Matthew 16:17 - Nǫ̀htsı̨ Nı̨htł'è

¹⁷ Zezì yets'ǫ̀ hadı, “Jonah weza Sımon nexè sìghà hǫt'e. Dǫ dahxà eyı wek'èı̨zǫ nıìle, hanìkò Setà yak'e whedaa sìı wedahxà wek'èı̨zǫ hǫt'e.

Matthew 16:17 ပူးပေါင်းရင်းမြစ်များ

Luke 22:32

hanìkò, Sımon, ı̨łaà nınì nàtso ha, negha yaehtı. Sets'ǫ̀ ek'èt'à anaąjà nı̨dè nèot'ı̨ gınì nàtsoò agı̨ı̨le nǫǫ̀,” yèhdı.

John 1:42

Eyıt'à Andrew edı̨ı̨de Zezì ts'ǫ̀ yeèhchì. Zezì hotıì Sımon ghàı̨dà ekò hayèhdı, “Nı̨ sìı John weza Sımon anet'e. Cephas nìyeh ha,” yèhdı. (“Cephas” gedı nı̨dè “Peter” gedıì-agedı.)

John 6:45

Nakwenàoɂǫǫ dıı hanì gı̨ı̨tł'è ı̨lè: ‘Nǫ̀htsı̨ dǫ hazǫǫ̀ hoghàgoehtǫ ha,’ gedı ı̨lè. Dǫ hazǫǫ̀ Setà weyatıì gıìkw'o xè gık'ę̀ę̀ eghàlaedaa sìı sets'ǫ̀ aget'ı̨.

1 Corınth 15:50

Sèot'ı̨ı̨, ehkw'ı anaxèehsı̨, dıı nèk'e gots'ǫ gozhį̀į̀ t'à Nǫ̀htsı̨ Wenàowoò k'ę̀ę̀ hòɂǫ ts'ǫ̀ ats'ede ha dìì hǫt'e. T'asìı ełaàwıı sìı welǫ whìle ts'ǫ̀ edaà awedle ha dìì hǫt'e.

Ephesus 2:8

Nǫ̀htsı̨ wesǫnıwǫ t'à edaxàwhahde hǫt'e, eyıts'ǫ naxıgha ehkw'ı-ahodı t'à Nǫ̀htsı̨ wesǫnıwǫ ààhchı hǫt'e. T'asìı haahłà t'à naxıghǫ̀t'ǫ nıìle, hanìkò Nǫ̀htsı̨ naxıghàyı̨ı̨ɂǫ hǫt'e.

Ephesus 3:5

Eyı sìı dǫ gokwe gı̨ı̨dàa sìı gık'èezǫǫ̀ agììdlà-le ı̨lè, hanìkò dıì Nǫ̀htsı̨ wecheekeèdeè degaı eyıts'ǫ nakwenàoɂǫǫ degaı gı̨ı̨lı̨ı̨ sìı Yedàyeh Nezı̨ı̨ t'à gık'èezǫǫ̀ agejà.

Ephesus 6:12

Dǫ xè ełets'egǫ ats'et'ı̨ nıìle, hanìkò yat'a k'aodèe gı̨ı̨lı̨ı̨ eyıts'ǫ dıı nèk'e togoòtł'òo gha k'aodèe gı̨ı̨lı̨ı̨ sìı gıxè ełets'egǫ hǫt'e, eyıts'ǫ yat'a ı̨nìłı̨ı̨ nàgetsoo sìı gıxè ełets'egǫǫ̀ ats'et'ı̨ hǫt'e.

Hebrew 2:14

Weza ts'ı̨ı̨lı̨ı̨ sìı dǫ ats'ı̨ı̨t'e, ededı̨ sı goxèht'eè dǫ whelı̨. Gogha ełaı̨wo t'à amìı ełaàgòhdee nàtsoo elı̨ı̨ sìı yedıhòèhtsı̨; eyı sìı wehłı̨ı̨ hǫt'e.

1 Peter 5:1

Naxıgha k'aodèe gı̨ı̨lı̨ı̨ sìı gıdanatıehɂà ha. Naxıxèht'eè k'àowo aht'e eyıts'ǫ sedaà Zezì-Krı daı̨ɂà hǫt'e. Zezì-Krı enıìyah t'à K'àowocho k'ę̀ę̀ wègoèht'į̀ nı̨dè sı̨ sı wexè aht'ı̨ ha hǫt'e.

1 John 4:15

Amìı, Zezì Nǫ̀htsı̨ Weza hǫt'e wegha ehkw'ı-ahodıı sìı, Nǫ̀htsı̨ yedzeè yìı nàdè hǫt'e, eyıts'ǫ ededı̨ sı Nǫ̀htsı̨ xè nàdè hǫt'e.

1 John 5:20

Nǫ̀htsı̨ Weza sìı dıı nèk'e ts'ǫ̀ ajà, eyıts'ǫ wenàowoò wenıts'eedì agǫ̀ǫ̀là wek'èts'eezǫ, eyıt'à ededı̨ sìı ehkw'ı hǫt'e wek'èts'eezǫ. Nǫ̀htsı̨ Weza Zezì-Krı ehkw'ı hǫt'e sìı wexè ats'ı̨ı̨t'e. Ededı̨ xàè Nǫ̀htsı̨ ehkw'ı elı̨, eyıts'ǫ ededı̨ wet'à welǫ whìle ts'ǫ̀ ts'eeda ha hǫt'e.