Matthew 16:14 - Nǫ̀htsı̨ Nı̨htł'è

¹⁴ Wecheekeè hagıìhdı, “Dǫ mǫ̀hdaa John-Baptıst at'ı̨ gedı, mǫ̀hdaa Elıjah at'ı̨ gedı eyıts'ǫ dǫ mǫ̀hdaa Jeremıah hanì-le-ı̨dè whaà gots'ǫ nakwenàoɂǫǫ at'ı̨ gedı,” gıìhdı.

Matthew 16:14 ပူးပေါင်းရင်းမြစ်များ

Matthew 14:2

Eyıt'à Herod edecheekeè ts'ǫ̀ hadı, “Eyı dǫ John-Baptıst at'ı̨! Naìdà t'à enıìyah łǫ hohtsı̨ hǫt'e,” gòhdı.

Matthew 16:15

Zezì dagoehke, “Ekò naxı̨, amìı aht'e sèahdı?” gòhdı.

Matthew 17:10

Wecheekeè taı dageehke, “Dànìghǫ Nǫ̀htsı̨-yatıì-k'ègedìı-dǫǫ̀ nakwenàoɂǫǫ Elıjah t'akwełǫ̀ǫ̀ nììtła ha, gedı,” gıìhdı.

Matthew 3:1

Sìghaı̨waà tł'axǫǫ̀ John-Baptıst Judea nèk'e ts'ǫ̀ nıwà-lea ekìı-ka nèk'e ekǫ dǫ hoghàehtǫ,

Mark 6:15

Dǫ mǫ̀hdaa, “Nakwenàoɂǫǫ Elıjah at'ı̨,” gedı, eyıts'ǫ ı̨łaà dǫ mǫ̀hdaa, “T'akwe whaà gots'ǫ nakwenàoɂǫǫ at'ı̨,” gedı.

Mark 8:28

Wecheekeè hagıìhdı, “Dǫ mǫ̀hdaa John-Baptıst aąt'e gedı, mǫ̀hdaa Elıjah aąt'e gedı eyıts'ǫ dǫ mǫ̀hdaa whaà gots'ǫ nakwenàoɂǫǫ aąt'e nègedı,” gıìhdı.

Luke 9:8

Dǫ mǫ̀hdaa, “Nakwenàoɂǫǫ Elıjah naìdà at'ı̨,” gedı, eyıts'ǫ ı̨łaà dǫ mǫ̀hdaa, “T'akwe whaà gots'ǫ nakwenàoɂǫǫ naìdà at'ı̨,” gedı.

John 1:21

Eyıt'à hagıìhdı, “Hanì-ı̨dè amìı anet'e? Asį̀į̀ Elıjah anet'e?” gıìhdı. John-Baptıst hagòhdı, “Eyı aht'e-le.” “Nakwenàoɂǫǫ deè anet'e nì?” gıìhdı. “Į̀le,” gòhdı.

John 7:12

Hanìkò dǫdeè nı dǫ łǫ Zezì ghǫ ełets'ǫ̀ gogede. Dǫ mǫ̀hdaa hagedı, “Dǫ nezı̨ hǫt'e,” mǫ̀hdaa hagedı, “Į̀le ne, eghǫyaeɂàa-dǫǫ̀ elı̨ ne,” gedı.

John 9:17

K'achı̨ ı̨łàà eyı dǫ dageehke, “Nı̨ nedaà k'aàt'ıì ayį̀į̀là ne t'à eyı dǫ sìı weghǫ dàı̨dı?” gıìhdı. Dǫ gots'ǫ̀ hadı, “Eyı dǫ nakwenàoɂǫǫ hǫt'e,” gòhdı.