Matthew 17:20 - Nǫ̀htsı̨ Nı̨htł'è

²⁰ Zezì gots'ǫ̀ hadı, “Nǫ̀htsı̨ hayele ha hotıì naxıgha ehkw'ı-ahodı-le t'à. Ehkw'ı anaxèehsı̨, hòtł'ò-lea kò naxıgha ehkw'ı-ahodı nı̨dè, dıı shìh ts'ǫ̀ dıı haahdı ha dìì-le, ‘Jǫ gots'ǫ yeè ts'ǫ̀ adı̨ı̨le,’ wèahdı nı̨dè hade ha. Naxıgha ehkw'ı-ahodı nı̨dè t'asìı wı̨ı̨zìı naxıgha dìì gǫ̀hłı̨ ha nıìle,” Zezì gòhdı.

Matthew 17:20 ပူးပေါင်းရင်းမြစ်များ

Matthew 13:31

K'achı̨ Zezì goxè godo, hadı, “Nǫ̀htsı̨ Wenàowoò k'ę̀ę̀ hòɂǫǫ sìı t'asìı dehshee wejìa lanì hǫt'e. Eyı sìı dǫ neyıìchı gà dèè goyìı yı̨ı̨ɂǫ.

Matthew 14:29

Zezì yets'ǫ̀ hadı, “Jǫ-ı̨tłe!” yèhdı. Eyıt'à Peter tı ka Zezì ts'ǫ̀ èhtła.

Matthew 17:17

Zezì dǫ nı ts'ǫ̀ hadı, “Naxı̨ dǫ yàahłı̨ı̨ sìı naxıgha ehkw'ı-ahodı-le xè nàowo ehkw'ıı k'èch'a eghàlaahda. Dàwhaà naxıxè aht'e ha? Dàwhaà sınì tsį̀ahwhı ha?” Hadı tł'axǫǫ̀ dǫzhìa wetà ts'ǫ̀ hadı, “Nezaa sets'ǫ̀ wı̨ı̨hchı,” yèhdı.

Matthew 17:19

Eyı tł'axǫǫ̀ Zezì wecheekeè whatsǫǫ̀ gıts'ǫ̀-ède gà dageehke, “Dànìghǫ goxı̨ ı̨nìłı̨ı̨ xàwedets'eezhı ha dìì?” gıìhdı.

Matthew 17:9

Shìhka gots'ǫ hodàgeède ekò Zezì hagòhdı, “Dǫ-wet'àaɂàa-deè naìdà gots'ǫ̀ ayìı weahɂı̨ı̨ sìı dǫ wı̨ı̨zìı ts'ǫ̀ haahdı-le,” gòhdı.

Matthew 21:21

Zezì gots'ǫ̀ hadı, “Ehkw'ı anaxèehsı̨, naxıgha ehkw'ı-ahodı xè dìì dahwhǫ-le nı̨dè jìechots'ıì dàhłàa sìı naxı̨ sı haahłe ha dìì nıìle. Eyı wenahk'e hòahtsı̨ ha dìì-le. Dıı shìh ts'ǫ̀ dıı haahdı, ‘Yeè tèe ts'ǫ̀ adı̨ı̨le,’ dahdı nı̨dè wek'ę̀ę̀ agode ha.

Matthew 8:26

Zezì gots'ǫ̀ hadı, “Naxınì nàtso-le. Dànìghǫ sıì dahjı̨ nǫǫ̀?” gòhdı. Elà yìı nàwo xè nı̨hts'ı eyıts'ǫ taatı̨į̀ whìle aahde gòhdı t'à, ts'èwhı̨į̀ hòɂǫǫ̀ agòjà.

Mark 11:22

Zezì yets'ǫ̀ hadı, “Nǫ̀htsı̨ ts'ǫ̀ nınì nàtso welè!

Mark 11:23

Ehkw'ı anaxèehsı̨, dıı shìh ts'ǫ̀ dıı haahdı, ‘Tèe ts'ǫ̀ adı̨ı̨le,’ wèahdı nı̨dè eyıts'ǫ naxınì nàtso xè naxıgha ehkw'ı-ahodı nı̨dè wek'ę̀ę̀ agode ha hǫt'e.

Mark 4:31

Nǫ̀htsı̨ Wenàowoò k'ę̀ę̀ hòɂǫǫ sìı t'asìı dehshee wejìa lanì hǫt'e. Eyı sìı dǫ neyıìchı gà dèè goyìı yı̨ı̨ɂǫ.

Mark 9:23

Zezì yets'ǫ̀ hadı, “Dànìghǫ ‘haąle ha dìì-le nı̨dè,’ nı̨ı̨dı? Dǫ gıgha ehkw'ı-ahodıı sìı t'asìı hazǫǫ̀ gıgha dìì nıìle,” hayèhdı.

Luke 1:37

Nǫ̀htsı̨ sìı t'asìı wegha dìì gǫ̀hłı̨ nıìle,” yèhdı.

Luke 17:6

Zezì gots'ǫ̀ hadı, “Hòtł'ò-lea kò naxıgha ehkw'ı-ahodı nı̨dè, dıı ts'ı nàı̨ɂaa sìı wets'ǫ̀ dıı haahdı ha dìì-le, ‘Nexochı̨į̀ t'à xàdı̨ı̨hdlà gà tèe ts'ǫ̀ adı̨ı̨le,’ wèahdı nı̨dè naxık'èı̨t'e ha ne,” gòhdı.

Luke 18:27

Zezì gots'ǫ̀ hadı, “Ayìı dǫ gıgha dìì sìı Nǫ̀htsı̨ wegha dìì-le hǫt'e,” gòhdı.

John 11:40

Zezì yets'ǫ̀ hadı, “Negha ehkw'ı-ahodı nı̨dè Nǫ̀htsı̨ enıìyah t'à nàtsoo elı̨ı̨ sìı neɂį̀ anehłe ha, nèehsı̨ ı̨lè,” yèhdı.

1 Corınth 12:9

eyıts'ǫ dǫ ı̨łè Yedàyeh Nezı̨ı̨ wedahxà wınì nàtso ha weghàhòt'ǫ, eyıts'ǫ k'achı̨ dǫ ı̨łè Yedàyeh Nezı̨ı̨ wedahxà dǫ k'aàt'ıì ahɂı̨ ha weghàhòt'ǫ hǫt'e,

1 Corınth 13:2

Yedàyeh Nezı̨ı̨ dahxà xàyahtı ha seghàhòt'ǫ nı̨dè, t'asìı deɂı̨į̀ whelaa eyıts'ǫ t'asìı dezhìı hazǫǫ̀ wenıehdì nı̨dè, eyıts'ǫ sıì segha ehkw'ı-ahodı t'à shìh nechàa nàèhdǫ ahłe ha dìì-le, hanìkò dǫ ghǫneehtǫ-le nı̨dè t'asìı ehłı̨ nıìle.

Hebrew 3:19

Gıgha ehkw'ı-ahodı-le t'à Nǫ̀htsı̨ wexè ts'èwhı̨į̀ hòɂǫǫ sìı hogeɂį̀ ha dìì wek'èts'eezǫ hǫt'e.