Matthew 16:28 - Nǫ̀htsı̨ Nı̨htł'è

²⁸ Ehkw'ı anaxèehsı̨, dǫ mǫ̀hdaa jǫ nàgeèhzaa sìı Dǫ-wet'àaɂàa-deè Wenàowoò k'ę̀ę̀ hòɂǫǫ xè nììtła geɂį̀ kwe ełaàgede ha nıìle,” Zezì hadı.

Matthew 16:28 ပူးပေါင်းရင်းမြစ်များ

Matthew 10:23

Kǫ̀ta ı̨łè dǫ danaxegį̀ı̨hɂa nı̨dè kǫ̀ta eyıì-le ts'ǫ̀ kwı̨ahdè. Ehkw'ı anaxèehsı̨, Israel nèk'e kǫ̀ta hazǫǫ̀ ts'ǫ̀ kwı̨ahdè kwe, Dǫ-wet'àaɂàa-deè nììtła ha hǫt'e.

Matthew 16:13

Zezì kǫ̀ta Caesarea-Phılıppı ts'ǫ̀ nıwà-lea nììtła ekò edecheekeè gots'ǫ̀ hadı, “Dǫ sìı Dǫ-wet'àaɂàa-deè amìı at'ı̨ gedı?” gòhdı.

Matthew 24:3

Zezì shìh Olıvet gòyeh ekǫ wheda ekò wecheekeè whatsǫǫ̀ gıts'ǫ̀-ède, hagıìhdı, “Dàht'e-ı̨dè hagode ha sìı gots'ǫ̀ haı̨dı, eyıts'ǫ nǫǫde dzęę̀ jǫ anaąde ha nìkw'o nı̨dè ayìı ghàà wek'èts'eezǫ ha?” wecheekeè gıìhdı.

Matthew 24:34

Ehkw'ı anaxèehsı̨, ekìıyeè k'e dǫ geedaa sìı eyı hazǫǫ̀ hagode kwe ełaàgede ha nıìle.

Matthew 24:42

“Eyıt'à kexoahdı! Ayìı dzęę̀ k'e naxıts'ǫ̀ K'àowo jǫ nììtła ha sìı wek'èahsǫ nıìle.

Matthew 26:64

Zezì yets'ǫ̀ hadı, “Hęɂę, nı̨ haı̨dı ne. Įdaà nı̨dè Dǫ-wet'àaɂàa-deè Nǫ̀htsı̨ t'asìı wegha dìì-le sìı yegà nàgòts'ehnèe whedaa weahɂį̀ ha. Įdòo yak'e gots'ǫ k'oh xè nììtła ha,” yèhdı.

Matthew 8:20

Zezì yets'ǫ̀ hadı, “Nǫgèe gıɂǫ gǫ̀hłı̨ eyıts'ǫ chı̨ą sı gıt'oh gǫ̀hłı̨, hanìkò Dǫ-wet'àaɂàa-deè edı̨į̀ kwìhɂǫ ha gǫ̀hłı̨-le,” yèhdı.

Mark 13:26

“Eyı dzęę̀ k'e Dǫ-wet'àaɂàa-deè enıìyah t'à nàtso xè k'oh k'e nììtła ha, eyıts'ǫ dǫ hazǫǫ̀ geɂį̀ ha.

Mark 8:38

Dıì dǫ hołı̨ı̨ k'ę̀ę̀ geedaa sìı amìı gonadąą̀ seghǫ į̀į̀zhaelı̨ xè seyatıì sı ghǫ į̀į̀zhaelı̨ nı̨dè wexè hoìla ha. Dǫ-wet'àaɂàa-deè edetà wets'ǫ enıìyah deè t'à yak'eet'ı̨į̀ goxè nììtła nı̨dè, yeghǫ į̀į̀zhaelı̨ ha hǫt'e.

Mark 9:1

Ehkw'ı anaxèehsı̨, dǫ mǫ̀hdaa jǫ nàgeèhzaa sìı Nǫ̀htsı̨ Wenàowoò k'ę̀ę̀ hòɂǫǫ enıìyah xè nàtso geɂį̀ kwe, ełaàgede ha nıìle,” Zezì hadı.

Luke 18:8

Ehkw'ı anaxèehsı̨, ekòet'ıì gogha ehkw'ı sıìnagodle ha hǫt'e. Hanìkò Dǫ-wet'àaɂàa-deè nììtła nı̨dè asį̀į̀ wegha dıı nèk'e dǫ Nǫ̀htsı̨ ghǫ gınì nàtso ha sǫnı?” Zezì gòhdı.

Luke 2:26

Gots'ǫ̀ K'àowo wets'ǫ Chrıst eɂį̀ kwe ełaàwı ha-le, Yedàyeh Nezı̨ı̨ yets'ǫ̀ hadı ı̨lè.

Luke 9:27

Ehkw'ı anaxèehsı̨, dǫ mǫ̀hdaa jǫ nàgeèhzaa sìı Nǫ̀htsı̨ Wenàowoò k'ę̀ę̀ hòɂǫǫ geɂį̀ kwe ełaàgede ha nıìle,” Zezì hadı.

John 21:22

Zezì yets'ǫ̀ hadı, “Jǫ nǫehtła gots'ǫ̀ eda ha weehwhǫ nı̨dè eyı negha dàwet'è? Nı̨ sìı sek'èı̨tłe ha hǫt'e,” yèhdı.

John 8:51

Ehkw'ı anaxèehsı̨, amìı seyatıì k'èdìı sìı ełaàwı ha nıìle,” Zezì gòhdı.

John 8:52

Zezì hadı t'à k'aodèe dıı hagedıì yagìzeh, “Hòt'a ı̨nìłı̨ı̨ nets'ǫ̀-èlı̨ hotıì wek'èts'eezǫ ne! Abraham ełaı̨wo ı̨lè eyıts'ǫ nakwenàoɂǫǫ sı hazǫǫ̀ ełaàgı̨ı̨dè ne, hanìkò dǫ neyatıì k'èdì nı̨dè ełaàwı ha nıìle nı̨ı̨dı.

Zezì Wecheekeèdeè 1:11

Gots'ǫ̀ hagedı, “Galılee got'ı̨į̀, ayìıha ı̨dòo yat'a ts'ǫ̀ k'eaht'į̀? Zezì naxıts'ǫǫ̀ yak'e ts'ǫ̀ nıwıìtı̨ı̨ sìı, eyı xèht'eè yak'e gots'ǫ jǫ anade ha hǫt'e,” gògedı.

1 Corınth 15:23

Hanìkò nàke ts'ǫ̀ ełek'èdaà hòɂǫ agode ha: Zezì-Krı t'akwełǫ̀ǫ̀ naìdà hǫt'e, eyıts'ǫ jǫ ts'ǫ̀ anajà nı̨dè wets'ǫ dǫ gı̨ı̨lı̨ı̨ sìı hazǫǫ̀ nagìdà ha.

1 Thessalonıca 1:10

Weza naìdà ayį̀į̀làa sìı yak'e gots'ǫ jǫ anade ha wedanaahɂı̨. Eyı Zezì hǫt'e, ededı̨ sìı Nǫ̀htsı̨ nàgoehkwa ch'à edaxàgole ha hǫt'e.

Hebrew 2:9

Nǫ̀htsı̨ sìı Zezì whaà-lea gots'ǫ̀ yak'eet'ı̨į̀ k'aɂį̀ elı̨į̀ ayį̀į̀là ı̨lè. Hanìkò daı̨ɂà xè ełaı̨wo t'à, dıì sìı Nǫ̀htsı̨ enıìyah deè elı̨į̀ ayį̀į̀là, eyıts'ǫ weghàsǫhoedıì ayį̀į̀là hǫt'e. Nǫ̀htsı̨ wesǫnıwǫ t'à dǫ hazǫǫ̀ gha ełaı̨wo hǫt'e.

James 5:7

Sèot'ı̨ı̨, gots'ǫ̀ K'àowo jǫ anade ts'ǫ̀ ts'èwhı̨į̀ naahɂı̨. Dèè-goehshee-dǫǫ̀ sìı wedèè k'e t'asìı dehshee gha naèhɂı̨ı̨ sìı wedaànıahdè. Łık'è eyıts'ǫ xat'ǫ̀ chǫh agode gha ts'èwhı̨į̀ naèhɂı̨ hǫt'e.

2 Peter 1:16

Gots'ǫ̀ K'àowo Zezì-Krı dıı nèk'e ts'ǫ̀ ajà eyıts'ǫ dànì nàtso wehòhɂǫ ghǫ naxıxè gots'adoo sìı ekìı godı dǫ yèhtsı̨ t'à ats'edı nıìle, hanìkò dànì enıìyah deè elı̨ı̨ sìı goxı̨ godaà t'à wets'aɂı̨ hǫt'e.

1 John 2:28

Eyıt'à sèot'ı̨ı̨, Zezì-Krı t'aats'ǫǫ̀ wek'ę̀ę̀ aahda. Hanì-ı̨dè nììtłaa dzęę̀ k'e nı̨dè wenadąą̀ goınì nàtsoo xè edeghǫ į̀į̀zhats'ı̨ı̨lı̨ ha-le.