìı sedę nıwǫ nı̨dè t'aa sı̨ı̨hɂàa sìı wedę ayehɂı̨ hǫt'e,” Zezì hadı.

Luke 16:22

“Įłè dzęę̀ eyı dǫ eteèt'ı̨ı̨ ełaı̨wo, yak'eet'ı̨į̀ nıgı̨į̀htı̨ gà Abraham ts'ǫ̀ nègı̨ı̨htı̨. Dǫ ahxee ededı̨ sı ełaı̨wo t'à wekw'ǫǫ̀ nègı̨į̀tǫ.

Zezì Wecheekeèdeè 10:3

Įłàà taı nìı̨ɂǫ ekò Cornelıus wenazhıı xègoèht'į̀. Yak'eet'ı̨į̀ yeghǫ nììtła yaɂı̨, yets'ǫ̀ hadı, “Cornelıus!” yèhdı.

Zezì Wecheekeèdeè 12:15

T'eekoa ts'ǫ̀ hagedı, “Gonezǫ-le anejà nì?” gıìhdı. Hanìkò k'èdaà hadı t'à, hagedı, “Weyak'eet'ı̨į̀ at'ı̨ sǫnı,” gedı.

Zezì Wecheekeèdeè 12:23

Nǫ̀htsı̨ ghàsǫnı̨ı̨dì-le t'à, ekòet'ıì Nǫ̀htsı̨ weyak'eet'ı̨į̀, k'àowocho Herod tàda wexèhdıì ayį̀į̀là. Weyìı gòo ajà t'à ełaı̨wo.

Zezì Wecheekeèdeè 27:23

Įdìı toò k'e, Nǫ̀htsı̨ wets'ǫ̀ yahtı eyıts'ǫ wegha eghàlaehdaa sìı weyak'eet'ı̨į̀ segà nàwo ı̨lè,

Zezì Wecheekeèdeè 5:19

Totanı ekìıyeè k'e yak'eet'ı̨į̀ dǫ-danìı̨laa-kǫ̀ enìxàı̨wa gà xàgoèwa.

Rome 14:10

Eyıt'à dànìghǫ naxèot'ı̨ gısınìyaahtı? Eyıts'ǫ dànìghǫ naxèot'ı̨ t'asìı elı̨-le k'ę̀ę̀ wets'ǫ̀ naahɂa? Goxı̨ hazǫǫ̀ Nǫ̀htsı̨ nadąą̀ nàts'eèhza gà gosınìyaetı ha hǫt'e wedaànıahdè welè.

Rome 14:21

Bò ghǫ shèts'ezhe-le, jìetì ts'edǫ-le eyıts'ǫ t'asìı wet'à naxèot'ı̨ hołı̨ı̨ hohtsı̨ ha sìı k'alats'edè-le nı̨dè eyı denahk'e nezı̨ hǫt'e.

Rome 15:1

Goxı̨ eyı hanıı ghǫ goınì nàtso nı̨dè dǫ gınì nàtso-le sìı gıts'àts'edı ha hǫt'e, eyıts'ǫ t'ats'ı̨ı̨wǫ k'ę̀ę̀ zǫ k'ehots'eɂa ha nıìle.

1 Corınth 11:22

Naxıkǫ̀ shèahzhe xè aahdǫ ha dìì-le sǫnaà? Nǫ̀htsı̨ wecheekeè dǫ k'ę̀ę̀ gıahtà-le nì, eyıts'ǫ dǫ-teèt'ı̨ı̨ sìı į̀į̀zhagı̨ı̨lı̨į̀ agıahłe ha nì? Eyı ghǫ naxıts'ǫ̀ nezı̨į̀ aehsı̨ ha nì?

1 Corınth 16:11

Naxıta gots'ǫ dǫ wı̨ı̨zìı t'asìı elı̨-le yı̨ı̨hwhǫ sǫ̀ǫ̀. Ts'èwhı̨į̀ sets'ǫ̀ naweahɂà nǫǫ̀. Hanì-ı̨dè dǫ gıxè eghàlageeda xè wexaehłı ha.

1 Corınth 9:22

Dǫ nàgetso-le sìı gıta aht'ı̨ nı̨dè gıxèht'eè nàhtso-le laht'e, hanì-ı̨dè edahxǫ Zezì gha geehnè ha welì. Dǫ hazǫǫ̀ xàɂaa gıxèwhıht'e ha dehwhǫ, hanì-ı̨dè edahxǫ gıta gots'ǫ dǫ mǫ̀hdaa edaxàgehłe ha welì.

2 Corınth 10:1

Dǫ mǫ̀hdaa seghǫ dıı hagedı, “Paul gogà wheda nı̨dè ts'èwhı̨ą gots'ǫ̀ gode hanìkò gogà wheda-le nı̨dè yatı nàtsoo t'à gots'ǫ̀ gode,” sègedı. Zezì-Krı dànì wedzeè nezı̨ı̨ xè ts'èwhı̨į̀ anıwǫ k'ę̀ę̀ naxıghǫnàdaehtì.

2 Corınth 10:10

Dǫ mǫ̀hdaa hagedı, “Paul gots'ǫ̀ eetł'è nı̨dè yatıì nàtsoo t'à gots'ǫ̀ gode, hanìkò goxè wheda nı̨dè t'asìı elı̨-le lanì wègaat'ı̨ eyıts'ǫ weyatıì gogha t'asìı nıìle,” gedı.

Galatıa 6:1

Sèot'ı̨ı̨, naxı̨ Yedàyeh Nezı̨ı̨ k'ę̀ę̀ aahdaa sìı dǫ hołı̨ı̨ hòèhtsı̨ wek'èahsǫ nı̨dè, eyı dǫ wets'ǫ̀ naxıdzeè nezı̨ı̨ t'à ehkw'ı edaà aweahłe. Hanìkò edexoahdı, naxı̨ sı hołı̨ı̨ nàowoò t'à naxeèdzà ha sǫnı.

1 Thessalonıca 4:8

Eyıt'à dıı yatı naxıghàts'ı̨ı̨ɂǫǫ sìı amìı wegha wedę sìı goxı̨ zǫ gok'èı̨t'e-le nıìle, hanìkò Nǫ̀htsı̨ k'èı̨t'e-le hǫt'e. Hanıı dǫ sìı Nǫ̀htsı̨ edets'ǫ Įnì Degaı goghàı̨ɂǫǫ sìı wegha wedę hǫt'e.

1 Tımothy 4:12

Cheko anet'e t'à dǫ negı̨ı̨hwhǫ-le kò gıts'ǫnıɂà-le, hanìkò ı̨łaà dǫ nezı̨ı̨ k'ę̀ę̀ ı̨da. Eyıt'à dàı̨dıì goı̨dee, dànì k'ehoı̨ɂaa, dànì dǫ ghǫneę̀tǫǫ, dànì negha ehkw'ı-ahodıı xè degaı k'ę̀ę̀ ı̨da nı̨dè, dǫ nexègeɂı̨ ha dìì-le hǫt'e.

Hebrew 1:14

Yak'eet'ı̨į̀ hazǫǫ̀ ı̨nì agı̨ı̨t'e, dǫ edaxàgeedè ha sìı gots'àgedı gha Nǫ̀htsı̨ goı̨hɂà agı̨ı̨t'e.

Hebrew 9:24

Zezì-Krı sìı nı̨hbàa dǫlà t'à hòèlı̨ı̨ k'è goyaı̨za nıìle, eyı nı̨hbàa sìı yak'e degaı k'è gòɂǫǫ k'ę̀ę̀ hòèlı̨ı̨ hǫt'e. Zezì xàè yak'e goyaı̨za hǫt'e, dıì Nǫ̀htsı̨ nadąą̀ gogha nàwo hǫt'e.

John Wenazhıı 8:2

Eyı tł'axǫǫ̀ yak'eet'ı̨į̀ łǫ̀hdı̨ Nǫ̀htsı̨ nadąą̀ nàgeèhza gìgaat'ı̨. Dechı̨shì łǫ̀hdı̨ gıghǫ̀zha.