Matthew 15:4 - Nǫ̀htsı̨ Nı̨htł'è

⁴ Nǫ̀htsı̨ gots'ǫ̀ dıı hadı ı̨lè, ‘Naxıtà eyıts'ǫ naxımǫ gıts'ǫ̀ nezı̨į̀ aahda,’ eyıts'ǫ ‘Amìı edetà eyıts'ǫ edemǫ gots'ǫ̀ ìch'e xè gots'ǫ̀ nàdahoɂàa sìı ełaàwèahwhı ha hǫt'e,’ dek'eèhtł'è.

Matthew 15:4 ပူးပေါင်းရင်းမြစ်များ

Matthew 15:3

Zezì gots'ǫ̀ hadı, “Ekò naxı̨, dànìghǫ naxıcho gınàowoò k'ę̀ę̀ eghàlaahdaa sìı Nǫ̀htsı̨ nàowoò nahk'e wet'àaɂà dahwhǫ? Haaht'ı̨ ts'ıhɂǫ̀ Nǫ̀htsı̨ wenàowoò k'eahzhì hǫt'e.

Matthew 15:5

Hanìkò naxı̨ dıı haahdı: ‘Dǫ edetà eyıts'ǫ edemǫ gots'ǫ̀ dıı hadı ha hǫt'e: Wet'à naxıts'àhdı ha ı̨lèe sìı Nǫ̀htsı̨ wegha wheɂǫǫ̀ ahłà.

Matthew 19:19

naxıtà eyıts'ǫ naxımǫ gıts'ǫ̀ nezı̨į̀ aahda,’ eyıts'ǫ ‘edeghǫnıahtǫ k'ę̀ę̀ naxèot'ı̨ ghǫnıahtǫ,’ dek'eèhtł'è,” Zezì yèhdı.

Matthew 4:10

Zezì yets'ǫ̀ hadı, “Wehłı̨ı̨, sets'ǫǫ̀ naı̨tłe! Dıı hanì dek'eèhtł'è hǫt'e: ‘Nǫ̀htsı̨ naxıts'ǫ̀ K'àowo sìı ededı̨ zǫ wets'ǫ̀ nàgòahgè ha hǫt'e, eyıts'ǫ ededı̨ zǫ wek'èaht'e ha hǫt'e,’ dek'eèhtł'è,” yèhdı.

Rome 3:31

Eyıt'à Zezì gogha ehkw'ı-ahodı ts'ıhɂǫ̀ Moses wenàowoò wet'àaɂà-le ade ha nì? Į̀le, hanì ha honàedı nıìle! Moses wenàowoò ı̨łaà gogha ehkw'ı hǫt'e eyıts'ǫ dǫ ts'ǫ̀ hats'edı hǫt'e.

Ephesus 6:1

Chekoa yàahłı̨ı̨ sìı gots'ǫ̀ K'àowo wets'ǫ aaht'e t'à xàè naxèot'ı̨ k'èaht'e, eyı sìı ehkw'ı ne t'à.